1 Timoteo 5:6 - Manobo Western Bukidnon

⁶ Iyan, haazà is balu he vahi he iyan dà mulà egkesuatan din is menge kelibutanen he kelipey, minsan ke uuyag pa, iring sikandin te minatey en.

1 Timoteo 5:6 Кръстосани препратки

Mateo 8:22

Ne midtavak dutun si Jesus te, “Kenà, su iyan edleveng te menge minatey sikan is wazà mekezawat te untung he wazè din pidtemanan. Iyan, sikew mula, duma ka kediey.”

Lucas 12:19

Ne zutun, geina te utew meupiya is kebpekesavuk ku he etew, kenà ad maan edterebahu su naazen ku en is minsan hengkey he egkinehenglanen ku taman te pira pa he tuig. Ne tenged kayi ebperenggey e zà is ebpurung egkaan, ed-inum, wey edlipeylipey,’ ke sikandin.

Lucas 15:13

Ne wazà utew meug̵et dutun ne imbelegyè en dutun te hazi is kandin he vahin ne midhipanew is ed-uwit te selapì din. Diyà sikandin medtandang te meziyù he inged ne zutun migastu zin is selapì din te wazà pulus.

Lucas 15:24

Su heini is anak ku, iring te minatey sikandin ne g̵untaan neuyag̵an. Netazin sikandin ne g̵untaan neturedu en.’ Ne zutun nebibu zan.

Lucas 15:32

Ne kenè ta egkeeg̵en is kelipey ta, su heini is hazi nu, ne iring sikandin te minatey, ne g̵untaan neuyag̵an en. Netazin sikandin, ne g̵untaan neturedu en.’ ”

Lucas 16:19

Ne mid-uman megkag̵i si Jesus te, “Duen sevaha he etew he sepian utew. Ne haazà is sepian, utew menge mahal he manggad is idsun-ud din. Ne kada andew ne iyan dà ibpekaan kandin is utew mahal wey metaam he egkeenen.

Lucas 7:25

Midhilesung niw ve is etew he utew meupiya is bisti zin? Kenà daan, su is menge etew he memeupiya is bisti wey utew meupiya is kebpekesavuk, ne ziyè dà egkeahà te turug̵an te hadì.

Ipisu 2:1

Dengan, henduen kew te minatey su wazè niw pa untung he wazà pidtemanan tenged te kenè kew pa zutun ebpemineg te menge sug̵ù te Megbevayà wey tenged te menge mezaat he ulaula niw.

Ipisu 2:5

Ne minsan pa te iring kiw te minatey tenged te kenè tew kebpemineg te menge sug̵ù din, dutun te kebenhawa zin ki Kristu, inragkes kiw zin daan su wey tew maangken is untung he wazà pidtemanan. Midlibri kiw zin te silut tenged dà te g̵ag̵ew zin kenitew.

Ipisu 5:14

Ne mehitenged kayi zuen erubasa he edhenduen te, “Sikew is edlipezeng, gimerat kad; sikew is minatey, ne mevanhew kad ne egketeyawan ka ni Jesu Kristu.”

Kulusas 2:13

Ne sikiyu, wazè niw pa zengan untung he wazè din pidtemanan tenged te memezaat is menge ulaula niw te kenà menge Hudiyu wey tenged te midtuman niw is memezaat he kebayà te lawa niw. Ne minsan pa zutun, mibeg̵ayan kew te Megbevayà te untung he wazè din pidtemanan ne nevanhew kew en duma ki Kristu. Mibpesaylu kiw te Megbevayà te langun he menge salè tew.

2 Timoteo 3:6

Iyan duma zutun is menge maama he edseled te menge valey wey zan mepenurù wey meveyveyai is menge vahi he wazà menge pulus. Is menge vahi he iring kayi, egkehandek dan tenged te mezakel he neveelan dan he salà, iyan, mezakel zaan is menge mezaat he egkesuatan dan.

Santiago 5:5

Dini te kelibutan utew meupiya is kebpekesavuk niw ne edlipey kew layun, iyan, iring kew g̵untaan te nati he ibpelambù he edlepaan su kunaan niw ke kenè kew egkesaut te andew te kedsilut.

Impezayag 18:7

Utew subra is kebpurungi zin te kebpekesavuk din ne g̵untaan iyan bales kandin is kegkeseeng wey is merasey he kebpekesavuk. Su kenà sikandin ed-engked he ebpegalbu, ke sikandin diyà te isip din te, ‘Bai a ne kenà a valu. Kenà egkehimu he egkeumahan a te kemereg̵enan.’

Impezayag 3:1

Ne ke sikandin maan te, “Pesurati nu is belinsug̵uen he impevantey te Megbevayà diyà te menge tumutuu he ziyà te inged he Sardis. Ke sikew te, ‘Iyan a si Jesu Kristu is egkag̵i; iyan a ebayàbayà te Wagas he Mulin-ulin he pitu is gehem din. Ne iyan a zaan egawed te pitu he vituen. Netuenan ku is menge ulaula niw. Mezakel is egkag̵i he zuen niw en untung he wazà pidtemanan, iyan, kenè kew en edsunud kediey.