1 Timoteo 3:2 - Manobo Western Bukidnon

² Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

1 Timoteo 3:2 Кръстосани препратки

Lucas 1:6

Si Zacarias wey haazà is esawa zin, metazeng sikandan he etew su wazà igkesawey zutun te kebpurungi zan te edtuman te langun he menge tulumanen wey menge sug̵ù te Megbevayà.

Lucas 2:36

Ne zutun te simbahan he Valey te Megbevayà duen meritan he egngezanan ki Ana he ebpeneuven te Megbevayà. Anak sikandin ni Penuwil he kevuwazan ni Asir. Meg̵urang en utew haazà is bahi. Hein menguhed pa sikandin, neesawa, iyan, seled te menge pitu zà he tuig te kegkeesawa zin, ne nevalu sikandin.

Ruma 12:13

Ebeg̵ayan tew te tavang is menge suled tew he egkengeayuayu. Ne ibpepemenahik ta ziyà te valey ta is etew he humuhulevungà.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

1 Timoteo 3:12

Is diyekunu, ne kinahanglan he sevaha zà is esawa zin ne kenè din selselai. Kinahanglan daan he meupiya is ked-uwita zin te esawa zin wey menge anak din

1 Timoteo 3:8

Ne iring din ded daan is menge diyekunu, he ke và dà egkeg̵iya, menge edtavang te menge tumutuu; kinahanglan he meupiya is menge ulaula zan. Kinahanglan he telehuzen sikandan; metinumanen sikandan te menge lalag dan. Kenè dan lelenguten, ne kenè dan mebmanggad pinaag̵i te limbung.

1 Timoteo 4:3

Ibpenurù dan he indawey te Megbevayà is kebpengesawa ne egkeg̵iyen dan he zuen menge egkeenen he indawey zaan. Iyan, heini is menge egkeenen, midlimbag te Megbevayà he egkeenen tew te menge tumutuu he nekesavut te tutuu he tuluuwen. Ne kinahanglan he ebpeselematan tew te Megbevayà emun egkeenen tew.

1 Timoteo 5:10

Ne kinahanglan daan he nevantug sikandin tenged te menge vaal zin he meupiya iring te ked-elimahi te menge vatà, ked-elimahi te menge meg̵eliyug; nekelùlù sikandin te paa te menge tumutuu, midtavang sikandin te nengeseeng wey mibeelan din is minsan hengkey he menge meupiya.

1 Timoteo 5:22

Kinahanglan he kenè nu zegdeg̵usuwi is kebpilì nu te ed-uwit te menge tumutuu su ke ebpekesalà sikandin iyan ka egkevesulan. Ne kinahanglan he wazà igkevesuli kenikew he iring kayi.

1 Timoteo 5:9

Kenè niw ilista is balu he vahi he minus pa te keneman is penuig̵an din. Kinahanglan he wazè din selselai is esawa zin.

2 Timoteo 2:24

Ne netuenan nu zaan he kinahanglan he kenà mebpekid-eg̵et is sulug̵uen te Nengazen, kekenà, purungi zin layun is minsan hentei he etew. Kinahanglan he metau he ebpenurù ne mepelevayen daan sikandin.

Tito 2:2

Is menge meg̵urang en he maama, ne iyan ipenurù nu kandan is: kinahanglan he metau sikandan he ed-eg̵en te menge suat te lawa zan; kinahanglan he zait sikandan he edtehuzen tenged te menge ulaula zan he meupiya; kinahanglan he metau zan he ed-isip te hustu. Meheg̵et is kedtuu zan te Megbevayà, ebmahalen dan diyà te g̵ehinawa zan is menge zuma zan, wey meinentusen sikandan.

Hibriyuhanen 13:2

Kenè niw lipati he kinahanglan he ibpeehè niw is gag̵ew niw ziyà te menge etew he kenè niw kilala. Gelg̵elawa niw ziyà te valey niw su zuen dengan menge etew he zuen menge meg̵eliyug dan, iyan, wazè dan metueni he menge velinsug̵uen bes haazà te Megbevayà he ebpuun diyà te langit.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

1 Pedro 4:9

Kinahanglan he utew kew metulanged is ebpepemenahik te menge humehulevungà diyan te valey niw.

1 Pedro 5:8

Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.