2 Kurintu 11:10 - Manobo Western Bukidnon

¹⁰ Ne heini is idantal ku, kenà egkehimu he egkehalin te minsan keenu he timpu su kenà a edawat te selapì te minsan hentei he ziyan te tivuuk he prubinsya he Gerisya. Tutuu heini iring te netuenan ku he tutuu is impesavut ni Kristu.

2 Kurintu 11:10 Кръстосани препратки

Nengeulaula 18:12

Ne hein iyan midhimu si Galyu he gubirnedur te prubinsya he Gerisya, midtig̵um is menge Hudiyu ne midakep dan si Pablo ne impeetuvang dan ki Galyu.

Nengeulaula 18:27

Ne zutun neisip ni Epulus is edhendiyà te prubinsya he Gerisya. Ne midtevangan sikandin te menge tumutuu ziyà te Ipisu su mibpesuratan dan is menge tumutuu ziyà te Gerisya ne midhangyù dan he zewata zan sikandin. Ne hein nekeuma si Epulus diyà te Gerisya, is langun he nemeketuu ki Jesus pinaag̵i te g̵ag̵ew te Megbevayà, dekelà he tavang haazà is penurù din kandan.

Ruma 1:9

Tenged te Megbevayà, edhimuwen ku is taman te egkehimu ku wey ku ikesangyew is Meupiya he Tudtulanen mehitenged te Anak din. Ne iyan sikandin nesayud wey ebpeketistig̵us he layun ku sikiyu id-ampù diyà te kandin.

Ruma 16:5

Ipengemusta a zaan te menge tumutuu he ziyà dà edtig̵umtig̵um te valey zan te ked-azap dan te Megbevayà. Ipengemusta a zaan ki Ipinitu he utew ku emig̵u. Nehuna sikandin he maama he neketuu ki Kristu ziyà te prubinsya he Asya.

Ruma 9:1

Duen egkeg̵iyen ku keniyu ne kenà tarù heini su sumusundan a ni Kristu. Ne netuenan ku zaan he kenà tarù heini su iyan ed-uwit te isip ku is Wag̵as he Mulin-ulin.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

2 Kurintu 1:1

Siak si Pablo. Migeraran a he epustul ni Jesu Kristu tenged te iyan egkesuatan te Megbevayà. Siak wey si Timoteo he suled tew, ebpesuratan dey sikiyu is langun he menge tumutuu te Megbevayà diyan te inged he Kurintu wey is langun daan he menge etew he neg̵aked te Megbevayà seled te tivuuk he prubinsya he Gerisya.

2 Kurintu 1:23

Siluti a te Megbevayà emun kenà tutuu is egkeg̵iyen ku. Netuenan din he iyan ketezengan ke maan is wazà a mekepenumbaley ziyan te Kurintu su wey kenè kew meseeng pinaag̵i te kedsusiya ku te menge ulaula niw.

2 Kurintu 10:15

Kenè dey idantal is menge vaal te zuma he etew ziyà te menge inged he zutun wazè key sug̵ua te Megbevayà. Iyan, geina te neragkes kew kayi te mibpeveelan kenami te Megbevayà, egkesuatan dey he emun ed-iseg en is kedtuu niw ne edtevangan key keniyu zutun te menge vaal zey ziyan te inged niw.

2 Kurintu 11:12

Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

2 Kurintu 11:31

Is Megbevayà wey Amey te Nengazen tew he si Jesus, delig̵a sikandin te wazà pidtemanan. Netuenan din he kenà tarù heini is egkeg̵iyen ku.

2 Kurintu 12:19

Kunaan niw vuwa ke pinaag̵i kayi te egkeg̵iyen ku ibpesavut ku keniyu he wazè dey menge sayep, iyan, kenà iyan heeyan tuyù ku. Su ebpeketistig̵us is Megbevayà he heini is migkag̵i ku keniyu, ne iyan hustu he egkeg̵iyen tenged te kebpekidsevaha ku ki Kristu. Ne, minahal ku he menge suled, insurat ku heini is langun, su wey meheg̵et is kedtuu niw.

2 Kurintu 9:2

su netuenan ku he zekelà is gustu niw te kedtavang. Migkeg̵iyan ku is menge tumutuu he tigMesidunya he layun dekelà is gustu niw te kedtavang. Migkag̵i ku kandan he puun pa zutun te nehuna he tuig daan naandam is gehinawa niw te menge tigGerisya te kebeg̵ey. Ne is kezekelan kandan, hein nezineg dan heini, mid-iseg is gustu zan te kedtavang daan.

Gelasya 1:20

Tutuu heini is edtudtulen ku keniyu. Netuenan te Megbevayà he kenà tarù.

Gelasya 2:20

Tenged te kedsarig ku ki Kristu, inransang a te krus duma kandin su elili ku sikandin. Minatey a, iyan, uuyag a g̵ihapun su zini ed-ubpà te kediey si Kristu ne heini is kebpengungubpaan ku zini te kelibutan, pinaag̵i zà te kedsarig ku kandin te Anak te Megbevayà. Mahal a ziyà te g̵ehinawa zin ne mibpehimatey sikandin he elili kediey su wey a melibri.

1 Tiselunika 2:10

Ebpeketistig̵us kew, ne ebpeketistig̵us daan is Megbevayà he hein diyan key te keniyu te nemeketuu wazà igkesewayi te menge ulaula zey, kekenà, metazeng key wey metinumanen key te egkesuatan te Megbevayà.

1 Tiselunika 2:5

Netuenan niw he kes menge lalag dey, kenà kedigdig dà. Kenà ibpenapì kes mid-ulaula zey ziyan. Is Megbevayà, iyan ebpeketistig̵us kayi.

1 Timoteo 2:7

Ne tenged kayi intezù e zin he epustul ne midsug̵ù e zin wey ku ipenurù heini. Kenà tarù heini is egkeg̵iyen ku, kekenà, tutuu. Midtezù e zin wey ku mepenurù is menge etew he kenà Hudiyu su wey zan meketuu te tutuu he tuluuwen.