1 Tiselunika 3:6 - Manobo Western Bukidnon

⁶ Ne iyan pa kebpekeuma ni Timoteo he ebpuun diyan te Tiselunika. Ne meupiya is tudtul zin he mezesen ded is kedtuu niw te Megbevayà wey ebmahalen niw zaan diyà te g̵ehinawa niw is menge zuma niw. Ne iyan daan tudtul zin is: utew meupiya is gehinawa niw kenami, ne ebulungen kew kenami iring te kebulunga zey zaan keniyu.

1 Tiselunika 3:6 Кръстосани препратки

Nengeulaula 16:1

Ne midlaus ensi Pablo ziyà te menge inged he Dirbi wey Listera. Ne zuen sumusundan ni Jesus he meg̵inged dutun he egngezanan ki Timoteo. Is iney zin, ne Hudiyu he tumutuu zaan, asal is amey zin ne Gerisyahanen.

Nengeulaula 18:1

Wazà meug̵et ne mid-awà si Pablo zutun te Etinas ne midlaus diyà te Kurintu.

Nengeulaula 18:5

Ne hein nekeuma si Silas wey si Timoteo is ebpuun te Mesidunya, wazà duma he vaal ni Pablo, kekenà, iyan dà is kebpesevuta zin te Lalag te Megbevayà su ibpeehè din te menge Hudiyu he tutuu iyan he iyan si Jesus sikan is mibpilì te Megbevayà he ibpahadì.

1 Kurintu 11:2

Duen ed-ul-ulahan niw he layun ku egkeg̵iya he utew meupiya he iyan is: wazè a keniyu melipati ne is impenurù ku keniyu ne edtumanen niw layun.

1 Kurintu 13:13

Na, duen tetelu he ebpeveelan kenita he kenà egkeawà. Kinahanglan he edtuuwan ta is Megbevayà, kinahanglan daan he layun ta ebperetenga is kegketuman te impenaad kenita te Megbevayà, ne kinahanglan daan he ebmahalen ta is menge zuma ta. Ne is lavew he meupiya kayi te tetelu, ne iyan is kebmahala ta te menge zuma ta.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Pilipus 1:8

Ebpeketistig̵us is Megbevayà he utew zekelà is kebulunga ku keniyu su is kezekelà te g̵ehinawa ku keniyu, ne iring te kezekelà te g̵ehinawa ni Jesu Kristu keniyu.

Kulusas 1:4

su nezineg dey is tudtul he mezesen is kedtuu niw ki Jesu Kristu wey zekelà layun is gag̵ew niw te minsan hentei he etew he g̵aked te Megbevayà.

Kulusas 4:18

Siak si Pablo, ebpengemusta a keniyu. Tuus heini is kedsurata ku te ngazan ku he kediey he surat heini. Kenè niw lipati he pirisu a ne iampù a keniyu. Berakat he ikeg̵ag̵ew kew te Megbevayà.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

1 Tiselunika 2:17

Ne sikami, menge suled, hein neewaan dey sikiyu seled te meg̵aan dà, wazè dey sikiyu melipati, kekenà, utew key ebulunga keniyu ne layun key pezem egkesuat he ebpenumbaley ziyan.

1 Tiselunika 2:9

Menge suled, kenè niw vuwa egkelipatan is kedhag̵ù dey ziyan te kebaal. Su hein impesavut dey keniyu is Meupiya he Tudtulanen he ebpuun te Megbevayà, mibpenigudu key zaan medhag̵ù te maandew se mezukilem wey key mekekuwa te keuyag̵an dey wey key kenà mekesamuk keniyu.

1 Tiselunika 3:7

Ne tenged kayi, menge suled, minsan neseeng key wey nemereg̵enan key, utew key nelipey tenged keniyu wey tenged te kedtuu niw.

2 Tiselunika 1:3

Menge suled, kinahanglan he layun dekelà is kebpeselemati zey te Megbevayà tenged keniyu. Ne hustu heini su layun dekelà is ked-uswag te kedtuu niw wey layun daan ed-iseg is kebmahala niw te uman sevaha he menge zuma niw ziyà te g̵ehinawa niw.

1 Timoteo 1:5

Ne kinahanglan he iyan ketezengan ke maan is idsug̵ù nu kandan heini su wey zan mahala is menge zuma zan diyà te g̵ehinawa zan. Ne kenà egkehimu he hustu is kebmahala ta te menge zuma ta emun wazè ki melumpiyuwi te Megbevayà duen te menge salè ta. Kinahanglan he iyan dà ed-ul-ulahan ta is netuenan ta he hustu ne kinahanglan daan he tutuu is kedtuu ta te tutuu he tuluuwen ne zutun human hustu is kebmahala ta te menge zuma ta.

2 Timoteo 1:3

Iring te nengeulaula te menge kepuun ku hustu is tuyù ku te ked-ezapa ku te Megbevayà, ne utew zekelà is kebpeselemati ku kandin dutun te layun ku kenikew ked-empua ziyà te kandin te maandew wey mezukilem.

Pilimun 1:5

su nezineg ku is tudtul mehitenged te mezesen he kedtuu nu te Nengazen tew he si Jesus wey mehitenged te kebmahala nu ziyà te g̵ehinawa nu te langun he menge tumutuu kandin.

Hibriyuhanen 13:3

Kenè niw lipati is kedtavang niw te menge tumutuu he pirisu. Purungi niw sikandan he iring te iyan kew nepirisu. Tevangi niw zaan is menge tumutuu he ebpesipelahan he iring te iyan is keugelingen niw he lawa nepesipelahan.

Hibriyuhanen 13:7

Kenè niw lipati is menge egalen niw te nengehuna he timpu he nekepenurù keniyu te Lalag te Megbevayà. Isipa niw is meupiya he nehimu pinaag̵i te menge ulaula zan ne iring kandan hemeni niw is kedtuu niw ki Jesu Kristu.

1 Juan 3:23

Ne iyan insug̵ù din kenitew is: kinahanglan he edtuuwan tew is Anak din he si Jesu Kristu wey ebmahalen tew te kada sevaha is menge zuma tew sumalà is insug̵ù daan dengan ni Jesus.