2 Kurintu 11:25 - Manobo Western Bukidnon

²⁵ Ketetelu ad bug̵ela pinaag̵i te menge tuked. Midtuleng a te vatu te menge etew su edhimetayan e zan pezem. Ketetelu en daan melavu is barku he mid-untuzan ku ne zuen timpu he sengekezukileman wey sengeandew ziyà a te lawed te zag̵at is nekeg̵eg̵entungan dà.

2 Kurintu 11:25 Кръстосани препратки

Mateo 20:19

ne ibpalad e zan daan diyà te menge etew he kenà menge Hudiyu. Ne is menge etew he kenà menge Hudiyu, ne ed-iringen e zan te velvelayen, ebug̵elen e zan, ne idransang e zan te krus su edhimetayan a. Ne seled te tetelu he andew zutun, ebenhawen a te Megbevayà.”

Mateo 21:35

Ne hein nemekeuma haazà is menge sulug̵uen din, mibpemug̵el zutun te impemeelima zin te perasan is sevaha zutun. Ne is sevaha, midhimetayan dan, ne is sevaha pa zutun, midtuleng dan te vatu.

Nengeulaula 14:19

Ne nekeuma is menge Hudiyu he tig-Entiyukya ziyà te prubinsya he Pisidya wey elin dutun is menge Hudiyu he tig-Ikunya. Midhimu zan he mengepauk engki Pablo haazà is menge etew. Midtuleng dan si Pablo te vatu ne miguyud dan in-awà dutun te inged su kunaan dan ke minatey en.

Nengeulaula 14:5

Ne is menge Hudiyu wey menge punuan dan wey is menge zuma zan he kenà menge Hudiyu, neisip dan he ebpesipelahan dan wey edtulengen dan te vatu is menge epustul.

Nengeulaula 16:33

Ne zutun te metaneb pa is kezukileman, migkuwa si Pablo wey si Silas dutun te ebantey te pirisuwan, ne mibpenlùluan din is menge palì dan ne zutun mibewtismuwan dan sikandin wey is tivuuk he pemilya zin.

Nengeulaula 16:37

Ne zutun, wazà dewata ni Pablo ne migkag̵i sikandin diyà te menge pulis te, “Kenà egkehimu su ed-inged key he zizalem te velaud te inged he Ruma ne nesupak dan is belaud te menge Rumanu su wazè key zan imbistigaha ne wazè key mekesupak te velaud, ne impevug̵el key zan diyà te etuvangan te langun he menge etew ne mibpirisu key zan. Ne g̵untaan id-eles-eles key keniyu ibpaawa! Kenà egkehimu su kinahanglan he iyan ebpaawà kenami sikan is menge egalen niw he upisyal he Rumanu.”

Nengeulaula 22:24

Ne haazà is kepitan te menge sundaru he Rumanu, wazè din mesavut ke hengkey is egkeg̵iyen dan ne zutun insug̵ù din te menge sundaru he uwita zan si Pablo zutun te kutà ne vug̵ela zan su wey zin iketug-an ke hengkey is ingkepeuki kandin te menge Hudiyu su maan is ebpememensag dan te iring dutun.

1 Timoteo 1:19

Iyan gumaan nu is kedtuu nu te tutuu he tuluuwen wey is kedtumana nu te langun he netuenan nu he hustu. Duen menge etew he wazè dan tumana is netuenan dan he hustu ne tenged kayi nezeetan en is kedtuu zan te Megbevayà.

Hibriyuhanen 11:37

Duen daan mibpenhimetayan pinaag̵i te kedtulenga te vatu. Ne zuen pa zaan midliwazà tempeza, ne zuen pa zaan mibpenhimetayan pinaag̵i te tibas. Ne is duma pa, ne tenged te kenè dan ked-engkezi te kedtuu zan, ne iyan dà ugelingen dan is lundis te kerehidu wey kambing. Utew zan nengeayuayu. Mibpemesipelahan wey midlupig̵an sikandan te menge etew.