2 Kurintu 11:1 - Manobo Western Bukidnon

¹ Pekelalaglalag kew he entusa niw is egkeg̵iyen ku keniyu minsan ke henduen be te tulebung a.

2 Kurintu 11:1 Кръстосани препратки

Mateo 17:17

Ne zutun migkag̵i si Jesus te, “Sikiyu is menge etew g̵untaan, utew zekelà is menge sayep niw! Wazè niw iyan kedtuu! Utew ves egkeug̵et is kebpekiduma ku keniyu! Utew ves egkeug̵et is kebpekeantus ku keniyu ne human kew edtuu! Ihengkayi niw heeyan is batà.”

Nengeulaula 18:14

Ne edtavak pezem si Pablo, iyan, migkag̵i si Galyu ziyà te menge Hudiyu te, “Sikiyu is menge Hudiyu, emun utew zekelà he samuk iring te hustu en he salà wey ke mezaat be he ulaula kayi te etew, ed-entusen ku te edhusey keniyu.

Nengeulaula 26:29

Ne ke si Pablo te, “Sikew wey is langun he ebpemineg kedì guntaan kayi, id-ampù ku te Megbevayà he menaney se meg̵aan, himuwa kew zin he iring kedì, iyan, kenè kew mulà mepirisu!”

1 Kurintu 1:21

Utew metau is Megbevayà; midhimu zin he kenà egketuenan te menge etew ke hentei sikandin pinaag̵i te kandan dà he ketau su midhimu zin he egkelibri sikandan pinaag̵i zà te kedtuu zan te Meupiya he Tudtulanen he ibpenurù ta he kunaan dan ke tarù he wazè din pulus.

1 Kurintu 3:18

Kinahanglan he kenè kew mebpetazin te menge ulaula niw su ke zuen sevaha keniyu he ed-isipen din he zuen ketau zin te ked-isip sumalà is ked-isipa kandin te zuma zin he menusiyà, deyzey ke ed-engkezan din is kandin he ketau wey sikandin mehimu he etew he kenà metau sumalà is ked-isipa kandin te menge etew. Ne human egkehimu sikandin he metau iyan he venar.

1 Kurintu 4:10

Sikami, egkeg̵iyen te menge etew he kenè key metau he ed-isip su ibpenurù dey is lalag ni Kristu. Ne sikiyu mulà, egkeg̵iyen niw he utew kew metau tenged te kedtuu niw ki Kristu! Telawen key kun, iyan, sikiyu, utew kew memevurut! Edtehuzen kew te menge etew, iyan, sikami, kenè key mulà edtehuzen, kekenà, ebpesipelahan key zan.

1 Kurintu 4:8

Kunaan niw vuwa ke wazè en egkinehenglanen niw he tavang te Megbevayà. Henduen be te midtulus kew en ne is langun he menge tuvad te Megbevayà, ne nekuwa niw en. Kunaan niw vuwa ke edhadì kew en dutun te g̵inhedian te Megbevayà ne sikami is menge epustul, kenè key pa ebpekehadì. Meupiya iyan pezem ke tutuu he edhadì kew en su wey key zaan mekehadì duma keniyu.

2 Kurintu 11:19

Ne g̵eina te menge uluwanen kew he etew, utew kew metau he ed-antus te menge lalag te tulebung diyà te keniyu.

2 Kurintu 11:21

Utew zan mevurut, iyan, sikami, telawen key ne egkeeled a su haazà is menge ulaula zan keniyu he kunaan niw ke utew meupiya, wazè dey meulaula ziyan te keniyu. Ne g̵eina te wazè dan en kegkehandek te edantal ne kenà a zaan egkehandek he edantal minsan ke ebpekeiring a te tulebung.

2 Kurintu 11:4

Umba egkeipeng a su ke zuen ebpekeuma ziyan he selakew is ibpesavut dan mehitenged ki Jesus, ne selakew is mulin-ulin he ibpenurù dan, ne kenè dan iyan ibpesavut is tutuu he tuluuwen he impesavut dey, kekenà, selakew is ibpenurù dan, ne ed-entusen niw mulà is kandan he kebpenurù ne kenà duen dà taman su utew niw egkesuati te ebpemineg.

2 Kurintu 12:11

Henduen a te tulebung he etew su edantal a, iyan, neteg̵el a keniyu su iyan kew pezem ebeg̵ey te menge ketezengan ku he idtavak keniyan te menge uvag kun epustul ni Kristu. Ne minsan pa te wazà kediey he ketau wazà a g̵ihapun melevawi kayi te uvag menge utew lavew he kenà tutuu he epustul ni Kristu.

2 Kurintu 5:13

Kunaan te zuma ke ebuneg̵en key, iyan, umba henduen key te ebuneg̵en su utew mezesen is kedtumana zey te ebpeveelan te Megbevayà. Iyan, ke ed-isipen niw he kenè key ebuneg̵en, netuenan niw he iyan ibpenigudu zey su wey kew mezeyzey.

Hibriyuhanen 5:2

Ne tenged te etew zà duen sikandin he layun egkesayep, egkehimu he mepelevayen sikandin te menge zuma zin he etew he egkengesayep daan tenged te kenè dan ebpekesavut.