1 Timoteo 4:14 - Manobo Western Bukidnon

¹⁴ Kenè nu lipati haazà is ketau he imbeg̵ey zengan kenikew te Megbevayà pinaag̵i te kebpenuvadtuvad te ebpeneuven wey pinaag̵i te kedempaa kenikew te menge ebmeg̵urangen.

1 Timoteo 4:14 Кръстосани препратки

Nengeulaula 11:30

Ne mid-ulaula zan heini ne midsug̵ù dan si Bernabe wey si Seulu he iyan ibpahated te selapì diyà te menge ebmeg̵urangen te menge tumutuu ziyà te Hiruselim.

Nengeulaula 13:3

Ne mid-uman dan medsalang te egkaan ne mid-ampù dan diyà te Megbevayà, ne zutun indepenet dan is belad dan ki Bernabe wey ki Seulu ne impeg̵enat dan sikandan.

Nengeulaula 19:6

Ne zutun mibpendepenetan ni Pablo te velad din is menge purù dan, ne mid-ulinan sikandan te Wag̵as he Mulin-ulin ne netekewtekew zan mekekag̵i te menge kineg̵iyan he kenè dan egkesavut. Ne midtudtul zan is impesavut kandan te Megbevayà.

Nengeulaula 22:5

Is lavew he memumuhat wey is langun he ebmeg̵urangen tew, ebpeketistig̵us dan he tutuu heini is egkeg̵iyen ku keniyu su mibeg̵ayan e zan te menge surat he impeuwit dan kedì diyà te menge zuma zan he Hudiyu ziyà te inged he Demasku. Umba edhendiyà a su wey ku mezakep dutun is menge tumutuu ki Jesus su ed-uwiten ku sikandan dini te Hiruselim wey mesiluti sikandan.

Nengeulaula 6:6

Ne impeetuvang dan diyà te menge epustul haazà is nengepilì dan ne in-ampù sikandan te menge epustul ne midepenetan sikandan dutun te menge epustul su iyan haazà paag̵i te kebeg̵ayi kandan te keg̵ehem.

Nengeulaula 8:17

Ne midepenetan sikandan ni Pedro wey ni Juan ne puun dutun mid-ulinan sikandan te Wag̵as he Mulin-ulin.

1 Tiselunika 5:19

Kenè niw verawa is menge sug̵ù keniyu te Wag̵as he Mulin-ulin.

1 Timoteo 1:18

Ne sikew, Timoteo he anak ku, edteleenan ku sikew he ipenurù nu te menge etew heini is migkag̵i ku. Sungkad heini te netagnà dengan mehitenged kenikew. Ne idtelaan ku zaan he sumalà haazà is netagnà, pekezesen ka te kedsundaru nu tenged ki Jesu Kristu.

1 Timoteo 4:15

Hemeni nu wey purungi nu is kedtumana nu kayi te langun su wey metueni te langun is layun ked-iseg te kebpeketuman nu te egkesuatan te Megbevayà.

1 Timoteo 5:17

Is menge ebmeg̵urangen he meupiya is ked-uwita zan te menge tumutuu, kinahanglan he isipa niw sikandan he zait he edtekepen is suhul kandan, lavew en sikandan is dekelà is baal zan te kedwali wey kebpenurù.

1 Timoteo 5:19

Kenè niw pemineg̵a is edsumbung te ebmeg̵urangen te menge tumutuu ke wazà dezuwa wey ke tetelu ve he ebpeketistig̵us te idsumbung.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

1 Timoteo 6:12

Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.

2 Timoteo 1:6

Ne tenged dutun kenè nu lipati he kinahanglan he g̵emita nu is ketau nu he imbeg̵ey zengan kenikew te Megbevayà dutun te kedlilai ku kenikew pinaag̵i te kedempaa ku te purù nu.