1 Timoteo 3:4 - Manobo Western Bukidnon

⁴ Kinahanglan he meupiya is ked-uwita zin te esawa zin wey menge anak din. Kinahanglan he menge mepeveyveyaan wey metinehuzan layun is menge anak din kandin.

1 Timoteo 3:4 Кръстосани препратки

Nengeulaula 10:2

Heini si Cornelio, ne metinumanen te sug̵ù te Megbevayà. Sikandin wey is tivuuk he pemilya zin, minsan kenè dan menge Hudiyu, ed-azap dan te Megbevayà. Dekelà is tavang din te menge egkengeayuayu he menge Hudiyu wey layun sikandin ed-ampù diyà te Megbevayà.

Ipisu 5:24

Ne iring din ded daan kinahanglan he mebpesakup mebpurung is bahi te esawa zin iring te ebpesakup kiw ki Kristu is menge tumutuu zin.

Pilipus 4:8

Ketepusan heini, menge suled, he menge lalag ku keniyu. Iyan niw itag̵ù diyà te isip niw is meupiya, is dait he igkezelig̵i, is tutuu he tuluuwen, is metazeng wey hustu wey mekempet he ulaula, wey is minsan hengkey he igkehimu te minsan hentei he egketahud.

1 Timoteo 3:12

Is diyekunu, ne kinahanglan he sevaha zà is esawa zin ne kenè din selselai. Kinahanglan daan he meupiya is ked-uwita zin te esawa zin wey menge anak din

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Tito 2:2

Is menge meg̵urang en he maama, ne iyan ipenurù nu kandan is: kinahanglan he metau sikandan he ed-eg̵en te menge suat te lawa zan; kinahanglan he zait sikandan he edtehuzen tenged te menge ulaula zan he meupiya; kinahanglan he metau zan he ed-isip te hustu. Meheg̵et is kedtuu zan te Megbevayà, ebmahalen dan diyà te g̵ehinawa zan is menge zuma zan, wey meinentusen sikandan.

Tito 2:7

Sikew zaan, kinahanglan he layun meupiya is kenikew he ulaula su wey iyan ka meiringi te menge zuma nu. Ne emun ebpenurù ka, kinahanglan he hustu is tuyù nu wey sungkad te Lalag te Megbevayà is paag̵i nu te kebpenurù.