1 Timoteo 4:4 - Manobo Western Bukidnon

⁴ Meupiya is minsan hengkey he egkeenen he midlimbag te Megbevayà ne kinahanglan he kenè tew egkeg̵iyen he mezaat is minsan hengkey, kekenà, edewaten tew wey ebpeselematan tew.

1 Timoteo 4:4 Кръстосани препратки

Nengeulaula 10:15

Ne mid-umanan keg̵iyi sikandin te, “Is migkag̵i te Megbevayà he meupiya, kenè nu keg̵iya he meremerik.”

Nengeulaula 15:29

Ne iyan is: kenè niw keena is impemuhat diyà te kenà tutuu he Megbevayà. Kenè niw keena is lengesa, ne kenè niw zaan keena is edlepaan he kenà ebpekelelengesa; kenè niw hileveti is kenè niw esawa. Emun edtumanen niw heini, meupiya en. Iyan dà heini lalag dey.”

Nengeulaula 21:25

Ne is menge kenà Hudiyu mulà he nemeketuu, migkag̵i zey en dengan kandan pinaag̵i te surat is menge idsug̵ù dey kandan he kinahanglan he kenè dan megkaan te impemuhat diyà te kenà hustu he megbevayà wey kenè dan daan keena is lengesa wey is edlepaan he kenà ebpekelelengesa. Ne kinahanglan daan he kenè dan hileveti is kenè dan esawa.”

Ruma 14:14

Tenged te kebpekidsevaha ku te Nengazen tew he si Jesus, impesavut kedì he wazà minsan hengkey he egkeenen he idawey te Megbevayà. Iyan, ke zuen etew he edtuuwan din he indawey te Megbevayà is sevaha he egkeenen ne kenà meupiya ke egkeenen din.

Ruma 14:20

Ne kenè niw zèdeeti is ed-ul-ulahan te Megbevayà pinaag̵i te kegkaan niw te egkeenen he kunaan te zuma ke indawey kenita. Egkehimu ke egkaan ki te minsan hengkey he egkeenen, iyan, emun iyan ibpekesalà te zuma is kegkaan ta ne kenà haazà meupiya.

Ruma 14:6

Su is etew he egkeisip din he utew mahal is sevaha he andew, ne umba egkeisip din is iring dutun su wey mesuat is Megbevayà. Ne iring din ded daan is etew he egkaan te minsan hengkey, umba egkeenen din su egkeisip din he iyan haazà egkesuatan te Megbevayà ne egkepeselematan din haazà te Megbevayà. Ne is etew he menge lumbey zà is idsezè din, ne umba iyan dà haazà idsezè din su egkeisip din he iyan haazà egkesuatan te Megbevayà ne egkepeselematan din daan haazà te Megbevayà.

1 Kurintu 10:23

Egkehimu, kun, he ed-ul-ulahan tew is minsan hengkey he meupiya. Ne venar iyan heeyan. Iyan, bahin kediey, iyan egkekag̵i ku is: mezakel is kenà meupiya he ed-ul-ulahan su kenà ebpeketavang. Minsan pa te egkehimu he ed-ul-ulahan tew is minsan hengkey, mezakel is ed-ul-ulahan he kenà ebpekeheg̵et te kedtuu te menge zuma tew.

1 Kurintu 10:25

Na. Egkehimu he egkeenen ta is minsan hengkey he usa he imbelegyà diyà te mirkadu, iyan, kenè ta id-insà ke impemuhat be wey ke wazà su wey wazà ibmesakit te g̵ehinawa ta ke egkeenen ta.

1 Kurintu 10:26

Umba egkeg̵iyen ku heini su zuen insurat he Lalag te Megbevayà he edhenduen te, “Is tivuuk he kelibutan wey is langun he tag̵ù din, ne azen te Megbevayà.”

1 Kurintu 10:30

Penenglitan,” ke sikandin, “ke ebpeselematan ku te Megbevayà is egkeenen ku, maan is egkeg̵iyen te zuma he mezaat he ulaula is kegkeena ku te mibpeselematan ku?”

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.