1 Timoteo 5:14 - Manobo Western Bukidnon

¹⁴ Ne tenged kayi egkesuatan ku he mebpeuman mebpeesawa is menge menguhed he valu he vahi su wey mekeanak sikandan ne med-elima te pemilya zan. Ne zutun wazà igkesewayi kandan te menge kuntada tew.

1 Timoteo 5:14 Кръстосани препратки

Ruma 14:13

Ne tenged dutun, menge suled, ed-engkezan te en is kedsawey ta te menge ulaula te menge zuma ta he tumutuu. Su kinahanglan he ed-ahaan ta is kenita he menge ulaula su wey wazà minsan hengkey he ulaula ta he ibpekesalà te menge zuma ta.

2 Kurintu 11:12

Kenè ku edlekaan heini is lalag ku he kenè ku kebuyù diyan su wey haazà is menge uvag kun lavew he epustul ni Kristu, kenè dan mekekag̵i he iring te kenami is menge paag̵i zan te kebaal.

1 Timoteo 2:8

Ne tenged kayi, is menge maama ziyà te langun he menge inged he meheg̵et is ked-engkezi zan te mezaat he ulaula, egkesuatan ku he med-ampù dan diyà te Megbevayà. Kinahanglan he wazà pauk dan te menge zuma zan wey wazè dan keduwazuwa.

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.

1 Timoteo 5:11

Kenè niw ilista is menge menguhed he menge valu he vahi su zuen timpu he pinaag̵i te suat te lawa zan, egkesuat dan pa he ebpeesawa ebpeuman.

1 Timoteo 6:1

Is menge sulug̵uen he tumutuu, kinahanglan he isipa zan is menge egalen dan he zait he edtehuzen dan te minsan keenu he timpu. Su pinaag̵i kayi wazà ebpekezezaat te zengeg te Megbevayà wey wazà ebpekesudì te kebpenurù dey.

Tito 2:5

ne wey zan daan ikepenurù kandan is ked-isip te hustu, is kedlikayi te meremerik he ulaula, wey is kebpurungi zan te menge vaal zan. Kinahanglan he ebpemineg̵en dan is sug̵ù te esawa zan. Ne emun iring dutun is menge ulaula te menge vahi wazà minsan hentei he ebpekekag̵i he mezaat is ibpenurù ta zutun te Lalag te Megbevayà.

Tito 2:8

Is minsan hengkey he ibpenurù nu, ne kinahanglan he zutun ebpuun te hustu he tuluuwen su wey kenà egkekag̵i he sayep ne zutun wazà igkesudii kenita te menge kuntada ta, kekenà, egkeeled dan.

Hibriyuhanen 13:4

Kinahanglan he tehuza niw te langun is ked-es-esawa niw. Kinahanglan he wazà minsan hentei he edselselaan din is esawa zin. Edsilutan te Megbevayà is etew he meremerik is ulaula zin wey is etew he edselselaan din is esawa zin.