2 Kurintu 10:4 - Manobo Western Bukidnon

⁴ Su is menge ketezengan, he ke và dà gumaan, he idsukul zey te mezaat, ne kenà ebpuun te etew, kekenà, mekeg̵eg̵ehem utew su ziyà ebpuun te Megbevayà. Ne heini is menge ketezengan, kenà egkesukulan te minsan hengkey he tarù he ketezengan he igkuntada te Megbavayà minsan ke utew melig-en.

2 Kurintu 10:4 Кръстосани препратки

Nengeulaula 7:22

Ne impepenurù din diyà te ki Moises is langun he ulaula te menge tig-Ihiptu ne nevantug sikandin tenged te ketau te kebpesavut wey te menge vaal zin.

Ruma 13:12

Su zini te kelibutan, iring te utew merusirem tenged te mezaat he ulaula, iyan, meg̵aan en egketapus is kezukileman su meg̵aan en egkepawà, he ke và dà egkeg̵iya, meg̵aan en edlikù si Kristu. Ne tenged kayi, ed-engkezan tew en is menge mezaat he ulaula he zait te kezukileman ne idsun-ud tew is limbutung he iyan is kerayag, he ke và dà egkeg̵iya, ed-ul-ulahan tew is meupiya he ulaula.

Ruma 6:13

Kenè ta egemiten is minsan hengkey he vahin te lawa ta te ked-ulaula te mezaat, kekenà, idtug̵ut ta he iyan ebayàbayà kenita is Megbevayà su zait heini kenita te nelibri en te kemetayen ne mibeg̵ayan te veg̵u en he untung. Ne idtug̵ut ta he iyan egamit te lawa ta is Megbevayà wey ta meulaula is metazeng.

1 Kurintu 2:5

su wey mehimu he kenà iyan niw meserig̵i is ketau te etew zà duen, kekenà, iyan niw meserig̵i is gehem te Megbevayà.

1 Kurintu 9:7

Penenglitan, is sundaru, egkehimu ve ke kenà sikandin ebeg̵ayan te egkeg̵astu zin? Kenà egkehimu. Kenà daan egkehimu he kenà ebpekekaan is teg̵ipinemula zutun te veg̵as te pinemula zin. Ne iring din ded daan is ed-elima te kerehidu su zuen din egkepupulus tenged dutun.

2 Kurintu 10:8

Kenè en buwa kinahanglan he egkeg̵iyen ku keniyu he zuen kebayàbayà ku keniyu he imbeg̵ey kedì te Megbevayà. Iyan, ke henduen be te utew subra is idantal ku, kenè ku igkeeled heini su wazè din iyan iveg̵aya kayi te kebayàbayà dini te kediey su wey ku mezezeeti is kedtuu niw, kekenà, imbeg̵ey zin kediey su wey ku melig-eni is kedtuu niw.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 3:5

Kenè dey egkekag̵i he pinaag̵i te kenami he ketau egkehimu zey is minsan hengkey, kekenà, netuenan dey he ziyà ebpuun te Megbevayà is kegkehimuwa zey te langun.

2 Kurintu 4:7

Ne sikami, iring key zà te kuzen he ziniyun he neteg̵uan te utew mahal. Ne pinaag̵i kayi egkesavut te menge etew he is utew zekelà he gehem he egemiten dey te utew meg̵uyà is lawa, ne in-ulin kenami te Megbevayà ne kenà dini ebpuun te kenami.

2 Kurintu 6:7

ibpenurù dey is tutuu he Lalag te Megbevayà ne edtevangan key te g̵ehem te Megbevayà. Pinaag̵i kayi te langun egketuusan he menge sulug̵uen key te Megbevayà. Iyan kelasag dey wey lembitan dey is metazeng he ulaula.

1 Tiselunika 5:8

Iyan, sikitew mulà is nesakup te maandew, kinahanglan he ed-eg̵enen tew is menge mezaat he suat tew. Idsun-ud tew is limbutung he iyan is kedtuu tew te Megbevayà wey is kebmahala tew zini te g̵ehinawa tew te menge zuma tew. Ne iring te kalù tew te sundaru is kedhemeni tew te kebperateng tew te kedlibriya te Megbevayà kenitew te silut.

1 Timoteo 1:18

Ne sikew, Timoteo he anak ku, edteleenan ku sikew he ipenurù nu te menge etew heini is migkag̵i ku. Sungkad heini te netagnà dengan mehitenged kenikew. Ne idtelaan ku zaan he sumalà haazà is netagnà, pekezesen ka te kedsundaru nu tenged ki Jesu Kristu.

2 Timoteo 2:3

Ambit ka zaan kayi te ked-entusa ku te kemeresayan tenged te kedtuu su wey ka mehimu he sulug̵uen ni Jesu Kristu he iring te metinumanen he sundaru.

Hibriyuhanen 11:30

Ne zuen daan kedtuu te menge kevuwazan ni Israyil, su hein nemekeuma zan dutun te ingkutà te inged he Hiriku ne kada andew seled te pitu he andew ed-elingkus dan dutun te kutà, ne zutun migevà te Megbevayà haazà is kutà.