2 Kurintu 1:17 - Manobo Western Bukidnon

¹⁷ Ne g̵eina te wazè ku heini metuman kunaan niw vuwa ke layun edhalinhalin is isip ku. Kunaan niw vuwa zaan ke iring is menge isip ku te isip te etew he iyan ebayàbayà kandin is kandin dà he mezaat he suat. Kunaan niw ke zutun te kegkag̵i ku he ebpehendiyan a ne iyan bes neseled dini te g̵ehinawa ku is kenà a ebpehendiyan.

2 Kurintu 1:17 Кръстосани препратки

Mateo 1:19

Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.

Mateo 5:37

‘Uya’ zà ne emun kenà, ne ‘Wazà’ is keg̵iya niw. Su is minsan hengkey he lalag he egemiten niw te kedheg̵eta te menge penaad niw, diyà ebpuun te ki Setanas.

Juan 8:15

Emun edsusi kew te ulaula te etew, kenà egkeserig̵an is kedhukum niw, su pinaag̵i te kelibutanen dà he isip is kedhukum niw. Siak, kenà a edhukum te minsan hentei.

2 Kurintu 1:12

Duen, menge suled, idantal zey ne netuenan dey he tutuu heini, ne iyan is: layun meupiya is ulaula zey ziyà te minsan hentei he etew, lavew en diyan te keniyu. Su layun key edtuman te egkesuatan te Megbevayà ne utew hustu is tuyù dey. Wazè dey g̵emita is ketau zey te etew zà duen, kekenà, iyan igkehimuwa zey te langun is mekeg̵eg̵ehem he tavang te Megbevayà.

2 Kurintu 11:18

Ne g̵eina te zuen mezakel he idantal zan is menge ulaula zan dini te kelibutan egkehimu vuwa taman te meg̵aan dà ke idantal ku zaan is kedì.

Gelasya 1:16

Ne hein neisip din he ibpekilala zin en kediey is Anak din he si Jesus su wey ku ikepenudtul is keag̵i ni Jesus diyà te menge etew he kenà menge Hudiyu, wazà a mebpepenurù te minsan hentei he etew;

Gelasya 2:2

Umba midhendiyà a su impinted kedì te Megbevayà haazà is kedhendiyè ku. Ne kebpekeuma zey zutun ne midtig̵um is menge egalen te menge tumutuu he iyan dan dà ne impesavut ku kandan ke hengkey is Meupiya he Tudtulanen he ibpenurù ku ziyà te menge etew he kenà menge Hudiyu. Egkesuatan ku zutun he kenà maawà is pulus te nengeveelan ku en wey is kemulu ku pa ebeeli.

1 Tiselunika 2:18

Ne tenged kayi layun dey egkeisip he edlikù key pezem diyan te Tiselunika. Siak si Pablo, layun ku egkeisip is iring dutun, iyan, mibangen key ni Setanas, umba wazè key mekelaus.

Santiago 5:12

Menge suled, ebeleuzan ku sikiyu he emun duen ibpesarig niw kenè niw heg̵eta pinaag̵i te kebpengulivet wey kedsesapà. Kenè kew medsesapà pinaag̵i te kegemita niw te minsan hengkey ziyà te langit wey zini te tanà te kebenara niw te menge lalag niw. Uya zà wey wazà is gemita niw su wey kenè kew mesiluti te Megbevayà.