2 Kurintu 11:7 - Manobo Western Bukidnon

⁷ Hein impesavut ku ziyan te keniyu is Meupiya he Tudtulanen, wazà a mebpesuhul keniyu te minsan sengesintabus dà. Ne iyan benar is: mibpekeminus ku en is pid-etawan ku su wey ku sikiyu ikepelavew. Sayep ku ve heeyan?

2 Kurintu 11:7 Кръстосани препратки

Nengeulaula 20:33

Is selapì wey minsan manggad te minsan hentei keniyu, kenà iyan tuyù ku.

Nengeulaula 20:34

Netuenan niw he mibpenigudu a medterebahu wey ku mekuwa is menge kinahanglan dey te menge zuma ku.

Ruma 1:1

Iyan a si Pablo is teg̵isurat kayi. Uripen a ni Jesu Kristu ne midhimu e zin daan he epustul. Impenaad dengan te Megbevayà pinaag̵i te impesurat din te menge ebpeneuven din he zuen timpu he zuen Meupiya he Tudtulanen he ibpesavut kenitew. Umba mibpilì a he epustul su wey a mekepenudtul kayi te Meupiya he Tudtulanen.

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

1 Kurintu 9:6

Ne egkehimu ve he iyan key zà ki Bernabe wazè din ketenged te kebuyù te igkeuyag dey ziyà te ebpekezawat te menge penurù dey?

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

2 Kurintu 10:16

Ne pinaag̵i kayi egkehimu he idsangyew zey is Meupiya he Tudtulanen ziyà te menge meziyù he inged he ziyan dapit te keniyu. Su kenè dey egkesuatan he idantal zey is mibeelan te zuma he etew zutun te menge inged he wazè key zutun sug̵ua te Megbevayà.

2 Kurintu 12:13

Is kedtavang ku keniyu ne iring ded te kedtavang ku te menge tumutuu ziyà te zuma he menge inged. Asal kela ke kunaan niw ke kenè ku idtavang keniyu is kenè ku keniyu kebuyui te selapì. Emun nekesalà a keniyu pinaag̵i kayi peseyluwa a keniyu.

2 Kurintu 2:12

Menge suled, hein midhendiyà a te inged he Truwas te kedsangyew te Meupiya he Tudtulanen, neehè ku he midhimu en te Nengazen is paag̵i wey ku ikepelaus is ebpeveelan din kedì.

1 Tiselunika 2:9

Menge suled, kenè niw vuwa egkelipatan is kedhag̵ù dey ziyan te kebaal. Su hein impesavut dey keniyu is Meupiya he Tudtulanen he ebpuun te Megbevayà, mibpenigudu key zaan medhag̵ù te maandew se mezukilem wey key mekekuwa te keuyag̵an dey wey key kenà mekesamuk keniyu.

2 Tiselunika 3:8

Wazè key mekevuyù te egkeenen dey ziyà te minsan hentei, kekenà, mibeyazan dey. Maandew wey mezukilem midhag̵ù key mebaal su wey kew kenà medlised tenged kenami.