2 Kurintu 1:24 - Manobo Western Bukidnon

²⁴ Kenè dey egkesuatan he ebayàbayè key ke hengkey is edtuuwan niw su netuenan dey he meheg̵et en is kedtuu niw. Egkesuatan dey zà he mehimu key he timbang niw te ebpeveelan kenitew te Megbevayà su wey kew melipey.

2 Kurintu 1:24 Кръстосани препратки

Mateo 24:49

ne ebpemug̵elen din is menge zuma zin he sulug̵uen; ne egkaan wey ed-inum duma te menge lelenguten.

Ruma 1:12

Ne iyan ibpesavut ku is ebpein-iniyatè kiw te kedtuu.

Ruma 11:20

Ne venar iyan he iyan kew in-ilis, iyan, umba in-awà is menge Hudiyu te Megbevayà su wazè dan medtuu. Ne umba in-ilis kew kandan su midtuu kew mulà. Ne minsan pa te iyan heini, kenè niw isipa he iyan kew lavew, kekenà, tegteg̵ami niw is menge ulaula niw.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

1 Kurintu 15:1

Ne g̵untaan, menge suled ku te kedtuu, ed-umanan ku sikiyu te ebpenurù mehitenged te Meupiya he Tudtulanen he impesavut ku zengan keniyu, ne midtuuwan niw ne midhemenan niw.

1 Kurintu 3:5

Isipa niw man heini. Siak si Pablo, hentei a? Ne hentei zaan si Epulus? Sulug̵uen key zà te Megbevayà. Pinaag̵i kenami midhimu zin he meketuu kew. Edtumanen dey zà is ebpeveelan din kenami. Ne iyan dà ed-ul-ulahan dey.

2 Kurintu 11:20

Su ke zuen minsan hentei he ebmandarmandar keniyu wey ke zuen ed-ag̵ew te menge azen niw wey ke zuen edlimbung keniyu wey ke edlupig̵en kew zan wey ke ebug̵elen kew zan ne ed-entusen niw.

2 Kurintu 4:5

Kenà iyan dey ibpenurù su wey key mevantug te menge etew, kekenà, iyan dey ibpenurù su wey mevantug si Jesu Kristu he iyan Nengazen te langun. Sikami, edtevangan dey en sikiyu su wey zey metuman is sug̵ù ni Jesus.

2 Kurintu 5:7

Su ibpeikul ta is ibayè ta zini te kelibutan pinaag̵i te kedsarig dà te Megbevayà su kenè te pa egkeahà is edungguan ta ziyà te langit.

1 Pedro 5:3

Kenè kew medhadìhadì kandan te insarig keniyu, kekenà, eg̵aka niw sikandan su wey iyan kew zan edsunuzen te menge meupiya he ulaula.