2 Kurintu 10:15 - Manobo Western Bukidnon

¹⁵ Kenè dey idantal is menge vaal te zuma he etew ziyà te menge inged he zutun wazè key sug̵ua te Megbevayà. Iyan, geina te neragkes kew kayi te mibpeveelan kenami te Megbevayà, egkesuatan dey he emun ed-iseg en is kedtuu niw ne edtevangan key keniyu zutun te menge vaal zey ziyan te inged niw.

2 Kurintu 10:15 Кръстосани препратки

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

Ruma 15:20

Ne egkesuatan ku layun he mepenudtul ku is Meupiya he Tudtulanen diyà te menge inged he wazè pa zutun mezineg is ngazan ni Kristu. Umba ed-ul-ulahan ku heini su wey ku kenà mesublì te ebpenudtul te Meupiya he Tudtulanen is menge etew he netudtulan en te zuma.

2 Kurintu 10:13

Ne sikami, kenà subra is kedantal zey su iyan dey zà idantal haazà is nehimu zey te edtuman he insug̵ù kenami te Megbevayà. Ne ragkes kayi is menge vaal zey hein diyan key te keniyu.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.