1 Tiselunika 5:9 - Manobo Western Bukidnon

⁹ Su is Megbevayà, wazè din ivanglis kenitew is silut, kekenà, midluwas kiw zin pinaag̵i te Nengazen tew he si Jesu Kristu.

1 Tiselunika 5:9 Кръстосани препратки

Mateo 26:24

Siak is Kakey te Menusiyà, ebpatey a sumalà te netagnà duen te insurat he Lalag te Megbevayà, iyan, kehizu utew zuen te etew he ed-akal kedì. Meupiya pa ziyà te kandin ke wazè en sikandin ianak.”

Nengeulaula 1:20

Ne ke si Pedro te, “Insurat dengan kes netagnà diyà te libru te menge Salmu he edhenduen te, ‘Ewai niw is ed-ubpaan din; kinahanglan he wazè en ed-ubpà dutun.’ Duen daan insurat he lalag he edhenduen te, ‘Sikan is ebpeveelan kandin, ipeveeli niw te zuma.’

Nengeulaula 1:25

he mehimu he epustul he id-ilis ki Hudas. Su si Hudas, mid-engkezan din kes mibpeveelan kandin ne midhendiyè en te hustu he ed-ulian din.”

Nengeulaula 13:48

Ne hein nezineg haazà te menge etew zutun he kenà menge Hudiyu, nengelipey zan utew ne mibpeselematan dan is impesavut kandan te Nengazen. Ne is langun he menge etew he imbanglis kandan te Megbevayà is untung he wazà pidtemanan, nemeketuu.

Ruma 11:30

Ne sikiyu zaan is kenà menge Hudiyu, dengan wazè kew mebpemineg te Megbevayà, iyan, guntaan nehizuwan kew zin tenged te kenà guntaan kebpemineg te menge Hudiyu.

Ruma 11:7

Ne g̵eina te iyan haazà, egkesavut ta he is menge kevuwazan ni Israyil, ebpurungan dan pezem ebpenahaa is kegkehimu kandan he metazeng, iyan, wazà mebpulus heini ziyà te kandan. Ne minsan pa zutun, duen kenà utew mezakel he menge zuma zan he nepilì te Megbevayà ne heini mulà, midhimu en sikandan he metazeng. Ne is kezekelan, migkubalan is gehinawa zan, ne kenà ed-utengan te Lalag te Megbevayà.

1 Tiselunika 1:10

Su edteg̵azan niw kun is kedlikù te Anak din he ebpuun te langit. Iyan si Jesus he Anak te Megbevayà he mibanhew zin. Iyan si Jesus he midlibri kenitew te silut wey kiw mekeliyu te ebpekeuma he kedlimasa te Megbevayà te menusiyà.

1 Tiselunika 3:3

su wey kenà meliveg is minsan hentei keniyu tenged te kebpesipelahi keniyu te menge etew. Netuenan niw en he sikitew is tumutuu, imbanglis kenitew te Megbevayà is kemeresayan.

1 Timoteo 1:13

Dengan, mezaat is menge lalag ku mehitenged kandin; midrasey ku is menge sumusundan din ne midsumpalit ku sikandin. Ne minsan pa zutun, nehizuwan e zin su nehimu ku is menge mezaat he vaal ku tenged te wazè ku pa metueni is tutuu he tuluuwen wey wazè ku pa sikandin tuuwi.

1 Timoteo 1:16

Ne minsan pa zutun, nehizuwan a g̵ihapun te Megbevayà su wey pinaag̵i te kebpelevaya zin kedì te utew lalung, ikepezayag ni Jesu Kristu he utew mepelevayen sikandin. Impezayag din heini su wey mesavut heini te langun he menge etew he edtuu kandin keuzemà ne ebeg̵ayan din te untung he wazà pidtemanan.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

1 Pedro 2:10

Su zengan kenè kiw menge sakup te Megbevayà ne g̵untaan menge sakup kiw zin en. Dengan wazè tew hanew zutun te hizu te Megbevayà, iyan, guntaan impezayag din en kenitew.

1 Pedro 2:8

Ne zuen daan tagnà he netuman he edhenduen te, “Iyan haazà sikan is batu he nesipà te menge etew; iyan haazà nekeseligkat kandan.” Wazè dan medtuu te Lalag te Megbevayà ne tenged dutun, sumalà is netagnà, nekeurambak sikandan su iyan imbanglis te Megbevayà dutun te kenà edtuu.

2 Pedro 1:1

Iyan a si Simon Pedro is teg̵isurat kayi. Sulug̵uen a ni Jesu Kristu wey epustul zin, he ke và dà egkeg̵iya, midsug̵ù e zin. Ebpesuratan ku sikiyu is langun he neketuu ki Jesu Kristu. Megbevayà he Menluluwas tew sikandin. Geina te wazè din ibpelavi he minsan hentei, midhimu kew zin he tumutuu kandin iring te midhimu key zin daan he tumutuu.

2 Pedro 2:3

Tenged te suat dan te selapì, ebpenepian kew zan pinaag̵i te penurù dan he tarù. Daan en he midteg̵ana is silut kandan; andam en is Megbevayà te kedsilut kandan.

Hudas 1:4

Umba kinahanglan he egkeg̵iyen ku heini su zuen menge etew he nekeamur keniyu, iyan, id-eles dan he kenà hustu is edtuuwan dan. Wazè dan kedtahud te Megbevayà; edhelinen dan pezem is tutuu he tuluuwen su ibpenurù dan he egkehimu ke ed-ul-ulahan tew is meremerik su utew kun belig̵eg̵awen is Megbevayà ne ebpeseyluwen kiw zin gihapun. Kenè dan edtuu he si Jesu Kristu, iyan dà egalen tew wey Nengazen tew. Dengan dà isurat te menge ebpeneuven te Megbevayà ke hengkey is silut kandan.