2 Kurintu 1:11 - Manobo Western Bukidnon

¹¹ Ne kinahanglan he edtevangan key zaan keniyu pinaag̵i te ked-ampù. Ne human egkehimu he mezakel is ebpeselamat te Megbevayà tenged te g̵ag̵ew zin kenami tenged te ked-ampù te mezakel he menge etew.

2 Kurintu 1:11 Кръстосани препратки

Nengeulaula 12:5

Ne tenged dutun diyà si Pedro te seled te pirisuwan he ebentayan dutun te menge sundaru. Ne nenigudu med-ampù is menge tumutuu su edhengyuen dan diyà te Megbevayà he tevangi zin si Pedro.

2 Kurintu 4:15

Ne umba ed-entusen dey is langun he mereg̵en su wey kew iyan mezeyzey, su emun egketukid en is mezakel he etew te g̵ag̵ew te Megbevayà, ne zutun ed-iseg he ebmezakel is ebpekepeselamat te Megbevayà ne egkevantug is Megbevayà.

2 Kurintu 9:14

Ne zutun id-ampù kew zan, ne egkehimu he utew kew mahal ziyà te g̵ehinawa zan tenged te zekelà he g̵agew niw kandan he imbeg̵ey keniyu te Megbevayà.

Pilipus 1:19

Kenà egkeawà is kelipey ku su netuenan ku he ibpaawà a kayi te pirisuwan tenged te ked-empua niw kedì wey tenged te tavang te Wag̵as he Mulin-ulin he midtevangan din daan si Jesu Kristu.

Kulusas 4:3

Ne emun ed-ampù kew, iampù key zaan keniyu. Ampù kew he himuwa te Megbevayà is paag̵i wey key mekesangyew te in-eles dengan he lalag din mehitenged ki Kristu. Umba zini a g̵untaan te pirisuwan su insangyew ku heini is lalag.

1 Tiselunika 5:25

Menge suled, iampù key zaan keniyu.

2 Tiselunika 3:1

Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.

Pilimun 1:22

Ne zuen pa idhangyù ku he iyan is: endami a zaan te edhizeg̵aan ku ziyan, su zekelà is kedsarig ku he pinaag̵i te ked-ampù niw, idtug̵ut te Megbevayà he mekehendiyan a te keniyu.

Hibriyuhanen 13:18

Menge suled, iampù key layun keniyu. Netuenan dey he wazà igkesawey te menge ulaula zey su iyan dà egkesuatan dey he meveeli zey is layun meupiya.