2 Kurintu 11:28 - Manobo Western Bukidnon

²⁸ Ne kenà duen dà taman su andew-andew egkereg̵enan a te kedumelaha ku te langun he menge gurupu te menge tumutuu ziyà te minsan hendei.

2 Kurintu 11:28 Кръстосани препратки

Nengeulaula 15:36

Ne hein neug̵et en dutun, migkeg̵iyan ni Pablo si Bernabe te, “Edlikuan ta nasì te edlauy is menge tumutuu ziyà te menge inged he mibpesevutan ta te Lalag te Nengazen.”

Nengeulaula 18:23

Ne hein malù sikandin neug̵et dutun ne midlaus en maan. Mid-eneb din is menge prubinsya he Perigya wey Gelasya ne midheg̵etan din is kedtuu te menge sumusundan ni Jesus dutun.

Nengeulaula 20:2

Ne mid-eneb din is menge inged dutun ne mibpurungan din weliyi is menge tumutuu zutun te kedheg̵eta zin te kedtuu zan. Ne zutun midlaus diyà te Gerisya.

Nengeulaula 9:31

Ne zutun mibmelinew is kebpekesavuk te langun he menge tumutuu ki Jesus diyà te prubinsya he Hudiya, wey Semarya wey Geliliya. Neheg̵et is kedtuu zan ne tenged te layun dan ibpehuna is kedtahud dan te Nengazen wey tenged te kedtavang kandan te Wag̵as he Mulin-ulin mid-iseg dan mebmezakel.

Ruma 1:14

Su iring te zekelà is utang ku te tivuuk he menusiyà ne iyan kebeyazi ku kayi te utang is: ebpenudtulen ku kandan is keag̵i ni Kristu. Kinahanglan he edweliyan ku is nemeketunghà wey is wazà memeketunghà. Kinahanglan he edweliyan ku is menge metau wey is menge paglung.

Ruma 11:13

Ne sikiyu is menge etew he kenà menge Hudiyu, duen egkeg̵iyen ku keniyu. Siak, epustul a he mibpilì te Megbevayà wey ku ikesangyew ziyan te keniyu is lalag din. Ne umba ebpurungan ku te edtuman is ebpeveelan din kediey,

Ruma 15:16

wey a mehimu he sug̵ù ni Jesu Kristu ziyan te keniyu te menge etew he kenà menge Hudiyu. Henduen te memumuhat a su ke pinaag̵i kedì ebpeketuu is menge etew; egkehimu zan he iring te pemuhat ku he pinaag̵i te kedlumpiyuwi kandan te Wag̵as he Mulin-ulin edewaten te Megbevayà.

Ruma 16:4

Tenged te kedtevangi zan kediey wazè dan isepayan ke ebpatey zan, ne tenged kayi utew zekelà is peselamat ku kandan. Ne kenà duen dà taman, su zekelà daan is peselamat kandan te langun he menge tumutuu zini he kenà menge Hudiyu.

1 Kurintu 7:17

Ne minsan hengkey is kebpekesavuk te kada sevaha kenitew zini te kelibutan, kinahanglan he edtumanen te kada sevaha is ebpeveelan kandin te Megbevayà sumalà ke hengkey is kebpekesavuk din dutun te kebpetuuwa kandin te Nengazen tew. Ibpenurù ku heini te menge tumutuu ziyà te minsan hendei he inged.

Kulusas 2:1

Umba egkeg̵iyen ku heini su egkesuatan ku he metueni niw ke maan is ebpenigudu a edhag̵ù tenged keniyu wey tenged daan te menge tumutuu ziyà te inged he Leudisiya wey is minsan hentei he tumutuu ziyan he iring keniyu wazè pa mekekilala kedì.