1 Tiselunika 5:10 - Manobo Western Bukidnon

¹⁰ Ne minsan ke uuyag kiw pa wey ke minatey kiw en be zutun te kedlikù ni Kristu, duen tew en gihapun untung he wazà pidtemanan duma kandin su iyan heini ketezengan ke maan is mibpehimatey sikandin.

1 Tiselunika 5:10 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Juan 10:11

Iyan a sikan is ed-elima te menge kerehidu he utew meelima. Ibelavag ku is untung ku wey kenà mekeizi is menge kerehidu ku.

Juan 10:17

Umba utew a mahal ziyà te g̵ehinawa te Amey ku he Megbevayà su ebpehimatey a he elili te menge g̵aked ku he etew ne ebenhawen e zin.

Juan 15:13

Ke zuen etew he ebpehimatey wey melibri is menge emig̵u zin, tuus heini he utew mahal is menge emig̵u zin diyà te g̵ehinawa zin; wazè en kebmahal he ebpekeiring kayi.

Ruma 8:34

Ne wazà daan ebpekekag̵i he zait ki he edsilutan su edtevangan ki ni Jesu Kristu. Minatey sikandin he elili kenita ne kenà duen dà taman, su nevanhew en daan. Ne g̵untaan utew sikandin lavew su ziyà sikandin ebpinuu te zapit te egkekewanan te Megbevayà ne edtevangan ki zin diyà te etuvangan te Megbevayà.

1 Kurintu 15:3

Ne lavew kayi te langun he impesavut ku keniyu, haazà is impenurù daan kediey. Ne iyan is: si Kristu, mibpehimatey su wey kiw melibri te silut mehitenged te menge salè tew sumalà is impesavut dengan te insurat he Lalag te Megbevayà.

2 Kurintu 5:15

Minatey sikandin he elili te tivuuk he menusiyà su wey sikandan is menge etew he uuyag pa, kenè dan en maan med-ulaula te kandan he egkesuatan, kekenà, med-tuman dan en te egkesuatan ni Kristu he iyan midhimetayan wey nevanhew su wey melibri sikandan te silut.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

1 Tiselunika 4:13

Menge suled, egkesuatan dey he metueni niw is egkeulaula te menge tumutuu he minatey en su wey kew kenà meseeng iring te kegkeseeng te zuma he menge etew he kenè dan egkeperateng he egkevanhew sikandan.

1 Tiselunika 4:15

Lalag en te Nengazen heini is egkeg̵iyen dey keniyu ne iyan is: sikitew is uuyag pa keuzemà te timpu te kedlikù te Nengazen, kenè kiw egkehuna te menge tumutuu he minatey en.

1 Tiselunika 4:17

Ne human kiw is menge uuyag pa, ebpekezuma kiw zaan kandan diyà te menge g̵apun su edtelavuk kiw te Nengazen diyà te zivavew. Ne zutun kenè kiw en ebpekesuwey te Nengazen te wazà pidtemanan.

1 Tiselunika 5:6

Umba kinahanglan he kenà iring te kedlipezeng is ulaula tew su iring kayi is ulaula te zuma he etew he wazà meketuu. Kinahanglan he ed-andam kiw ne ed-eg̵enen tew is menge mezaat he suat tew.

1 Timoteo 2:6

Imbelavag din is untung din ne mibpehimatey su wey zin mevelukasi is langun he menge etew. Ne pinaag̵i kayi, dutun te hustu he timpu, impeehè din he egkesuatan te Megbevayà he melibri te silut is tivuuk he menusiyà.

2 Timoteo 2:11

Utew tutuu is penurù he edhenduen te, “Ke pinaag̵i te kedhimuwa kandin he elili kenita minatey ki en duma kandin, duen te en daan untung duma kandin.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin