1 Tiselunika 4:1 - Manobo Western Bukidnon

¹ Ne g̵untaan, menge suled, tenged te kegkesevaha tew te Nengazen tew he si Jesus, duen ebuyuen dey wey edhengyuen dey ziyan te keniyu. Impenurù dey keniyu is ed-ul-ulahan he egkesuatan te Megbevayà, ne mid-ulaula niw en. Iyan, edhengyuen dey keniyu he ipeiseg niw pa is ked-ul-ulaha niw kayi.

1 Tiselunika 4:1 Кръстосани препратки

Juan 15:2

Ke zuen subpang ku he kenà ebpemeg̵as, id-awè din. Ne is langun he menge subpang ku he ebpemeg̵as, edlumpiyuwan din su wey mekesigudu mekepemeg̵as.

Nengeulaula 20:27

su in-amin ku keniyu ipenurù is minsan hengkey he egkesuatan te Megbevayà.

Ruma 8:8

Is etew he ebeyveyaan te mezaat he suat te lawa zin, wazà ulaula zin he egkesuatan te Megbevayà.

1 Kurintu 11:23

Umba egkeg̵iyen ku heini su is impenurù kediey te Nengazen, ne iyan daan impenurù ku diyan te keniyu. Iyan is: dutun te kezukileman te ked-ekali te Nengazen tew he si Jesus, hein edlavung dan, ne migkuwa ni Jesus is supas,

1 Kurintu 15:1

Ne g̵untaan, menge suled ku te kedtuu, ed-umanan ku sikiyu te ebpenurù mehitenged te Meupiya he Tudtulanen he impesavut ku zengan keniyu, ne midtuuwan niw ne midhemenan niw.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

2 Kurintu 5:9

Iyan, ke minsan hendei ki, ke zini ki te kelibutan wey ke ziyè ki ve te ed-ubpaan te Megbevayà, iyan utew ta egkesuati is kedtumana ta te egkesuatan te Megbevayà.

2 Kurintu 6:1

Ne g̵eina te nehimu key en he menge timbang te Megbevayà, edhengyuan dey sikiyu he himuwa niw he mebpulus is gag̵ew zin keniyu.

Gelasya 6:1

Menge suled, ke zuen duma niw he tumutuu he netuenan niw he nesupak din is Megbevayà, sikiyu is mid-ulinan te Wag̵as he Mulin-ulin, tevangi niw sikandin su wey zin kenà meengkezi is kedtumana zin te egkesuatan te Megbevayà. Asal, kinahanglan he utew kew mepelevayen is edtavang kandin. Mebpekevantey kew su kela ke mepenulayi kew zaan ni Setanas.

Ipisu 4:1

Ne tenged kayi te langun, siak is pirisu tenged te midtuman ku is menge sugù te Nengazen, edhengyuan ku sikiyu he g̵eina te midhimu kew te Megbevayà he menge tumutuu zin, ul-ulaha niw is ulaula he zait he ed-ul-ulahan te tumutuu.

Ipisu 4:20

Ne sikiyu mulà, dutun te kebpeketuu niw ki Kristu, kenà iyan heini sikan is impenurù keniyu.

Ipisu 5:17

Kenè niw ul-ulaha is wazè din pulus he ulaula, kekenà, purungi niw sevuta ke hengkey is ebpeveelan keniyu te Megbevayà.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

Pilipus 1:9

Ne id-ampù ku he med-iseg is kebpepurpurungè niw, is kegketueni niw te menge ulaula te Megbevayà, wey is ketau niw te ked-isip

Pilipus 3:14

Ebpenigudu e pa wey ku mekuwa is suhul te Megbevayà su iyan heini ketezengan ke maan is mid-umew kiw zin te ked-angken te untung he wazà pidtemanan pinaag̵i te kebpekidsevaha tew ki Jesu Kristu.

Kulusas 1:10

Su emun ebeelan din is iring kayi, ne human egkehimu is menge ulaula niw he zait he menge ulaula te menge etew he neg̵aked te Nengazen tew, ne egkehimu zaan he layun niw egkeveeli is egkesuatan din; layun niw egkeulaula is minsan hengkey he menge meupiya he ulaula. Ne layun daan ed-iseg is kegketueni niw te menge ulaula te Megbevayà.

Kulusas 2:6

Ne g̵eina te midawat niw si Jesu Kristu he Nengazen niw kinahanglan he is menge ulaula niw, ne zait te upakat niw kandin.

1 Tiselunika 3:12

Berekati te Nengazen he med-iseg is kebmahala niw ziyà te g̵ehinawa niw te uman sevaha keniyu wey is langun he etew, iring te utew mezesen is kebmahala zey keniyu.

1 Tiselunika 4:2

Netuenan niw is insug̵ù dey keniyu he ebpuun te Nengazen tew he si Jesus.

1 Tiselunika 5:12

Ne menge suled, sikan is edhag̵ù te ked-uwit dan keniyu, kes menge eg̵alen niw he mibpilì te Nengazen wey sikandan is ebpenurù keniyu, edhengyuan dey sikiyu he tehuza niw sikandan.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

2 Tiselunika 2:1

Ne g̵untaan, menge suled, ibpesavut dey keniyu is kedlikù keuzemà te Nengazen tew he si Jesu Kristu wey is kedtulusa zin kenitew.

2 Tiselunika 3:1

Ne g̵untaan, menge suled, iampù key keniyu wey meg̵aan mekeeneb ne mezawat diyà te minsan hendei is kebpesevuta zey te Lalag te Nengazen iring te kegkezewata niw kayi ziyan te keniyu.

2 Tiselunika 3:13

Ne sikiyu zaan, menge suled, kenè kew meevek te ked-ulaula te meupiya.

1 Timoteo 5:21

Edteleenan ku sikew he purungi nu tumana heini is insug̵ù ku kenikew. Iyan ebpeketistig̵us kayi is Megbevayà, si Jesu Kristu, wey is menge pinilì din he velinsug̵uen. Kinahanglan he te minsan hengkey he ed-ul-ulahan nu wazè nu zepig̵i he minsan hentei. Ke edhusey ka kinahanglan he iyan nu pemineg̵a kes ebpekevenar.

2 Timoteo 4:1

Duen idtelaan ku kenikew, ne is Megbevayà wey si Jesu Kristu, iyan ebpeketistig̵us kayi te menge lalag ku. Netuenan ta he edlikù si Jesus su iyan sikandin hadì ne iyan sikandin edsusi keuzemà te nengeulaula te minsan hentei, se uuyag pa wey is nemematey en.

Hibriyuhanen 11:6

Is etew he wazè din kedtuu te Megbevayà, kenà egkehimu he egkesuatan te Megbevayà is menge ulaula zin. Su is etew he ebpetavang te Megbevayà, kinahanglan he edtuuwen din he zuen Megbevayà, ne kinahanglan daan he edtuuwen din he edtuvazan te Megbevayà te meupiya is minsan hentei he edhag̵ù he ebpen-ahà te paag̵i wey sikandin mekepekid-emig̵u te Megbevayà.

Hibriyuhanen 13:16

Kenè niw lipati is kebpurung niw te minsan hentei he zuma niw, ne mebpetebtevangè kew su is ulaula he iring kayi, ne iring te pemuhat he egkesuatan te Megbevayà.

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.

1 Juan 3:22

Ibeg̵ey zin kenita is ebuyuen ta su edtumanen ta is menge sug̵ù din wey ed-ul-ulahan ta is egkesuatan din.