2 Kurintu 11:12 - Manobo Western Bukidnon

¹² Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

2 Kurintu 11:12 Кръстосани препратки

Mateo 26:16

Ne puun dutun mibpeng-ahà si Hudas te paag̵i ke ebmenmenuwen din te ed-akal si Jesus su wey mezakep dutun te menge etew.

1 Kurintu 5:6

Maan is ebpegalbu kew? Netuenan niw is erubasa he edhenduen te, “Minsan ke zuen deisek dà he tapey ne egketepayan din is sengebisin en he erina he ebeelan he supas.”

1 Kurintu 9:12

Su ke egkehimu ke zuen ebpeebuten he igkeuyag te menge zuma he ebpenurù diyan, iyan key pe be kenà mebpaabut daan te lavew pa he zekelà. Ne minsan pa te iyan heini ketezengan, wazè key mebuyù diyan te keniyu su kela ke zuen egkag̵i he ibpenapì dey zà is baal zey ziyan. Ed-entusen dey is minsan hengkey su kenè dey egkesuatan he mesanggen is kedsengyawa te Meupiya he Tudtulanen mehitenged ki Kristu.

2 Kurintu 1:17

Ne g̵eina te wazè ku heini metuman kunaan niw vuwa ke layun edhalinhalin is isip ku. Kunaan niw vuwa zaan ke iring is menge isip ku te isip te etew he iyan ebayàbayà kandin is kandin dà he mezaat he suat. Kunaan niw ke zutun te kegkag̵i ku he ebpehendiyan a ne iyan bes neseled dini te g̵ehinawa ku is kenà a ebpehendiyan.

2 Kurintu 10:17

Duen insurat he Lalag te Megbevayà he edhenduen te, “Ke zuen etew he egkesuat he edantal, kinahanglan he iyan dà idantal zin is nengehimu te Nengazen.”

2 Kurintu 11:18

Ne g̵eina te zuen mezakel he idantal zan is menge ulaula zan dini te kelibutan egkehimu vuwa taman te meg̵aan dà ke idantal ku zaan is kedì.

2 Kurintu 11:9

Ne hein diyan a te keniyu ke zuen kinahanglan ku he selapì, wazè ku vuyua ziyan te keniyu su is menge suled tew he ebpuun diyà te prubinsya he Mesidunya, imbeg̵ey zan kedì is minsan hengkey he egkinehenglanen ku. Sikiyu is tigGerisya, wazè ku pa sikiyu vuyui te igkeuyag ku, ne kenà daan egkehimu he ebuyù a ziyan te keniyu te minsan keenu he timpu.

2 Kurintu 5:12

Heini is menge lalag ku, kenà iyan tuyù ku kayi is wey key keniyu mezelig̵i, kekenà, egkesuatan dey he metueni niw he hustu is tuyù dey su wey zuen ketezengan he igketavak niw zutun te menge etew he iyan dan ed-ahaan is paras te etew ne kenà is meupiya he ulaula zin.

Gelasya 1:7

Iyan, kenà egkehimu he zuen selakew pa he tuluuwen he egngezanan te Meupiya he Tudtulanen. Egkeg̵iyen ku heini su zuen menge etew ziyan he ebpenurù te tarù, ne pinaag̵i kayi egkesemukan is isip niw su edhelinen dan te tarù is Meupiya he Tudtulanen mehitenged ki Kristu.

1 Timoteo 5:14

Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.