1 Timoteo 4:7 - Manobo Western Bukidnon

⁷ Iyan, likayi nu is menge penurù he menge tarù he g̵ug̵ud he kenà dait te Megbevayà. Purungi nu tumana is egkesuatan te Megbevayà.

1 Timoteo 4:7 Кръстосани препратки

Nengeulaula 24:16

Ne edhemenan ku is menge meupiya he menge vaal su wey wazà igkesewayi kedì te minsan hentei he etew lavew en is Megbevayà.

1 Timoteo 1:4

wey med-engked dan te ked-istudyu te menge sayep he menge g̵ug̵ud, wey te menge melug̵ayad he g̵ug̵ud te kepuun te menge etew. Su emun iyan heini ed-istudyuwan dan ebpekidlewanè dan dà ke hengkey is hustu. Kenà egkehimu he pinaag̵i kayi egketuenan ta is ibpesavut te Megbevayà pinaag̵i te kedtuu.

1 Timoteo 1:9

Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,

1 Timoteo 2:10

kekenà, kinahanglan he iyan idelig̵a kandan is menge meupiya he ulaula. Iyan heini zait he ed-ul-ulahan te vahi he egkag̵i he ed-azap sikandin te Megbevayà.

1 Timoteo 3:16

Ne netuenan tew te langun he lavew pa te langun is imbugnà he tuluuwen he midtuuwan tew. Mibpeetew si Kristu; midtistig̵usan te Wag̵as he Mulin-ulin he metazeng sikandin; naahà sikandin te menge velinsug̵uen te Megbevayà; insangyew sikandin diyà te menge etew he kenà menge Hudiyu; duen menge tumutuu kandin dini te tivuuk he kelibutan; midtulus sikandin pehendiyà te langit.

1 Timoteo 4:8

Duen deisek he pulus te kedlumbaza te lawa, iyan, utew zekelà is pulus te kedlumbaza te kedtuu ta su iyan ibmeupiya te kebpekesavuk tew minsan guntaan wey lavew en keuzemà ke ziyà ki en te langit.

1 Timoteo 6:11

Ne sikew mulà, sulug̵uen ka te Megbevayà; likayi nu is langun he iring kayi he menge ulaula. Hemeni nu is metazeng he ulaula, is kedtumana te egkesuatan te Megbevayà, is kedsarig kandin, is kegkeg̵eg̵awi nu te menge zuma nu, is kebmeinentusen te menge supak dan, wey is kelinew te ulaula nu.

1 Timoteo 6:20

Sikew Timoteo, purungi nu tumana is tuluuwen he insarig kenikew. Likayi nu is menge etew he supak te Megbevayà is kegkag̵ikag̵i zan. Likayi nu zaan is kunaan te zuma ke tutuu en he ketau.

1 Timoteo 6:3

Ke zuen ebpenurù te selakew he tuluuwen ne kenè din edewaten is hustu he kebpenurù te Nengazen tew he si Kristu wey is tuluuwen mehitenged te kedtumana tew te egkesuatan te Megbevayà,

1 Timoteo 6:5

wey is kebpekidsemukà. Ulaula heini te menge etew he nelalung en is isip dan wey kenè dan en edewaten is tutuu he tuluuwen. Kunaan dan ke petig̵ayun is kebpesakup te Megbevayà.

2 Timoteo 2:16

Likayi nu is winalì he kebpenurù he kenà egkesuatan te Megbevayà, su pinaag̵i zutun ed-iseg is kenà kedtahud kandin te menge etew.

2 Timoteo 2:23

Iyan, kenè ka penlavetlavet dutun te menge winalì wey pinaglung he ed-istudyuwan. Netuenan nu en he iyan haazà puunà te kebpekid-eg̵et.

2 Timoteo 3:12

Ne is langun he tumutuu ki Jesu Kristu he egkesuatan dan he pinaag̵i kandin metuman dan is egkesuatan te Megbevayà, edresayen sikandan te menge kuntada te Megbevayà.

2 Timoteo 3:5

Uvag sikandan ed-azap te Megbevayà, iyan, kenè dan edtuu he zuen gehem din. Likayi nu is menge etew he iring dutun.

2 Timoteo 4:4

Kenè dan ebpemineg̵en is tutuu, kekenà, iyan dan edtuuwan is menge tarù he g̵ug̵ud.

Tito 1:14

ne wey zan meengkezi is kedtuu zan te menge tetezemen te menge Hudiyu wey te menge kelibutanen dà he sug̵ù he mibeelan te menge etew he edsumpalit te tutuu he tuluuwen.

Tito 2:12

Ne pinaag̵i zutun te g̵ag̵ew egkesavut ta he kinahanglan he meengkezi ta is menge ulaula he kenà igkesuat te Megbevayà wey is kedtumana ta te menge suat te lawa ta zini te kelibutan. Kinahanglan he ed-eg̵enen ta is menge kebayà ta he mezaat. Kinahanglan daan he metazeng wey igkesuat te Megbevayà is menge ulaula ta te zini ki pa ed-ubpà te kelibutan.

Tito 3:9

Iyan, likayi nu is winalì he kebpekidlewanà te menge etew. Likayi nu zaan is ked-istudyu te menge g̵ug̵ud te menge ngazan te menge kepuun te etew he iyan baal zan. Ne elin nu zaan likayi is kebpekid-eg̵et dan mehitenged te kedtumana te kesug̵uan he imbilinbilin ni Moises. Wazà pulus te langun kayi su ebpekezezaat.

Hibriyuhanen 5:14

Ne emun meg̵urang ki en ne egkesepè te en is mehunit he egkeenen, he ke và dà egkeg̵iya, mezalem en is igkepenurù kenita ne metau ki en he ed-isip-isip, ne egketuusan te en ke hengkey is meupiya wey ke hengkey is mezaat he ibayà.