2 Kurintu 11:26 - Manobo Western Bukidnon

²⁶ Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.

2 Kurintu 11:26 Кръстосани препратки

Nengeulaula 13:45

Iyan, hein nengeahà te menge Hudiyu is mezakel he menge etew, nengesina zan engki Pablo ne midsumpalit dan is impenurù ni Pablo ne mibpenulè dan sikandin.

Nengeulaula 13:50

Ne is menge punuan dutun te inged he Entiyukya wey is menge vai he ed-azap te Megbevayà, midhimu sikandan te menge Hudiyu he mengepauk dan ki Pablo wey ki Bernabe. Ne midsegseg dan haazà is dezuwa zutun te inged.

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 14:5

Ne is menge Hudiyu wey menge punuan dan wey is menge zuma zan he kenà menge Hudiyu, neisip dan he ebpesipelahan dan wey edtulengen dan te vatu is menge epustul.

Nengeulaula 15:40

Ne si Pablo mulà, mibpilì din si Silas he iyan edumahan din ne migenat dan daan. Ne is menge tumutuu zutun te Entiyukya, impengumew-umew zan te Megbevayà he tevangi zin haazà is dezuwa te hipanew zan.

Nengeulaula 17:13

Ne sikan is menge tigTiselunika he menge Hudiyu, hein nezineg dan he impesavut daan ni Pablo is Lalag te Megbevayà dutun te inged he Biriya, midhendutun dan ne midhimu zan he mengepauk engki Pablo is mezakel he menge etew.

Nengeulaula 17:5

Ne zutun, nengesina engki Pablo is menge Hudiyu ne midtig̵um dan is mezakel he menge tepulan he wazà menge pulus he etew. Ne mid-eneb dan is tivuuk he inged te edsinamuk. Midhendiyè dan te valey ni Jason su edteg̵elen dan egkuwaa si Pablo wey si Silas su wey zan meuwit diyà te menge etew.

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 19:1

Dutun te kemulu pa si Epulus diyà te Kurintu, diyà si Pablo mebayà te menge inged he zizaya te Ipisu ne midhendiyè en maan te Ipisu. Ne neuma zin dutun is menge sumusundan daan ni Jesus.

Nengeulaula 19:23

Ne zutun, nehitavù is dekelà he samuk diyà te Ipisu tenged te tuluuwen he imbeg̵ey te Nengazen tew.

Nengeulaula 20:19

Midtuman ku is ebpeveelan kedì te Megbevayà ne wazà a mebpelavew. Mibpenig̵is is menge luhè ku tenged te mahal kew zini te g̵ehinawa ku. Mezakel is kemereg̵enan wey kemeresayan he neulaula ku tenged te menge pesipala he mibeelan kediey te menge iring ku he Hudiyu.

Nengeulaula 20:3

Ne zutun sikandin med-ubpà taman te tetelu he vulan. Ne zutun neisip din he ed-untud te barku su edhendiyà te Sirya, ne neisip daan dutun te menge Hudiyu he edekepen dan sikandin dutun te kegenat din, umba, nahalin is gehinawa zin su neisip din maan he edlikù diyà te imbayè din pehendiyà te Mesidunya.

Nengeulaula 23:10

Ne mid-iseg dutun is kegkesumpakì dan ne tenged dutun insug̵ù te kepitan diyà te menge sundaru zin he eg̵awa zan si Pablo zutun te menge etew wey iulì diyà te kutà. Su nahandek sikandin su kela ke pitaspitasa zan si Pablo.

Nengeulaula 25:3

he emun meupiya zà te g̵ehinawa zin kandan ne ipeuwit din si Pablo ziyà te Hiruselim. Umba midhangyù dan te iring kayi su wey zan meeyani si Pablo ziyà te ibayè din wey zan mehimetayi.

Nengeulaula 27:42

Ne neisip te menge sundaru he ebpenhimetayan dan is menge pirisu su wey kenè dan mekeg̵aun dutun te veyvey ne kenè dan egkepeleg̵uyan haazà is menge sundaru.

Ruma 15:19

pinaag̵i te menge singyal wey egkein-inuwan wey pinaag̵i zaan te g̵ehem te Wag̵as he Mulin-ulin. Midhipanew a puun diyà te inged he Hiruselim pehendiyà te inged he Iliriku ne mibpurungan ku te ebpesavut is Meupiya he Tudtulanen te keag̵i ni Kristu.

Ruma 8:35

Ne emun iyan haazà ne wazà minsan hengkey he ebpekepesuwey kenita ziyà te ki Kristu. Minsan ke egkerasey ki te kemereg̵enan wey samuk wey pesipala; minsan ke egkereg̵enan ki te vitil ne wazè ta ugelingen; minsan ke egkekeizan ki ne edhimetayan ki; ne kenà egkeawà is kebmahal ta ziyà te g̵ehinawa ni Kristu.

1 Kurintu 15:30

Ne sikami zaan, hengkey is pulus din dini te kenami ke kenè kiw egkengevanhew keuzemà? Su maan is ed-entusen dey pa is utew piligru.

1 Kurintu 15:32

Utew mezakel is kemeresayen ku zini te Ipisu su iring is menge kuntada ku te menge ebpekekaid he langgam he egkesuatan e zan te edaas. Ne maan is ed-entusen ku pa is iring kayi ke kenà a keuzemà egkevanhew. Su emun iyan haazà ne meupiya pa ke edtumanen ku haazà is erubasa he edhenduen te, “Edlipey kiw en; ed-inum kiw ne egkaan kiw su kela ke meg̵aan kiw en ebpatey ne egkehanew heini is langun.”

2 Kurintu 11:32

Dengan, hein diyà a te inged he Demasku, is gubirnedur he intezù ni Hadì Eritas, midsug̵ù din is menge sundaru he ventayi zan is pultahan he idselang dutun te kutà te inged su wey e zan mezakep ke egawas a zutun.

Gelasya 2:4

Iyan, duen menge etew he kenà tutuu he menge tumutuu te tutuu he tuluuwen he midtampu kenami. Egkesuatan dan dutun he sirkunsidara si Tito. Umba midtampu zan he id-eles dan he kenè dan tutuu he tumutuu su wey zan maahà ke edtumanen tew is menge sug̵ù he imbilinbilin ni Moises. Su egkesuatan dan he meiring kiw te uripen pinaag̵i te kedtuman te kesug̵uan minsan te nelibri kiw en ni Jesu Kristu ne wazè en kinahanglan he ebenteyanan tew pa is kesug̵uan.