2 Kurintu 11:19 - Manobo Western Bukidnon

¹⁹ Ne g̵eina te menge uluwanen kew he etew, utew kew metau he ed-antus te menge lalag te tulebung diyà te keniyu.

2 Kurintu 11:19 Кръстосани препратки

1 Kurintu 10:15

Sikiyu, ne metau kew he ed-isip, umba, isipa niw heini is egkeg̵iyen ku.

1 Kurintu 4:10

Sikami, egkeg̵iyen te menge etew he kenè key metau he ed-isip su ibpenurù dey is lalag ni Kristu. Ne sikiyu mulà, egkeg̵iyen niw he utew kew metau tenged te kedtuu niw ki Kristu! Telawen key kun, iyan, sikiyu, utew kew memevurut! Edtehuzen kew te menge etew, iyan, sikami, kenè key mulà edtehuzen, kekenà, ebpesipelahan key zan.

1 Kurintu 8:1

Ne mehitenged te insè niw ke idtug̵ut be kenitew te menge tumutuu ke egkeenen tew is usa he impemuhat diyà te menge tarù he ed-ezapen, netuenan tew te langun he heini is menge tarù he ed-ezapen ne wazè dan gehem kenitew. Ne minsan ke netuenan ta he wazà gehem dan kenita, egkehimu he ebpegalbu ki tenged kayi te netuenan ta emun wazà heini metueni te menge zuma ta. Umba egkeg̵iyen ku heini su kenè ki ebpeketavang te menge zuma ta pinaag̵i zà te netuenan ta, kekenà, pinaag̵i te g̵ag̵ew ta kandan.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 3:17

Egkag̵i kew te, “Sepian kiw ne meupiya is kebpekesavuk tew ne wazè tew en kurang te minsan hengkey.” Ne minsan pa zutun, wazè niw metueni he mekehizuhizu kew utew su egkengeayuayu kew te kedtuu; nengelakap is isip niw wey nengelevasan kew su wazè niw menge metazeng he ulaula.