1 Tiselunika 2:15 - Manobo Western Bukidnon

¹⁵ Is menge Hudiyu, iyan kes midhimatey te ebpemeneuven te Megbevayà dengan wey te Nengazen tew zaan he si Jesus. Ne mid-avug key zan daan. Utew supak is menge ulaula zan te egkesuatan te Megbevayà,

1 Tiselunika 2:15 Кръстосани препратки

Mateo 23:37

Ne zutun netenuzan ni Jesus is menge ulaula te menge meg̵inged te Hiruselim ne ke sikandin te, “Igkeseeng ku sikiyu is menge meg̵inged diyà te Hiruselim su ebpemunuen niw is ebpemeneuven te Megbevayà, ne is menge sulug̵uen te Megbevayà he ibpehendiyan, ebpenulengen niw te vatu he edhimetayan niw. Utew zekelà is suat ku pezem he ed-uyemuwen ku sikiyu; ke và dà manuk, iring a te upa he edlekupan din is menge piyak din, ne kenè kew ebpelekup.

Mateo 27:25

Ne midtavak is langun he menge etew te, “Uya, kenami en he salà is kedhimetayi kayi wey salà daan te menge kevuwazan dey!”

Mateo 5:12

Iyan daan heini kes mid-ulaula te menge etew zengan diyà te menge ebpeneuven te Megbevayà. Medlipey kew utew su utew zekelà is idsuhul keniyu keuzemà diyà te langit.

Lucas 24:20

Is menge punuan he memumuhat wey is menge ebmeg̵urangen tew, ne impalad dan sikandin diyà te ki Pilatu. Ne midhukuman sikandin he edhimetayan. Ne zutun midhimetayan dan pinaag̵i te kedrensanga kandin te krus.

Nengeulaula 12:3

Ne hein netuenan ni Hirudis he utew ingkesuat te menge Hudiyu is kedhimetayi ki Santiago, impezakep din daan si Pedro. (Nehitavù heini hein Pista te Supas he Wazè Din Tapey.)

Nengeulaula 2:23

Ne heini si Jesus, impalad te etew keniyu. Ne zaan he netuenan heini te Megbevayà su iyan imbanglis din ki Jesus. Impehimetayan niw sikandin te menge etew he kenà ed-azap te Megbevayà. Ne inransang dan te krus.

Nengeulaula 3:15

Ne sikan is puunà te untung he wazà pidtemanan, midhimetayan niw, iyan, mibanhew sikandin te Megbevayà. Ebpeketistig̵us key he nevanhew en si Jesus su neehè dey.

Nengeulaula 4:10

ne sikiyu wey is langun he menge zuma ku he kevuwazan ni Israyil, kinahanglan he sevuta niw heini. Su heini is etew he zini te etuvangan niw, neulian sikandin pinaag̵i te g̵ehem te ngazan ni Jesu Kristu he tigNeserit. Heini si Jesus, inransang niw te krus ne minatey, iyan, mibanhew te Megbevayà.

Nengeulaula 5:30

Mibunù niw si Jesus su inransang niw te krus, iyan, is Megbevayà he edsimbahan te menge kepuun tew, mibanhew zin si Jesus.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

1 Kurintu 10:5

Ne minsan pa te zekelà is tavang kandan te Megbevayà, wazà ikesuat te Megbevayà is ulaula te kezekelan kandan, ne tenged kayi nemematey zan dutun te tanà he mezelag ed-uzani he imbayè dan.

2 Kurintu 11:26

Ne zutun te menge kedhipanew ku ne nengeeg̵iyan ku is mezakel he menge kemereg̵enan tenged te kedalem te wahig, wey tenged te menge tulisan, wey tenged te menge kuntada ku he menge zuma ku he Hudiyu wey menge kenà Hudiyu. Mezakel is menge hitavù kediey ziyà te menge inged wey ziyà te wazà meg̵inged wey ziyà te zag̵at wey pinaag̵i te menge tarù he tumutuu.