1 Tiselunika 5:6 - Manobo Western Bukidnon

⁶ Umba kinahanglan he kenà iring te kedlipezeng is ulaula tew su iring kayi is ulaula te zuma he etew he wazà meketuu. Kinahanglan he ed-andam kiw ne ed-eg̵enen tew is menge mezaat he suat tew.

1 Tiselunika 5:6 Кръстосани препратки

Mateo 13:25

Ne sengekezukileman dutun te nekelipezeng sikandin, nekeuma is kuntada zin ne midsewezan dutun te kuntada zin haazà is pemuleey zin te menge veg̵as te mezaat he pinemula ne human med-ulì.

Mateo 24:42

Purungpurung kew su kenè niw egketuenan ke keenu he andew is kedlikù ku te Nengazen niw.

Mateo 25:13

Ne ke si Jesus te, “Iring dutun, kinahanglan he andam kew su wazè niw metueni ke hengkey he andew wey ke hengkey he uras is kedlikù ku.

Mateo 25:5

Ne g̵eina te neug̵et mekeuma sikan is ebpengesawa, ebpemekezungkàdungkè dan en dutun is edtag̵ad he ebpemekelipezeng.

Mateo 26:38

Ne migkag̵i sikandin diyà te kandan te, “Utew mesakit is gehinawa ku. Henduen be te egkevidtew en. Kayi kew zà ne kenè kew medlipezeng.”

Marcos 13:37

Heini is egkeg̵iyen ku keniyu, egkeg̵iyen ku zaan diyà te langun he etew he mebpekevantey is kada sevaha.”

Lucas 12:37

Utew meupiya is kegeg̵ehinawa zutun te menge sulug̵uen emun ebpekeuma haazà is egalen dan ne zaan dan neendami haazà is kebpekeuma zin. Benar is egkeg̵iyen ku he haazà is egalen dan, ibpepinuu zin sikandan diyà te lemisahan ne iyan sikandin ebpekaan kandan.

Lucas 12:39

Ne ke si Jesus maan te, “Kenè niw heini lipati he emun egketuenan te teg̵ivaley ke keenu ebpekeuma is tekawen ne ebpekepurung sikandin ebpekevantey ne kenà ebpekeseled dutun te valey zin haazà is tekawen.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Lucas 22:46

Ne zutun migkag̵i si Jesus diyà te kandan te, “Maan is ebpemenlipezeng kew? Enew kew wey med-ampù wey kew kenà mezaag te penuley keniyu.”

Nengeulaula 20:31

Ne tenged kayi mebpekevantey kew; kenè niw lipati he seled te tetelu he tuig, andew se mezukilem, mid-em-eminan ku sikiyu te penurù. Mibpenig̵is is menge luhè ku tenged te hizu ku keniyu.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

1 Kurintu 16:13

Layun kew, menge suled, med-andam; hemeni niw te edtuu si Jesu Kristu; kenè niw ikeeled is kedtuu niw, kekenà, ipeehè niw is kelig-en te kedtuu niw.

Ipisu 2:3

Ne sikitew zaan, elin kiw zengan ebpen-ulaula te mezaat sumalà is mezaat he kebayà te lawa tew, wey is mezaat he isip tew. Ne tenged kayi neragkes kiw pa zutun te silut iring te zuma he menusiyà he kenà sakup te Megbevayà.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Ipisu 6:18

Pekezesen kew ampù te minsan hengkey he timpu sumalà is ked-uwita keniyu te Wag̵as he Mulin-ulin. Buyù kew te tavang te Megbevayà ne layun kew andam ne peniguduwi niw layun te ked-ampù is langun he menge tumutuu.

Pilipus 4:5

Kinahanglan he peketulanged kew te minsan hentei su meg̵aan en edlikù is Nengazen.

Kulusas 4:2

Ne sikiyu is langun, pekehamen kew ampù ne purungi niw is ked-isip niw ke ed-ampù kew wey layun niw peselemati te Megbevayà is gag̵ew zin keniyu.

1 Tiselunika 4:13

Menge suled, egkesuatan dey he metueni niw is egkeulaula te menge tumutuu he minatey en su wey kew kenà meseeng iring te kegkeseeng te zuma he menge etew he kenè dan egkeperateng he egkevanhew sikandan.

1 Tiselunika 5:10

Ne minsan ke uuyag kiw pa wey ke minatey kiw en be zutun te kedlikù ni Kristu, duen tew en gihapun untung he wazà pidtemanan duma kandin su iyan heini ketezengan ke maan is mibpehimatey sikandin.

1 Tiselunika 5:8

Iyan, sikitew mulà is nesakup te maandew, kinahanglan he ed-eg̵enen tew is menge mezaat he suat tew. Idsun-ud tew is limbutung he iyan is kedtuu tew te Megbevayà wey is kebmahala tew zini te g̵ehinawa tew te menge zuma tew. Ne iring te kalù tew te sundaru is kedhemeni tew te kebperateng tew te kedlibriya te Megbevayà kenitew te silut.

1 Timoteo 2:15

Ne minsan pa te iyan haazà, egkelibri g̵ihapun is menge vahi te silut pinaag̵i te ked-anak te vatà ke kenè dan edlekaan is kedtuu zan, wey is kebmahala zan te menge zuma zan wey is menge ulaula zan he igkesuat te Megbevayà wey is ked-erengana zan te langun he ed-ul-ulahan dan.

1 Timoteo 2:9

Ne is menge vahi zaan, kinahanglan he hustu is kegemita zan te ugelingen dan. Kenè dan ipezalig, kekenà, kinahanglan he metau sikandan he egkeeled. Kenà utew subra is kebmekempeta zan te ulu zan pinaag̵i te vulvul zan. Kenè dan megamit te menge mahal iring te vulawan wey menge velieg he pirlas wey menge mahal he ugelingen,

1 Timoteo 3:11

Iring din ded daan is bahi he esawa te diyekunu su kinahanglan he telehuzen sikandin. Kenà menge vereituk, kekenà, egketengkaan is ked-isipa zin te langun wey egkengeserig̵an te minsan hengkey he meupiya he ulaula.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

2 Timoteo 4:5

Iyan, sikew mulà, tengkai nu is ed-ul-ulahan nu te minsan keenu he timpu. Entusa nu is kemereg̵enan. Peniguduwi nu te edsangyew is Meupiya he Tudtulanen. Purungi nu tumana is langun he ebpeveelan kenikew te Megbevayà.

Tito 2:12

Ne pinaag̵i zutun te g̵ag̵ew egkesavut ta he kinahanglan he meengkezi ta is menge ulaula he kenà igkesuat te Megbevayà wey is kedtumana ta te menge suat te lawa ta zini te kelibutan. Kinahanglan he ed-eg̵enen ta is menge kebayà ta he mezaat. Kinahanglan daan he metazeng wey igkesuat te Megbevayà is menge ulaula ta te zini ki pa ed-ubpà te kelibutan.

Tito 2:6

Ne iring din daan dutun is penurù nu ziyà te menge menguhed he maama. Kinahanglan he ipenurù nu kandan he purungi zan tengkai is menge ulaula zan.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

Impezayag 16:15

Ne zutun nengetig̵um te menge mezaat he mulin-ulin is menge hadì wey is menge sundaru zan diyà te tanà he migngezanan te Ermegidun te kineg̵iyan he Hibriyuhanen. “Purungi niw pemineg̵a heini,” ke si Jesu Kristu, “su iring te kebpekeuma te tekawen is kedlikù ku. Is etew he kenà edlipezeng ne ed-endamen din is bisti zin, he ke và dà egkeg̵iya, ebpeebuten e zin, egkelipey sikandin dutun su kenà sikandin egkelevasan, he ke và dà egkeg̵iya, kenà sikandin dutun egkepeel-elezan.”

Impezayag 3:2

Kenè kew lipezeng, kekenà, lig-eni niw is egkesamà he zesen te kedtuu niw su henduen be te egkeawè en. Netuenan ku he utew zekelà is kurang niw su is menge ulaula niw, kenà egkesuatan te Megbevayà.