1 Tiselunika 3:4 - Manobo Western Bukidnon

⁴ Hein diyan key pa te keniyu migkeg̵iyan dey sikiyu he zuen timpu he egkeumahan kiw te kemeresayan, ne netuenan niw g̵untaan he netuman en.

1 Tiselunika 3:4 Кръстосани препратки

Mateo 24:25

Kenè niw heini lipati su mibpetizeenan ku sikiyu he zaan.

Nengeulaula 17:1

Diyè dan mekevayà te menge inged he Empipulis wey Epulunya ne nekeuma zan diyà te inged he Tiselunika. Ne zuen dutun simbahan te menge Hudiyu.

Nengeulaula 17:13

Ne sikan is menge tigTiselunika he menge Hudiyu, hein nezineg dan he impesavut daan ni Pablo is Lalag te Megbevayà dutun te inged he Biriya, midhendutun dan ne midhimu zan he mengepauk engki Pablo is mezakel he menge etew.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

1 Tiselunika 2:14

Kes menge g̵aked te Megbevayà he ziyà te prubinsya he Hudiya he menge tumutuu ki Jesu Kristu, neiringan niw sikandan. Su iring te kedresaya kandan te menge zuma zan he Hudiyu, midrasey kew zaan te menge zuma niw he kenà menge Hudiyu.

1 Tiselunika 2:2

Su wazè niw melipati is nehitavù kenami ziyà te inged he Pilipus hein wazè key pa mekeuma ziyan te Tiselunika. Wazè key zan urami te kebpemug̵el wey te kebpeelimungawi. Ne minsan pa zutun, tenged te kedtavang te Megbevayà wazè key mahandek he ebpenudtul ziyan te keniyu te Meupiya he Tudtulanen he ebpuun diyà te kandin, iyan, nereg̵enan key utew.

2 Tiselunika 2:5

Wazè niw pa vuwa melipati he migkag̵i ku en heini is langun hein diyan e pa te keniyu.

2 Tiselunika 3:10

Hein diyan key pa iyan penurù dey keniyu is: sikan is kenà edterebahu, kenà ipekaan.