1 Tiselunika 5:21 - Manobo Western Bukidnon

²¹ kekenà, gezami niw is langun ne tipig̵i niw is meupiya.

1 Tiselunika 5:21 Кръстосани препратки

Lucas 12:57

Ne ke si Jesus te, “Deyzey ke ed-isipen niw is hustu he ed-ul-ulahan.

Juan 15:4

Kenè kew suwey kediey iring te kenà a zaan edsuwey keniyu. Wazà subpang he ebpekepemeg̵as ke ebpekesuwey ziyà te lawa te pinemula, ne sikiyu zaan, emun edsuwey kew kediey kenè kew ebpekepemeg̵as.

Juan 8:31

Ne migkeg̵iyan ni Jesus is menge Hudiyu he nemeketuu kandin, ke sikandin te, “Emun kenè niw ed-engkezan is kedtumana niw te menge penurù ku keniyu, ne human tutuu he menge sumusundan ku sikiyu.

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 14:22

Ne impesavut dan te menge tumutuu zutun is ibmezesen te kedtuu zan. Migkag̵i zan kandan he kinahanglan he kenè dan engkezi is kedtuu zan ki Jesus. Ke sikandan te, “Sikita is tumutuu, wey ki zà egkehedii te Megbevayà ke egkeantus ta is mezakel he kemereg̵enan.”

Nengeulaula 17:11

Ne zeyzey is menge Hudiyu zutun te Biriya kenà te menge Hudiyu ziyà te Tiselunika su memetulanged dan mulà. Ne utew zan egkesuat he ebpemineg te impesavut kandan. Ne kada andew edsusiyen dan is insurat he Lalag te Megbevayà su ed-ahaan dan ke tutuu ve iyan haazà is ibpenurù eni Pablo.

Ruma 12:2

Kenè niw iringi is menge ulaula te menge etew he kuntada te Megbevayà, kekenà, itug̵ut niw he helina kew te Megbevayà pinaag̵i te kebeg̵uwa zin te isip niw. Ne zutun egkesavut niw human is egkesuatan te Megbevayà, he ke và dà egkeg̵iya, egkesavut niw ke hengkey is menge ulaula he metazeng he egkesuatan he kenà egkesewayan te Megbevayà.

Ruma 12:9

Kinahanglan he kenà tarù is kegkeg̵eg̵awi ta te menge zuma ta. Kinahanglan he utew ta igkeepes is mezaat he ulaula. Edhemenan ta is meupiya he ulaula.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

1 Kurintu 2:11

Hentei is nesayud te isip te sengeetew ke kenà iyan dà haazà is etew nesayud ke hengkey is diyà te keugelingen he isip din. Ne iring din ded daan iyan dà is Wag̵as he Mulin-ulin nesayud ke hengkey is isip te Megbevayà.

Gelasya 6:10

Ebpurungan ta layun is minsan hentei he etew, lavew en is menge zuma ta he tumutuu ki Kristu.

Ipisu 5:10

Purungi niw istudyuwi ke hengkey is menge ulaula he egkesuatan te Nengazen.

Pilipus 1:10

su wey niw layun metueni ke hengkey is hustu ne wey niw layun heini meulaula. Ne zutun wazà keuzemà igkesawey ziyan te keniyu su egkehimu kew he wag̵as dutun te kedlikù ni Kristu.

Pilipus 3:16

Iyan, kinahanglan guntaan he edtumanen tew is daan he impenurù kenitew te Megbevayà.

Pilipus 4:8

Ketepusan heini, menge suled, he menge lalag ku keniyu. Iyan niw itag̵ù diyà te isip niw is meupiya, is dait he igkezelig̵i, is tutuu he tuluuwen, is metazeng wey hustu wey mekempet he ulaula, wey is minsan hengkey he igkehimu te minsan hentei he egketahud.

1 Tiselunika 5:15

Kenè niw itug̵ut he zuen minsan hentei keniyu he ebales te mezaat, kekenà, mebpepurpurungè kew layun. Purungi niw zaan is minsan hentei he etew.

1 Tiselunika 5:22

Likayi niw is minsan hengkey he mezaat.

2 Tiselunika 2:15

Ne tenged kayi, menge suled, pekezesen kew te kedtuu niw, ne hemeni niw is langun he impenurù dey keniyu pinaag̵i te kedwali zey hein diyan key wey pinaag̵i zaan te kebpesurati zey keniyu.

2 Timoteo 1:15

Netuenan nu en he is langun he menge tumutuu zini he ebpuun te prubinsya he Asya, wazè e zan tevangi. Elin dutun si Pihilu wey si Hirmuhinis.

2 Timoteo 3:6

Iyan duma zutun is menge maama he edseled te menge valey wey zan mepenurù wey meveyveyai is menge vahi he wazà menge pulus. Is menge vahi he iring kayi, egkehandek dan tenged te mezakel he neveelan dan he salà, iyan, mezakel zaan is menge mezaat he egkesuatan dan.

2 Timoteo 4:14

Utew mezaat is mid-ulaula kedì ni Alejandro, sikan is pandey te tumbag̵a. Iyan ebales kandin is Nengazen.

Hibriyuhanen 10:23

Edhemenan tew is meheg̵et he kebperateng te kedtulusa kenitew keuzemà te wazà duwazuwa su netuenan tew he metinumanen is Megbevayà ne edhimuwen din is impenaad din kenitew.

1 Juan 4:1

Menge minahal ku he suled, kenè niw petuluy tuuwi is etew he egkag̵i he mid-ulinan sikandin te Wag̵as he Mulin-ulin. Gezami niw zè pa wey niw metueni ke ebpuun be te Megbevayà is ed-ulin kandin. Umba egkeg̵iyen ku heini su mezakel en is menge ebpenurù te tarù he midlepew zini te kelibutan he mid-ulinan sikandan te teruen he mulin-ulin.

Impezayag 2:2

Netuenan ku is langun he menge ulaula niw; netuenan ku he edhag̵ù kew ne meinentusen kew te kemereg̵enan tenged te kedtuu niw. Netuenan ku zaan he kenè niw idtug̵ut he zuen menge lalung he etew he menge zuma niw, su sikan is menge etew he migkag̵i he menge epustul sikandan ni Jesus, migezaman niw ne zutun netuenan niw he kenà tutuu he menge epustul sikandan.

Impezayag 2:25

Iyan dà is: hemeni niw is netuenan niw en taman te ebpekeuma a.

Impezayag 3:11

Meg̵aan e en ebpekeuma. Hemeni niw is tutuu he tuluuwen he netuenan niw su wey kenà igkeveg̵ey ziyà te zuma is suhul he ibeg̵ey keniyu ke ebpekezaag kew ki Setanas.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.