2 Juan 1:8 - Manobo Western Bukidnon

⁸ Andam kew wey kenà maawà diyan te keniyu is midheg̵uan niw su wey kenà meterini keuzemà is suhul te Megbevayà keniyu.

2 Juan 1:8 Кръстосани препратки

Mateo 24:4

Ne midtavak si Jesus te, “Andam kew wey kenè kew mekesundan te teruen he etew.

Marcos 13:23

Umba mebpekevantey kew su midtudtul ku en keniyu heini is langun he egkehitavù te wazè pa meulaula.

Marcos 13:9

Ne sikiyu, kinahanglan he purungi niw endama is gehinawa niw, su edekepen kew te menge etew ne ed-uwiten kew zan diyà te hukmanan ne ebug̵elen kew ziyà te menge simbahan dan. Ebpekeetuvang kew te menge gubirnedur wey menge hadì tenged te kedtuu niw kediey wey niw ikewali is Meupiya he Tudtulanen diyà te kandan.

Lucas 19:19

Ne midtavak haazà is hadì te, ‘Iyan ku sikew ibpezumala te lelima he inged.’

Lucas 21:8

Ne midtavak si Jesus te, “Mebpekevantey kew wey kew kenà mekesundan te teruen he etew su mezakel is ebpemenlepew he egamit te ngazan ku he egkag̵i is kada sevaha zutun he iyan sikandin sikan is mibpilì te Megbevayà he ibpahadì. Ne egkag̵i zaan te, ‘Iyan en heini timpu te kedlimasa te Megbevayà te menusiyà,’ ke sikandan. Iyan, kenè niw tuuwi su tarù.

Juan 4:36

Ne sikan is edrag̵un, he ke và dà egkeg̵iya, is ebpesavut kandan wey zan meketuu kedì, duen suhul kandin te Megbevayà, ne sikan is menge etew he nerag̵un din, ebeg̵ayan te untung he wazà pidtemanan. Ne tenged dutun is ebpemula te Lalag te Megbevayà wey is edrag̵un te veg̵as te Lalag te Megbevayà, pudu zan egkelipey.

1 Kurintu 15:8

Ne siak daan, iyan a ketepusan en he mibpaahaan din. Ne zutun te kebpeketuu ku iring a te vatà he neteg̵el is ked-enaka kandin su minsan te kenà a pezem edtuu zutun, neketuu a g̵ihapun.

1 Kurintu 3:14

Ne ke zuen etew he wazà maawà is kandin he vaal ne edsuhulan sikandin te Megbevayà.

1 Kurintu 3:8

Ebpeked-iring is pulus te ebpemula wey is pulus te ebinyag ne edsuhulan heini is dezuwa te Megbevayà sumalà is mibeelan dan.

Gelasya 3:4

Wazè bes pulus te menge meupiya he tuvad keniyu tenged te kebpeketuu niw! Kenà egkehimu he wazà pulus.

Gelasya 4:11

Utew ku sikiyu igkeipeng su kela ke kenà ebpulus is langun he impenurù ku keniyu.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Hibriyuhanen 10:32

Isipa niw is timpu zengan hein sikan kew pa meteyawi te tutuu he tuluuwen ne midtuuwan niw. Utew mezakel is kemereg̵enan he nengeeg̵iyan niw, iyan, nekeantus kew ne wazà haazà ikeawà te kedtuu niw.

Hibriyuhanen 10:35

Umba, menge suled, kenè niw engkezi is kedsarig niw su emun meheg̵et is kedsarig niw te Megbevayà, egkezawat niw is suhul zin he utew meupiya.

Hibriyuhanen 12:15

Bantey kew su kela ke zuen duma keniyu he kenà edawat te g̵ag̵ew te Megbevayà. Su is iring kayi he etew, ne ebpekeiring te sagbet he ebpemeg̵as te mepait he ebpekehilu. Ebpekesamuk sikandin te menge tumutuu ne mezakel he etew is ebpekeiring kandin te ed-ulaula te mezaat.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.