1 Tiselunika 5:23 - Manobo Western Bukidnon

²³ Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

1 Tiselunika 5:23 Кръстосани препратки

Lucas 1:46

Ne zutun migkag̵i si Maria te, “Utew a ebpekezalig te Nengazen.

Juan 17:19

Ne tenged kandan ibpeveyveyaan ku kenikew is gehinawa ku su wey zan daan ikepurung ikepeveyveyai kenikew is gehinawa zan.

Nengeulaula 20:32

Ne g̵untaan idsarig ku sikiyu ziyà te Megbevayà he iyan ebpeketavang keniyu. Ebpeketavang daan is impenurù ku keniyu he g̵ag̵ew zin kenitew. Is Megbevayà, iyan ebpekeveg̵ey kenitew te kezesen te kedtuu. Diyà te kandin egkekuwa ta zaan is kenita he vahin te menge tuvad he ibeg̵ey zin diyà te langun he menge tumutuu zin.

Nengeulaula 26:18

Ne is ibpesavut nu kandan, egkehimu he iyan igkeawà te kegkelakap dan te kedtuu wey zan daan meewai is merusirem ne medhalin dan diyà te merayag. Ne pinaag̵i kayi egkepeleg̵uyan dan is kebeyveyai kandan ni Setanas ne ebpekepesakup dan te Megbevayà. Ne egkepesaylu is menge salè dan tenged te kedtuu zan kedì ne egkehimu zan daan he menge tumutuu he pinilì te Megbevayà.’

Ruma 15:13

Is Megbevayà he iyan puunà te langun he meupiya he ebpeebuten tew, berakat he veg̵ayi kew zin te utew zekelà he kelipey wey melinawen he kebpekesavuk tenged te kedtuu niw kandin su wey pinaag̵i te g̵ehem te Wag̵as he Mulin-ulin meheg̵et is kebpeebuta niw te langun he meupiya he egkezawat niw keuzemà.

Ruma 15:33

Is Megbevayà he iyan puunà te kelinew, berakat he ulini kew zin.

Ruma 15:5

Is Megbevayà, ne iyan edsambag kenitew wey ebeg̵ey kenitew te kebmeinentusen te kemeresayan. Berakat he himuwa zin he mesevaha is gehinawa niw wey isip niw kayi te kedsundani niw ki Jesu Kristu.

Ruma 16:20

Ne emun iyan heini egkehitavù, is Megbevayà he iyan puunà te kelinew, meg̵aan din en edhimuwa he mepurung niw mezaag si Setanas. Berakat he ikeg̵ag̵ew kew te Nengazen tew he si Jesu Kristu.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 14:33

Kenà egkesuatan te Megbevayà he mebperedredseey kew emun edtig̵um kew is edsimba kandin. Su kenà iyan in-ulin kenitew is kegkeliveg̵i, kekenà, iyan is melinawen he ulaula.

2 Kurintu 5:19

Iyan ibpesavut dey is: pinaag̵i ki Kristu egkehimu he edhimuwen te Megbevayà is tivuuk he menusiyà he menge emig̵u zin. Ne id-awè din diyà te isip din is menge mezaat he ulaula zan. Ne sikami, insarig din kenami is kedtudtula he egkehimu en he ebpekid-emig̵u te Megbevayà is menusiyà.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

Pilipus 4:9

Pen-ul-ulaha niw heini is langun he impenurù ku, wey impesavut ku keniyu pinaag̵i te menge lalag ku wey pinaag̵i zaan te menge ulaula ku. Ne zutun, is Megbevayà he iyan puunà te kelinew tew te wazè din pidtemanan, iyan ed-ulin keniyu.

Kulusas 1:22

Ne minsan pa te iyan haazà, midhimu kew g̵untaan te Megbevayà he menge emig̵u zin pinaag̵i te kebpatey ni Kristu. Umba mibpehimatey si Kristu su wey kew mehimu he menge etew he wazà mezaat he ulaula ne wazà igkesumbunga keniyu keuzemà emun ibpeetuvang kew zin diyà te Amey zin he Megbevayà.

1 Tiselunika 2:19

Umba egkesuatan ku he ed-uman a ebpenumbaley ziyan su tenged keniyu utew meheg̵et is kebperetenga zey te kedlikù ni Jesus su iyan kew igkelipey zey. Tenged keniyu kenè key egkeeled keuzemà, kekenà, igkezantal zey is kedtuu niw emun ed-etuvang kiw ki Jesus dutun te kedlikù din.

1 Tiselunika 3:11

Berekati te Amey tew he Megbevayà wey te Nengazen tew he si Jesus he meg̵aan key mekehendiyan te keniyu.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

1 Tiselunika 4:3

Iyan egkesuatan te Megbevayà is: kinahanglan he zait is menge ulaula niw te etew he g̵aked din. Kinahanglan he kenè niw hileveti is kenè niw esawa.

1 Tiselunika 5:22

Likayi niw is minsan hengkey he mezaat.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

Hibriyuhanen 13:20

Is Megbevayà, mibanhew zin is Nengazen tew he si Jesus. Midtig̵is is lengesa zin he iyan tuus te veg̵u wey wazà pidtemanan he paag̵i te kebpekidsevaha tew te Megbevayà. Ne tenged dutun nehimu si Jesus he mekeg̵eg̵ehem he ed-elima kenitew te menge kerehidu zin.

Hibriyuhanen 2:11

Si Jesus, mibpalis din en is menge salè tew. Ne g̵untaan sikitew is nepelisan te salà wey sikandin is mibpalis te salà, sebsevaha zà is Amey tew he iyan is Megbevayà. Ne tenged kayi kenè kiw igkeeled ni Jesus, kekenà, egngezanan kiw zin te menge hazi zin.

Hibriyuhanen 4:12

Uuyag is Lalag te Megbevayà ne zekelà is gehem din. Iring te sundang he zezuwa is gerangan din he utew meg̵arang, iyan, meg̵arang pa is Lalag te Megbevayà kenà haazà is sundang su edlembasan din minsan is isip ta, gehinawa ta, wey tuyù ta ne igkepetuenan din kenita ke hengkey is ked-isipa kenita te Megbevayà.

Santiago 1:4

Ne utew zaan kinahanglan he kenà mehugkà is kebpurung niw ked-antus su emun ebpurung ki ed-antus te merasey egkehimu ki he metau wey wazà igkesewayi kenita wey wazà kurang te kedtuu ta te Megbevayà.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

1 Pedro 5:10

Mevavè dà is ked-antus niw ne edheg̵eten te Megbevayà is kedsarig niw kandin. Ebig̵eran kew zin, edlig-enan kew zin wey ebeg̵ayan kew zin te zesen. Iyan sikandin puunà te minsan hengkey he tavang kenitew. Midhimu kiw zin he tumutuu su wey pinaag̵i te kebpekidsevaha tew ki Kristu mekeambit kiw te wazà pidtemanan he utew kegkelavew zin.

2 Pedro 3:14

Na menge suled, geina te kemulu tew pa edteg̵azi haazà is andew, kinahanglan he ebpurungan tew edtengkai is menge ulaula tew su wey wazà igkesewayi kenitew te Megbevayà ne wey melinew is kedepità te uman sevaha kenitew ziyà te kandin.

Hudas 1:1

Siak si Hudas is suled ni Santiago wey is sulug̵uen ni Jesu Kristu. Sikiyu is midhimu te Amey tew he Megbevayà he menge tumutuu he menge minahal zin he midlig-enan ni Jesu Kristu, iyan kew ebpesuratan ku.

Hudas 1:24

Utew zekelà is kebpeselemati tew te Megbevayà. Iyan metau he edtavang kenitew su wey kenè kiw mekesuwey ziyà te kandin. Iyan metau he id-etuvang kiw keuzemà kandin diyà te vulawan he ed-ulian he wazà igkesewayi kenitew he utew zekelà dutun is kelipey tew.