1 Tiselunika 3:11 - Manobo Western Bukidnon

¹¹ Berekati te Amey tew he Megbevayà wey te Nengazen tew he si Jesus he meg̵aan key mekehendiyan te keniyu.

1 Tiselunika 3:11 Кръстосани препратки

Mateo 6:14

Su sikiyu is menge etew, ke ebpeseyluwen niw is nekesalà keniyu, ebpeseyluwen kew zaan te Amey tew he ziyà te langit.

Mateo 6:18

su wey kenà metueni te zuma he edsalang kew. Iyan dà egkesayud is Amey tew he Megbevayà he wazà duen ebpekeeles. Iyan sikandin ebpekeahà te ulaula nu minsan sebsevaha nu, ne iyan daan sikandin edsuhul kenikew.

Mateo 6:26

Isipa niw is menge tagbis he ebpemenlayang. Kenè dan ebpemula; kenè dan edrag̵un; kenè dan daan ederengdeng. Ne minsan pa zutun ebpengelintau is Megbevayà he ziyà te langit te egkekaan dan. Ne iyan kew pe be is etew he lavew pa he mahal ziyà te kandin kenà is menge tagbis.

Mateo 6:32

Iyan heini igkeseeng te menge etew he wazà medtuu te tutuu he Megbevayà. Iyan, is Amey tew he Megbevayà he ziyà te langit, netuenan din he zaan he egkinehenglanen niw is iring kayi.

Mateo 6:4

Kenè niw petueni te menge etew haazà is kebeg̵ey niw te tavang dutun te egkeayuayu, ne is Amey tew ziyà te langit, iyan dà ebpekeahà dutun ne iyan daan edsuhul keniyu.

Mateo 6:6

Iyan, sikiyu, ke ed-ampù kew, med-ulì is kada sevaha ziyà te valey zin, ne medlelekeb wey kenà maahà, ne zutun med-ampù te Amey tew he Megbevayà he kenà egkeahà. Ne is Amey tew he Megbevayà, iyan dà ebpekeahà kandin ne iyan edsuhul kandin keuzemà.

Marcos 1:3

Diyà sikandin te tanà he wazà duen ed-ubpà he etew. Ne zutun egkezineg sikandin te menge etew he edangep kandin is egkag̵i te, ‘Meg̵aan ebpekeuma is Nengazen. Hig̵ewani niw is ibayè din; tendanga niw is dalan he ed-ikulen din, he ke và dà egkeg̵iya, endami niw is kebpekeuma zin.’ ”

Lucas 12:30

Su is iring keniyan, ne iyan igkengeseeng te menge etew he wazà medtuu te tutuu he Megbevayà, iyan, sikiyu mulà, kenè niw ikeseeng is iring dutun su is Amey niw he Megbevayà, netuenan din he egkinehenglanen niw heini is langun.

Lucas 12:32

Sikiyu is menge sumusundan ku, kenè kew mahandek. Minsan pa te zeisey kew zà, is Amey niw he Megbevayà, egkesuatan din he medhadì kew iring te edhadì daan sikandin.

Juan 20:17

Ne migkag̵i kandin si Jesus te, “Kenè ka kepkep dini su wazè e pa vetuna pehendiyà te Amey ku. Beyai nu is menge suled ku ne keg̵iya nu te, ‘Edhendiyà a te Amey ku, diyà te Megbevayè ku. Iyan daan sikandin Amey niw wey Megbevayè niw.’ ”

Ruma 1:3

Tudtul heini te keag̵i te Nengazen tew he si Jesu Kristu he Anak te Megbevayà. Ne heini si Jesus, nehimu he etew su in-anak sikandin he kevuwazan te tipehuna he hadì he si David.

2 Kurintu 6:18

Ne egkehimu a he Amey niw ne sikiyu, menge vahi wey maama, egkehimu kew he menge anak ku. Lalag heini te mekeg̵eg̵ehem he Nengazen te langun.”

Gelasya 1:4

Si Kristu, imbelavag din is untung din su wey mepalis is menge salè tew su wey kiw melibri, ne kenè tew meiringi is menge etew he ed-ulaula te mezaat te g̵untaan he timpu kayi te kelibutan. Umba mibeelan heini ni Kristu su edtumanen din is egkesuatan te Amey tew he Megbevayà.

Kulusas 1:2

Ebpesuratan ku sikiyu is menge g̵aked te Megbevayà diyan te inged he Kulusas he menge metinumanen te lalag ni Kristu. Berakat he ikeg̵ag̵ew kew te Amey tew he Megbevayà wey veg̵ayi kew zin te melinawen he kebpekesavuk.

1 Tiselunika 3:13

Berekati zin daan he mebmelig-en kew te kedtuu niw su wey wazà igkesewayi keniyu te menge g̵aked te Megbevayà emun diyè kew ed-etuvang te Amey tew he Megbevayà dutun te kebpekeuma te Nengazen tew he si Jesus he edumahan te langun he tumutuu kandin.

1 Tiselunika 4:16

Su ebpuun te langit ebpenaug is Nengazen he edtawag kenitew, ne egkezineg tew is ked-umew te lavew he velinsug̵uen te Megbevayà wey is budyung he ibpezag̵ing te Megbevayà. Ne egkehuna egkevanhew is menge tumutuu ki Kristu he nemematey en.

1 Tiselunika 5:23

Is Megbevayà, ne iyan ebeg̵ey te kelinew, berakat he purungi zin lumpiyuwi is ulaula niw. Lig-eni zin is tivuuk he g̵ehinawa niw, isip niw, wey lawa niw su para wazà igkesewayi keniyu keuzemà te kedlikù te Nengazen tew he si Jesus.

2 Tiselunika 2:16

Berakat he lipaya kew wey lig-eni kew te Nengazen tew he si Jesu Kristu wey te Amey tew he Megbevayà su wey meupiya is langun he menge vaal niw wey is langun he menge lalag niw. Mahal kiw layun diyà te g̵ehinawa zin ne pinaag̵i te g̵ag̵ew zin kenitew zuen tew igkelipey he wazè din pidtemanan wey zuen tew zaan utew meupiya he ebperetengen.

2 Tiselunika 3:16

Berakat he iveg̵ey keniyu te Nengazen is melinawen he g̵ehinawa te minsan keenu he timpu wey te minsan hengkey is kebpekesavuk niw. Iyan sikandin ebeg̵ey te kelinew. Dumahi kew is langun te Nengazen.

2 Tiselunika 3:5

Berakat he ipesavut keniyu te Nengazen ke sengemenu kew zin kemahal ziyà te g̵ehinawa te Megbevayà wey himuwa zin he veg̵ayi kew ni Kristu te kelig-en wey niw maantus is kemereg̵enan.

1 Juan 3:1

Utew kiw mahal ziyà te g̵ehinawa te Amey tew he Megbevayà su ahaa niw man migngezanan kiw zin en he menge anak din ne menge anak kiw zin en iyan. Is menge etew zini te kelibutan he kuntada te Megbevayà, kenè kiw zan egkekilala he menge anak kiw te Megbevayà su kenè dan daan egkekilala ke hentei sikandin.

Impezayag 21:3

Ne nezineg ku is egkag̵i he utew mezag̵ing diyà te pinuuwà te edhadì, ne ke sikandin te, “Mid-amur en human is Megbevayà diyà te menusiyà. Ed-amur sikandin kandan ne egkehimu sikandan he menge gin-etawan din. Iyan sikandin duma zan wey ed-ezapen dan he Megbevayà.