1 Timoteo 3:14 - Manobo Western Bukidnon

¹⁴ Kayi te kedsurat ku, ebperetengen ku he meg̵aan e en ebpekepenumbaley ziyan te kenikew.

1 Timoteo 3:14 Кръстосани препратки

1 Kurintu 11:34

Ne ke zuen egkevitil, kinahanglan he ziyà sikandin mebpekehantey te valey zin su wey kenè kew mesiluti te Nengazen ke egkesupak niw is intelaan din mehitenged dutun te kedtig̵um niw. Ne zuen pa zuma he selembag̵an ku keniyu, ne wey ku en heini edseysaya ke ebpekeuma a ziyan.

1 Tiselunika 2:18

Ne tenged kayi layun dey egkeisip he edlikù key pezem diyan te Tiselunika. Siak si Pablo, layun ku egkeisip is iring dutun, iyan, mibangen key ni Setanas, umba wazè key mekelaus.

1 Timoteo 3:13

su is diyekunu he meupiya is menge vaal zin te kedtavang din te menge tumutuu, telehuzen sikandin utew te menge etew ne egkehimu he kenè din igkehandek is kebpenurù din mehitenged te kedtuu zin ki Jesu Kristu.

1 Timoteo 3:15

Umba ebpesuratan ku sikew su kela ke mesanggen a. Ne emun egkesanggen a egketuenan nu g̵ihapun ke hengkey is hustu he ed-ul-ulahan he zait tew te menge anak te Megbevayà. Iyan kiw iglisya, he ke và dà egkeg̵iya, menge tumutuu te wazè din kemetayen he Megbevayà. Iyan kiw kes menge tukud wey vangel he zutun mekesavuk is tutuu he tuluuwen.

1 Timoteo 4:13

Taman te kenè e pa ebpekeuma ziyan, iyan beeli nu is: besaha nu is Lalag te Megbevayà diyà te menge etew. Sembag̵i nu wey penurua nu sikandan.

Pilimun 1:22

Ne zuen pa idhangyù ku he iyan is: endami a zaan te edhizeg̵aan ku ziyan, su zekelà is kedsarig ku he pinaag̵i te ked-ampù niw, idtug̵ut te Megbevayà he mekehendiyan a te keniyu.

Hibriyuhanen 13:23

Iyan daan tudtul ku keniyu is: impeg̵awas en te pirisuwan is suled tew he si Timoteo. Emun petuluy ebpekeuma sikandin dini edumahan ku ke ebpekehendiyan a.

2 Juan 1:12

Mezakel pezem is egkeg̵iyen ku keniyu, iyan, kenè ku egkesuatan te edsurat. Egkesuatan ku he ebpenumbaley a ziyan wey kiw mekedlelalag ne wey meheg̵et is kelipey tew.

3 Juan 1:14

Egkesuatan ku he kenè en utew egkeug̵et edhendiyan a ne human ki ebpekedlalag.