2 Kurintu 1:6 - Manobo Western Bukidnon

⁶ Emun idtug̵ut te Megbevayà he mekeantus key te merasey, umba ibpaantus key zin su wey kew mezeyzey ne wey kew zaan meveg̵ayi te untung he wazà pidtemanan. Ne iring din ded daan emun edtevangan key te Megbevayà ne egkehimu heini he tavang din daan keniyu. Ne pinaag̵i kayi edlig-enan din is kedtuu niw wey niw zaan maantus is merasey he iring te ibpaantus kenami.

2 Kurintu 1:6 Кръстосани препратки

Nengeulaula 21:5

Iyan, hein neume en is kegenat dey, mid-awè key zutun te inged. Ne nemenduma kenami is langun he menge tumutuu, maama se vahi wey menge anak dan. Ne midluhud key zutun te veyvey te zag̵at is ed-ampù.

Ruma 8:28

Sikitew is langun he mahal is Megbevayà diyà te g̵ehinawa zin, sikitew is midhimu zin he meketuu sumalà is tuyù diyà te isip din, netuenan tew he pinaag̵i te minsan hengkey he egkehitavù kenitew, edtuvazan kiw zin gihapun te meupiya.

2 Kurintu 1:4

Edtevangan kiw zin te langun he menge seeng tew ne tenged kayi ebpeketavang kiw zaan te zuma he etew he zuen din minsan hengkey he seeng. Is idtavang tew kayi, ne iyan ded is intavang kenitew te Megbevayà.

2 Kurintu 12:15

Egkelipey a utew ke igkeveg̵ey ku is menge azen ku wey is desen ku wey ku sikiyu metevangi. Iyan, minsan pa te mahal kew zini te g̵ehinawa ku henduen be te kenà a mulà mahal ziyan te g̵ehinawa niw.

2 Kurintu 5:5

Is Megbevayà, daan ki zin he mid-andam su wey meulaula heini kenita keuzemà, ne mibeg̵ayan ki zin daan te Wag̵as he Mulin-ulin he iyan tuus he edtumanen din heini.

Ipisu 3:1

Ne tenged kayi te langun, siak si Pablo, is pirisu tenged te kedsundan ku ki Jesu Kristu, layun ku sikiyu id-ampù diyà te Megbevayà. Umba nepirisu a su insangyew ku is Lalag te Megbevayà diyan te keniyu te kenà menge Hudiyu.

Ipisu 3:13

Ne tenged kayi te langun, kinahanglan, menge suled, he kenà igkeawà te kedsarig niw heini is kemereg̵enan he egkeantus ku tenged keniyu, kekenà, lipey kew su iyan ibmeupiya niw.

Pilipus 1:19

Kenà egkeawà is kelipey ku su netuenan ku he ibpaawà a kayi te pirisuwan tenged te ked-empua niw kedì wey tenged te tavang te Wag̵as he Mulin-ulin he midtevangan din daan si Jesu Kristu.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.