2 Kurintu 11:31 - Manobo Western Bukidnon

³¹ Is Megbevayà wey Amey te Nengazen tew he si Jesus, delig̵a sikandin te wazà pidtemanan. Netuenan din he kenà tarù heini is egkeg̵iyen ku.

2 Kurintu 11:31 Кръстосани препратки

Juan 10:30

Sevaha key zà, siak wey is Amey ku he Megbevayà.”

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Ruma 1:25

Kenè dan edtuuwan is tutuu mehitenged te Megbevayà, kekenà, tarù is edtuuwan dan. Ed-ezapen dan wey ebpezumdumahan dan is linimbag dà duen, kenà is Nenlimbag. Berakat he wazà pidtemanan te kedelig̵a kandin te menge etew.

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 15:6

Ne emun iyan haazà ne human egkesevaha is kedalig niw te Megbevayà tew wey Amey te Nengazen tew he si Jesu Kristu.

Ruma 9:1

Duen egkeg̵iyen ku keniyu ne kenà tarù heini su sumusundan a ni Kristu. Ne netuenan ku zaan he kenà tarù heini su iyan ed-uwit te isip ku is Wag̵as he Mulin-ulin.

Ruma 9:5

Mibpilì din dengan is menge kepuun dan. Ne hein mibpeetew si Kristu he iyan Megbevayà he ebayàbayà te langun, in-anak sikandin he zuma zan he Hudiyu. Berakat he zelig̵a sikandin te wazè din pidtemanan.

2 Kurintu 1:23

Siluti a te Megbevayà emun kenà tutuu is egkeg̵iyen ku. Netuenan din he iyan ketezengan ke maan is wazà a mekepenumbaley ziyan te Kurintu su wey kenè kew meseeng pinaag̵i te kedsusiya ku te menge ulaula niw.

2 Kurintu 1:3

Edelig̵en tew is Megbevayà he iyan Amey te Nengazen tew he si Jesu Kristu; iyan sikandin hihizuwen he Amey tew wey puunà te minsan hengkey he tavang kenitew.

2 Kurintu 11:11

Kunaan niw vuwa ke umba egkeg̵iyen ku he kenà a ebuyù diyan te keniyu su wazà gehinawa ku keniyu, iyan, utew kew mahal zini te g̵ehinawa ku. Netuenan te Megbevayà he mahal kew zini te g̵ehinawa ku.

Gelasya 1:20

Tutuu heini is edtudtulen ku keniyu. Netuenan te Megbevayà he kenà tarù.

Ipisu 1:3

Dekelà utew is kebpeselemati tew te Megbevayà he Amey te Nengazen tew he si Jesu Kristu su tenged te kebpekidsevaha tew ki Kristu, intuvad din kenitew ziyà te langit is minsan hengkey he meupiya pinaag̵i te ked-ulini kenitew te Wag̵as he Mulin-ulin.

Ipisu 3:14

Ne tenged kayi te langun he intuvad kenitew te Megbevayà, edluhuzan ku te ed-ampù is Amey tew he Megbevayà.

Kulusas 1:3

Sikami, emun id-ampù dey sikiyu, layun key ebpeselemat diyà te Megbevayà he Amey te Nengazen tew he si Jesus tenged keniyu,

1 Tiselunika 2:5

Netuenan niw he kes menge lalag dey, kenà kedigdig dà. Kenà ibpenapì kes mid-ulaula zey ziyan. Is Megbevayà, iyan ebpeketistig̵us kayi.

1 Timoteo 1:11

Ne heini is hustu he tuluuwen, ne ebpuun te Meupiya he Tudtulanen mehitenged te utew zekelà he g̵ehem te Megbevayà. Is Megbevayà he iyan dait he edelig̵en, insarig din kedì heini is tudtulanen wey ku mesangyew.

1 Timoteo 1:17

Kes sebsevaha zà he Megbevayà, kenà egkeahà. Iyan sikandin hadì te minsan hengkey ne wazè din kemetayen; berakat he tehuza wey zelig̵a sikandin te wazè din pidtemanan.

1 Timoteo 6:16

Iyan sikandin wazà kemetayen. Diyà sikandin ed-ubpà te kerayag he kenà egkeuvayan. Wazà etew he nekeahà kandin ne kenà sikandin egkeahà te minsan hentei he etew. Berakat he zelig̵a sikandin wey medhadì sikandin te wazà pidtemanan.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.