1 Tiselunika 2:17 - Manobo Western Bukidnon

¹⁷ Ne sikami, menge suled, hein neewaan dey sikiyu seled te meg̵aan dà, wazè dey sikiyu melipati, kekenà, utew key ebulunga keniyu ne layun key pezem egkesuat he ebpenumbaley ziyan.

1 Tiselunika 2:17 Кръстосани препратки

Lucas 12:58

Penenglitan duen etew he idsumbung kew zin, ne ed-uwiten kew zin diyà te hukmanan. Himuwa niw is taman te egkehimu niw su wey kew kandin mebpekidhusey te kenè kew pa ebpekeetuvang te huwis. Su emun ebpekeetuvang kew en te huwis, kela ke izata kew zin diyà te pulis ne egkepirisu kew.

Lucas 22:15

Ne migkag̵i si Jesus diyà te kandan te, “Utew zekelà dini te g̵ehinawa ku heini is kegkesevaha tew te kegkaan te idlavung kayi te Pista te Kedlevayi te kenè e pa ebpatey.

Nengeulaula 17:10

Ne hein mezukilem en, impehipanew si Pablo wey si Silas te menge tumutuu pehendiyà te inged he Biriya. Ne hein nekeuma zan midhendiyè dan te simbahan te menge Hudiyu.

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.

Ruma 15:23

Ne g̵untaan te netapus ku en is baal ku kayi te menge inged, wey g̵eina te neug̵et en utew is ked-isipa ku he edhendiyan a,

1 Kurintu 5:3

Siak, minsan pa te zini a te meziyù, henduen be te ziyan e en te keniyu su layun ku sikiyu ed-isipa. Ne iring te ziyan e en, netuenan ku he zaan ke hengkey is hustu he idsilut keniyan te etew he utew mezaat is mid-ulaula zin.

Kulusas 2:5

Su minsan te wazà a g̵untaan diyan te keniyu, layun ku sikiyu ed-isipa. Igkelipey ku sikiyu su netuenan ku he mibpurungan niw te ed-ulaula is meupiya he ulaula wey melig-en daan is kedtuu niw ki Kristu.

1 Tiselunika 3:6

Ne iyan pa kebpekeuma ni Timoteo he ebpuun diyan te Tiselunika. Ne meupiya is tudtul zin he mezesen ded is kedtuu niw te Megbevayà wey ebmahalen niw zaan diyà te g̵ehinawa niw is menge zuma niw. Ne iyan daan tudtul zin is: utew meupiya is gehinawa niw kenami, ne ebulungen kew kenami iring te kebulunga zey zaan keniyu.