2 Kurintu 1:15 - Manobo Western Bukidnon

¹⁵ Ne g̵eina te netuenan ku he siguradu nesavut niw en heini, neisip ku he edhuna a ebpenumbaley ziyan te keniyu su wey kezezuwa ku sikiyu metevangi

2 Kurintu 1:15 Кръстосани препратки

Mateo 1:19

Ne si Jose, kenà sikandin edsuwey te kesug̵uan he imbilinbilin ni Moises, ne tenged kayi, kenè din edleusen te ed-esawa si Maria, iyan, kenè din daan egkesuatan he meeled-eled si Maria, umba ed-isipen din he edhusayen dà heini te meeles.

Ruma 1:11

Su utew ku igkesuat is kedhendiyan ku te keniyu, ne egkesuatan ku he ibpenurù ku keniyu is impenurù kediey te Wag̵as he Mulin-ulin su wey meheg̵et is kedtuu niw te Megbevayà.

Ruma 15:29

Ne netuenan ku he ke ebpekeuma a ziyan, utew zekelà is kedtuvazi kenitew ni Kristu pinaag̵i kayi te kebpehendiyan ku.

1 Kurintu 11:34

Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

1 Kurintu 16:7

Kenè ku egkesuatan he meg̵aan dà is kebpenumbaley ku ziyan, kekenà, iyan netag̵ù te g̵ehinawa ku is egketegteg̵aad a ziyan ke edtug̵ut is Megbevayà.

1 Kurintu 4:19

Iyan, ke edtug̵ut is Nengazen tew, meg̵aan e en edhendiyan ne zutun ed-ahaan ku ke hendei taman is kebpegalbu zan su kela ke taman dà te menge lalag is kebpegalbu zan.

2 Kurintu 12:14

Ed-endaman ku en is kedhendiyan ku ne iketelu en heini is kebpenumbaley ku ziyan te keniyu. Ne iring ded te nehuna, kenà egkehimu he ebuyù a keniyu te selapì. Kenè ku egkesuatan is selapì niw, kekenà, egkesuatan ku he mahala a keniyu ziyà te g̵ehinawa niw. Nehimu a he amey niw su pinaag̵i kedì neketuu kew te Megbevayà. Ne kenà egkehimu he ebuyuan is menge vatà te amey zan, kekenà, iyan ebuyù is menge vatà.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.