1 Timoteo 5:2 - Manobo Western Bukidnon

² Is menge vahi he meg̵urang en, sembag̵i nu zaan he iring te iney nu en wey is menge menguhed he vahi, sembag̵i nu sikandan he iring te menge etevey nu en. Ne kinahanglan he utew hustu is ked-isipa nu kayi ziyà te kandan.

1 Timoteo 5:2 Кръстосани препратки

Mateo 12:50

Su is minsan hentei he edtuman te egkesuatan te Amey tew he ziyà te langit, iyan daan iney ku, menge suled ku he maama, wey suled ku he vahi.”

Pilipus 4:8

Ketepusan heini, menge suled, he menge lalag ku keniyu. Iyan niw itag̵ù diyà te isip niw is meupiya, is dait he igkezelig̵i, is tutuu he tuluuwen, is metazeng wey hustu wey mekempet he ulaula, wey is minsan hengkey he igkehimu te minsan hentei he egketahud.

1 Tiselunika 5:22

Likayi niw is minsan hengkey he mezaat.

1 Timoteo 4:12

Minsan pa te menguhed ke pa, kinahanglan he mezait ka he edtehuzen te minsan hentei; kinahanglan he iyan ka ed-iringan te menge tumutuu ki Kristu, ne tenged kayi kinahanglan he tegteg̵ami nu is kegkag̵ikag̵i nu, is ulaula nu, is kebmahala nu te langun, is kedsarig nu te Megbevayà, wey is kedlikayi nu te meremerik he ulaula.

1 Timoteo 5:1

Kenè nu bensag̵i is meg̵urang, kekenà, sembag̵i nu he iring te amey nu en. Sembag̵i nu zaan is menge menguhed he maama he iring te menge suled nu en.

1 Timoteo 5:3

Purungi niw is menge valu he vahi he wazè dan egkeserig̵an te keuyag̵an dan.

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.