1 Timoteo 5:22 - Manobo Western Bukidnon

²² Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

1 Timoteo 5:22 Кръстосани препратки

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 18:6

Ne hein wazè dan dewata su edsumpalit sikandan kandin, inhuyab din is kumbalè din he tuus te mid-engkezan din en sikandan. Ke sikandin te, “Kenè en kediey he salà ke edsilutan kew te Megbevayà. Ne g̵untaan diyè ku en ibpesavut is Lalag te Megbevayà te kenà menge Hudiyu.”

Nengeulaula 20:26

Ne egkeg̵iyen ku keniyu he ke zuen minsan sevaha keniyu he kenà egkelibri te silut te Megbevayà, wazè ku salà kandin

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Ipisu 5:11

Is menge etew he kemulu pa ziyà te kerusireman, kenè kew medtampu kandan te ed-ulaula te menge vaal he wazè din pulus, kekenà, ipeehè niw he mezaat is menge vaal zan.

1 Timoteo 3:10

Ke zuen etew he ebpilien niw he diyekunu, kinahanglan he edsusiyen pa is menge ulaula zin. Ne emun wazà netuenan he mezaat he ulaula zin, egkehimu he ebpilien sikandin he diyekunu.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 3:6

Ne kinahanglan daan he kenà sikandin beg̵u pa he tumutuu, su kela ke mehimu he mepelevawen ne egkesilutan te Megbevayà iring te midsilutan si Setanas.

1 Timoteo 4:12

Minsan pa te menguhed ke pa, kinahanglan he mezait ka he edtehuzen te minsan hentei; kinahanglan he iyan ka ed-iringan te menge tumutuu ki Kristu, ne tenged kayi kinahanglan he tegteg̵ami nu is kegkag̵ikag̵i nu, is ulaula nu, is kebmahala nu te langun, is kedsarig nu te Megbevayà, wey is kedlikayi nu te meremerik he ulaula.

1 Timoteo 4:14

Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.

2 Timoteo 2:2

Nezineg nu is kebpenurua ku te tutuu he tuluuwen diyà te mezakel he menge tumutuu; ne kinahanglan he ipenurù nu zaan heini diyà te menge etew he egkeserig̵an nu su wey mekepenurù dan daan te zuma.

Hibriyuhanen 6:2

Kenè tew ed-ul-ulitan is ked-istudyu te kebpemewtismu, wey is kedewata te Wag̵as he Mulin-ulin, is kegkevenhawa kenita keuzemà, wey is kedsusiya te Megbevayà keuzemà te tivuuk he menusiyà,

2 Juan 1:11

Su minsan ke igalewg̵alew niw zà sikandin, egketevangan niw sikandin dutun te ulaula zin he mezaat.

Impezayag 18:4

Ne zutun nezineg ku is selakew pa he egkag̵i ziyà te langit, ke sikandin te, “Sikiyu is menge g̵aked ku he etew, awè kew en keniyan te inged! Kenè kew medtampu te menge ulaula he mezaat keniyan te vahi su kela ke mekeragkes kew te menge silut ku kandin.