1 Timoteo 2:6 - Manobo Western Bukidnon

⁶ Imbelavag din is untung din ne mibpehimatey su wey zin mevelukasi is langun he menge etew. Ne pinaag̵i kayi, dutun te hustu he timpu, impeehè din he egkesuatan te Megbevayà he melibri te silut is tivuuk he menusiyà.

1 Timoteo 2:6 Кръстосани препратки

Mateo 20:28

Su iring te siak, is Kakey te Menusiyà, kenà iyan inhendini ku te kelibutan is wey a metevangi te menge etew, kekenà, wey a meketavang ne wey a zaan mekepehimatey wey ku mevelukasi is mezakel he menge etew.”

Marcos 1:15

Ne ke sikandin te, “Iyan en heini timpu he egketuman sikan is nengetagnà dengan su meg̵aan en edhadì keniyu is Megbevayà. Iniyug̵i niw en is memezaat he ulaula ne tuu kew te Meupiya he Tudtulanen.”

Marcos 10:45

Su siak is Kakey te Menusiyà, kenè ku iyan inhendini te kelibutan is wey a metevangi te menusiyà, kekenà, wey a meketavang te menusiyà ne wey a zaan mebpehimatey su wey ku mevelukasi is mezakel he menge etew.”

Juan 6:51

Iyan a egkeenen he ebpuun te langit wey ebpekeveg̵ey te untung; ne ke zuen egkaan kediey kenè en ebpatey is gimukud din. Is egkeenen he ibeg̵ey ku, iyan is lawa ku. Ibeg̵ey ku heini su wey maangken te tivuk he menusiyà is untung he wazà pidtemanan,” ke si Jesus.

Ruma 16:26

Ne haazà is tuluuwen he in-eles dengan, impezayag en te Megbevayà pinaag̵i te menge surat dengan te menge ebpeneuven din. Ne g̵eina te iyan sug̵ù te wazè din kemetayen he Megbevayà, idsangyew en heini is tuluuwen diyà te menge etew ziyà te minsan hendei su wey meketuu is langun ne ebpeketuman te menge sug̵ù din.

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

1 Kurintu 1:6

Ne utew en midmezesen is kedtuu niw te impesavut dey keniyu mehitenged ki Kristu.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

Gelasya 1:4

Si Kristu, imbelavag din is untung din su wey mepalis is menge salè tew su wey kiw melibri, ne kenè tew meiringi is menge etew he ed-ulaula te mezaat te g̵untaan he timpu kayi te kelibutan. Umba mibeelan heini ni Kristu su edtumanen din is egkesuatan te Amey tew he Megbevayà.

Gelasya 4:4

Ne hein netuman en is hustu he timpu he netagnà dengan, is Megbevayà, midsug̵ù din dini te kelibutan is Anak din. Ne heini is Anak din, nehimu he etew pinaag̵i te ked-enaka kandin te vahi. Ne pinaag̵i kayi nehimu zaan sikandin he nezizalem te kesug̵uan he imbilinbilin ni Moises,

Ipisu 1:17

Is Megbevayà te Nengazen tew he si Jesu Kristu he iyan daan Amey tew he zait he ebentug̵en, edhengyuan ku layun sikandin he pinaag̵i te Wag̵as he Mulin-ulin, ne iveg̵ey zin keniyu is ketau wey ipeg̵awag̵awa zin keniyu is kegketueni niw te menge ulaula zin.

Ipisu 1:7

Su tenged te utew zekelà is gag̵ew zin kenitew, midlibri kiw zin te silut pinaag̵i te kedtig̵is te lengesa zutun te kebpehimatey ni Kristu, ne mibpesaylu zin is menge salè tew.

Ipisu 3:5

Dengan wazà heini ipezayag diyà te minsan hentei he menusiyà, iyan, guntaan, pinaag̵i te Wag̵as he Mulin-ulin, impezayag en te Megbevayà diyà te menge epustul wey ebpemeneuven din.

Ipisu 5:2

Kinahanglan he ipeehè niw layun he mahal ziyà te g̵ehinawa niw is menge zuma niw iring te mahal kiw ziyà te g̵ehinawa ni Kristu. Mibpehimatey sikandin he elili kenitew wey kiw zin melibri. Nehimu heini he pemuhat he utew mehemut, he ke và dà egkeg̵iya, utew egkesuati te Megbevayà.

2 Tiselunika 1:10

Egkehitavù heini keuzemà dutun te andew te kedlikù din. Iyan idlikù din dini te kelibutan su wey mezalig sikandin te menge etew he mibpesakup kandin. Dutun, ne ebentug̵en sikandin te langun he menge tumutuu kandin wey sikiyu zaan su neketuu kew te impesavut dey keniyu.

1 Timoteo 6:15

Ibpelikù si Jesus te Megbevayà ke egketuman en is hustu he timpu. Iyan dà ebayàbayà te langun is Megbevayà. Iyan sikandin kes meupiya is kebpekesavuk din. Iyan sikandin ebayàbayà te minsan hentei he hadì wey zatù.

2 Timoteo 1:8

Ne tenged dutun kenè nu ikeeled is kebpenurù nu mehitenged te Nengazen tew ne kenà a zaan kenikew ikeeled is gaked din wey nepirisu tenged te kedsengyawa kandin, kekenà, pinaag̵i te g̵ehem te Megbevayà he idtavang kenikew, ambit ka zaan kayi te ked-entusa ku te kemeresayan tenged te kedsengyawa te Meupiya he Tudtulanen.

Tito 2:14

Mibpehimatey sikandin he elili kenitew wey kiw zin melibri te kebpekeulaula tew te mezaat ne wey kiw zin daan mehimu he menge g̵aked din he etew he nelumpiyuwan he utew en egkengesuat he ed-ulaula te meupiya.

Hibriyuhanen 9:12

Ne kesevaha zà is kedseled din dutun te utew mahal he rug̵u te simbahan he ziyà te langit ne kenè en ed-uman. Ne wazà sikandin mekeseled dutun tenged te kebpelengesa zin te lengesa te menge ayam dà duen, iring te menge kambing wey menge nati he vaka, kekenà, nekeseled dutun tenged te impelengesa zin is kandin he lengesa. Ne tenged kayi te kebpemuhata te lawa zin, midhimu zin he wazà pidtemanan te kedlibriya zin kenita te silut.

1 Pedro 2:24

Iyan si Kristu midsilutan tenged te menge salè tew zutun te kedrensanga kandin diyà te krus. Umba iyan sikandin midsilutan su wey tew meengkezi is menge mezaat he ulaula ne wey tew iyan meulaula is metazeng. Is menge palì din dutun, ne iyan nekevawì kenitew.

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

1 Juan 4:10

Is tutuu he g̵ag̵ew, kenà iyan is kebmahala tew te Megbevayà, kekenà, iyan is kebmahala zin kenitew wey is kebpehendiniya zin te Anak din su wey pinaag̵i te kebpehimatey zin mepesaylu is menge salè tew.

Impezayag 5:9

Ne egkanta zan te veg̵u en he kentahan, ke sikandan te, “Dait ka he egkuwa te velesahan wey ed-awà te menge tiyap din su mibpehimatey ka ne imbelukas nu is lengesa nu te menge etew wey maangken sikandan te Megbevayà. Ebpemuun sikandan diyà te minsan hengkey he kepuun wey kineg̵iyan wey tribu wey g̵inhedian.