2 Kurintu 11:8 - Manobo Western Bukidnon

⁸ Dutun te kebpenurua ku keniyu ne iyan midsuhul kedì is menge tumutuu ziyà te zuma pa he menge inged. Henduen be te midtekawan ku sikandan wey ku sikiyu iyan metevangi.

2 Kurintu 11:8 Кръстосани препратки

1 Kurintu 4:12

Kinahanglan he edhag̵ù key su wey zey mekuwa is menge kinahanglan dey. Ne ke edrewakan key te menge etew kenè key edtavak, kekenà, id-ampù dey sikandan he tuvazi sikandan te Megbevayà. Ne emun ebpesipelahan key ne ed-entusen dey.

1 Kurintu 9:6

Ne egkehimu ve he iyan key zà ki Bernabe wazè din ketenged te kebuyù te igkeuyag dey ziyà te ebpekezawat te menge penurù dey?

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

Pilipus 4:18

Nezawat ku en is impeuwit niw ne utew subra is imbeg̵ey niw. Ne kenà ad egkealang-alang su inhated en ni Ipepruditu zini is idtavang niw kedì. Iring heini te pemuhat he utew mehemut, he ke và dà egkeg̵iya, utew igkesuat te Megbevayà.