1 Tiselunika 3:1 - Manobo Western Bukidnon

¹ Ne hein kenè dey en egkeantus is kebulunga zey keniyu, sikami is tetelu, mid-isip dey he meupiya ke ebpetag̵ak is dezuwa kenami ziyà te inged he Etinas.

1 Tiselunika 3:1 Кръстосани препратки

Nengeulaula 17:15

Sikan is menge maama he midhated ki Pablo, miduma zan kandin taman diyà te inged he Etinas. Ne zutun mid-ulì dan diyà te Biriya ne mibpenudtul zan ki Silas wey ki Timoteo he ibpeg̵aanggaan dan ibpetelukun ni Pablo.

Nengeulaula 17:16

Ne zutun te kedteg̵azi ni Pablo ki Silas wey ki Timoteo ziyà te Etinas, utew neseeng sikandin su neehè din he utew mezakel is menge ledawan he edsimbahan te menge meg̵inged dutun.

2 Kurintu 2:13

Iyan, utew zutun nesemuki is gehinawa ku su kenè ku egketuredu is suled tew he si Tito. Ne tenged kayi, mid-ewaan ku is menge tumutuu he meg̵inged dutun ne midlaus a ziyà te prubinsya he Mesidunya.

1 Tiselunika 2:17

Ne sikami, menge suled, hein neewaan dey sikiyu seled te meg̵aan dà, wazè dey sikiyu melipati, kekenà, utew key ebulunga keniyu ne layun key pezem egkesuat he ebpenumbaley ziyan.

1 Tiselunika 3:5

Ne tenged kayi hein kenè ku en egkeantus is kegkeipeng ku keniyu, midsug̵ù ku ziyan si Timoteo wey ku metueni ke nemenumenu en is kedtuu niw. Nahandek a su kela ke nepenulayan kew ni Setanas ne naawà is pulus te kedhag̵ù dey ziyan te keniyu.