2 Juan 1:6 - Manobo Western Bukidnon

⁶ Su emun egig̵ineg̵awè kiw, egketuman tew is menge sug̵ù te Megbevayà. Su iyan sug̵ù din kenitew is: kinahanglan he egig̵ineg̵awè kiw.

2 Juan 1:6 Кръстосани препратки

Juan 14:15

Emun mahal a ziyà te g̵ehinawa niw, edtumanen niw is menge sug̵ù ku keniyu,

Juan 14:21

Is etew he edewaten din is menge sug̵ù ku ne edtumanen din, iyan sikandin etew he utew a mahal ziyà te gehinawa zin. Ne mahal zaan sikandin dini te g̵ehinawa zey te Amey ku, ne edhimuwen ku he metueni zin he iyan a zuma zin.”

Juan 14:23

Ne midtavak si Jesus te, “Ke zuen etew he mahal a ziyà te g̵ehinawa zin, edtumanen din is menge sug̵ù ku, ne zutun mahal sikandin diyà te g̵ehinawa te Amey ku. Ne siak wey is Amey ku, edhendiyè key te kandin ne ziyà key ed-ubpà te kandin.

Juan 15:10

Emun edtumanen niw is menge sug̵ù ku keniyu, ne kenè kew egkeawà te kebmahala ku keniyu zini te g̵ehinawa ku iring te midtuman ku is menge sug̵ù kediey te Amey ku he Megbevayà ne kenà ad daan egkeawà te kebmahala zin kedì diyà te g̵ehinawa zin.

Juan 15:14

Menge emig̵u ku sikiyu ke edtumanen niw is idsug̵ù ku keniyu.

1 Juan 2:24

Is tuluuwen he impenurù keniyu hein aney kew medtuu, kinahanglan he edhemenan niw su emun edhemenan niw kenà egkehimu he kenè kew layun egkesevaha te Amey tew he Megbevayà wey te Anak din he si Jesu Kristu.

1 Juan 2:5

Ne ke zuen etew he edtumanen din is menge sug̵ù te Megbevayà, neheg̵et en is kebmahala zin te Megbevayà diyà te g̵ehinawa zin. Sikan is etew he egkag̵i he nekidsevaha sikandin te Megbevayà, kinahanglan he metazeng is menge ulaula zin iring te metazeng is menge ulaula ni Jesus. Emun iyan heini ed-ul-ulahan ta, netuenan ta he nekidsevaha ki te Megbevayà.

1 Juan 2:7

Minahal ku he menge suled, kenà beg̵u heini is idsug̵ù ku keniyu su zengan dà. Ne insug̵ù en heini keniyu hein aney kew medtuu. Ne heini he sug̵ù, ne iyan ded sikan is lalag he impesavut kenitew he mahala tew is minsan hentei he zuma tew.

1 Juan 5:15

Layun sikandin ebpemineg kenitew ke ed-ampù kiw ne tenged dutun netuenan tew zaan he ibeg̵ey zin is ebuyuen tew.

1 Juan 5:3

Is hustu he kebmahala ta te Megbevayà, ne iyan is kedtumana ta te menge sug̵ù din. Ne kenà mereg̵en he edtumanen is menge sug̵ù din

2 Juan 1:5

Ne tenged dutun, Bayi, edhengyuen ku he egig̵ineg̵awè kiw. Kenà beg̵u heini he sug̵ù is idsurat ku kayi, su zaan heini zuen te aney tew en kedtuu.