2 Kurintu 11:9 - Manobo Western Bukidnon

⁹ Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 11:9 Кръстосани препратки

Nengeulaula 18:3

ne mid-amur sikandin kandan su neked-iring is terebahu zan he iyan is kebpemaal te idlelawig he terapal.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

Nengeulaula 20:33

Is selapì wey minsan manggad te minsan hentei keniyu, kenà iyan tuyù ku.

Ruma 15:26

Su is menge tumutuu zini te prubinsya he Mesidunya, wey te prubinsya he Gerisya, neisip dan he meupiya ke ebeg̵ey zan te tavang diyà te menge tumutuu he egkengeayuayu ziyà te inged he Hiruselim.

1 Kurintu 16:17

Utew ad neg̵alew hein nekeuma si Istipenas, si Fortunato wey si Ekeyiku su henduen be te netembaran is utew ku kebulunga keniyu.

2 Kurintu 6:4

Ne umba ebpurungan dey is ulaula zey su wey zey ikepaahà he menge sulug̵uen key te Megbevayà te minsan hengkey he paag̵i. Ne tenged kayi ed-antus key te minsan hengkey he kemereg̵enan, kemeresayan, wey menge samuk.

2 Kurintu 9:12

Ne heini is ibeg̵ey niw, kenà iyan dà pulus din is kegketavangi te menge tumutuu te Megbevayà, kekenà, pinaag̵i kayi utew mezakel he etew is ebpeselamat te Megbevayà.

Pilipus 2:25

Ne elin daan kayi te isip ku he kinahanglan he ibpehendiyan ku is suled tew he si Ipepruditu, kes midsug̵ù niw pehendini wey e zin metevangi. Iyan sikandin duma ku wey timbang ku kayi te ebpeveelan kedì te Megbevayà.

1 Tiselunika 2:6

Wazè key mebpezalig keniyu; wazè key zaan mebpezalig te zuma. Geina te menge epustul key ni Kristu, egkehimu he edsug̵ùsug̵ù key zaan keniyu, iyan, wazè dey heini ul-ulaha.

1 Tiselunika 2:9

Menge suled, kenè niw vuwa egkelipatan is kedhag̵ù dey ziyan te kebaal. Su hein impesavut dey keniyu is Meupiya he Tudtulanen he ebpuun te Megbevayà, mibpenigudu key zaan medhag̵ù te maandew se mezukilem wey key mekekuwa te keuyag̵an dey wey key kenà mekesamuk keniyu.

Hibriyuhanen 11:37

Duen daan mibpenhimetayan pinaag̵i te kedtulenga te vatu. Ne zuen pa zaan midliwazà tempeza, ne zuen pa zaan mibpenhimetayan pinaag̵i te tibas. Ne is duma pa, ne tenged te kenè dan ked-engkezi te kedtuu zan, ne iyan dà ugelingen dan is lundis te kerehidu wey kambing. Utew zan nengeayuayu. Mibpemesipelahan wey midlupig̵an sikandan te menge etew.