1 Timoteo 1:9 - Manobo Western Bukidnon

⁹ Iyan, wazà isug̵ù heini su wey mezawey is menge metazeng he etew, kekenà, insug̵ù heini su wey mezawey is menge mesinupaken, menge kenà metinumanen, menge kenà edtuu te Megbevayà, menge selaan, menge lalung wey menge kenà edtahud te Megbevayà, menge ebunù te amey wey iney zan, menge teremunù,

1 Timoteo 1:9 Кръстосани препратки

Mateo 10:21

Su zutun he timpu zuen menge etew he ibpehimetayan dan is menge suled dan. Ne zuen daan menge amey he ibpehimetayan dan is menge anak dan. Ne zuen menge etew he egkuntedahan dan wey ibpehimetayan dan is menge lukes dan.

Ruma 1:30

ne edsudien dan is menge zuma zan. Menge kuntada sikandan te Megbevayà. Ne wazè dan kedtahud te minsan hentei. Ebpelavew zan ne edantal zan. Utew zan metau he ed-isip te menge veg̵u he paag̵i te kebaal te mezaat. Kenè dan ebpemineg te menge g̵inikanan dan

Ruma 4:13

Dengan dà impenaad te Megbevayà ki Abraham wey te menge kevuwazan din he iyan sikandan ebpekevayàbayà te tivuuk he menusiyà. Umba impenaad heini, kenà tenged te midtuman ni Abraham is kesug̵uan, kekenà, tenged te midtuuwan ni Abraham is Megbevayà, ne tenged kayi te kedtuu zin mid-isip te Megbevayà sikandin he metazeng.

Ruma 5:20

Ne umba imbeg̵ey te Megbevayà is kesug̵uan su wey med-iseg is kegketueni te menge etew te kezekelà te kedsupaka zan kandin. Ne zutun te mid-iseg mebmezakel is menge kedsupak, impeiseg ipezekelà te Megbevayà is gag̵ew zin te menge etew.

Ruma 6:14

Su kenè en kinahanglan he iyan ebayàbayà kenita is mezaat he kebayè ta su kenè ta iyan edserig̵an is kedtumana te kesug̵uan, kekenà, iyan ta edserig̵an is kedtavang wey kegkeg̵eg̵awi te Megbevayà kenita.

Gelasya 3:19

Ne emun iyan heini, ne hengkey is pulus te kesug̵uan? Ibpesavut ku keniyu is pulus din. In-uman te Megbevayà is kesug̵uan su wey zin ipesavut kenita ke hengkey is mezaat he ulaula ta; ne egkesuatan din he zutun dà taman is kedserig̵i te kesug̵uan te kebpekeuma te kevuwazan ni Abraham he iyan si Kristu he iyan mibpenaazan te Megbevayà. Midsug̵ù te Megbevayà is menge velinsug̵uen din he ebpuun diyà te langit wey zan ikeveg̵ey is kesug̵uan diyà te ki Moises. Ne si Moises, nehimu sikandin he zatù te pid-elangan su imbeg̵ey zin daan is kesug̵uan diyà te menge etew.

Gelasya 5:18

Iyan, ke ebpesakup ki te Wag̵as he Mulin-ulin, kenè ki egkesakup te kesug̵uan he imbilinbilin ni Moises.

Gelasya 5:21

Egkeimahan dan is menge azen te menge zuma zan. Egkengelangut dan, ne kenè dan ed-eg̵enen is menge kebayè dan he mezaat, kekenà, edtumanen dan, wey mezakel pa is ed-ul-ulahan dan he iring kayi. Ed-umanan ku te egkag̵i is migkag̵i ku he zaan he is etew he ed-ul-ulahan din is menge iring kayi, kenà sikandin ebpekeragkes te egkehedian te Megbevayà keuzemà.

Gelasya 5:23

kenè ki mevurut, wey egkeeg̵en ta is kebayà te lawa ta. Ne emun iyan heini menge ulaula ta, kenè ta egkesupak is menge sug̵ù kenita te Megbevayà.

2 Tiselunika 2:8

Ne zutun, human ebpeg̵awag̵awa sikan is utew mesinupaken he etew. Iyan, dutun te kebpekeuma ni Jesus edhimetayan sikandin ni Jesus pinaag̵i te mekeg̵eg̵ehem he anlag din; edhiyupen din dà ne segugunà ebpatey, ne egkeawà is gehem din.

1 Timoteo 4:7

Iyan, likayi nu is menge penurù he menge tarù he g̵ug̵ud he kenà dait te Megbevayà. Purungi nu tumana is egkesuatan te Megbevayà.

1 Timoteo 6:20

Sikew Timoteo, purungi nu tumana is tuluuwen he insarig kenikew. Likayi nu is menge etew he supak te Megbevayà is kegkag̵ikag̵i zan. Likayi nu zaan is kunaan te zuma ke tutuu en he ketau.

2 Timoteo 2:16

Likayi nu is winalì he kebpenurù he kenà egkesuatan te Megbevayà, su pinaag̵i zutun ed-iseg is kenà kedtahud kandin te menge etew.

2 Timoteo 3:2

Su zutun he timpu leg̵ezen is menge etew wey iyan mahal ziyà te g̵ehinawa zan is selapì. Ebmepelevawen wey ebmepedeligen dan. Edsulaan dan is menge zuma zan; kenè dan ebpemineg̵en is menge lukes dan; ne kenè dan ebpeselamat. Utew lalung sikandan.

Tito 1:10

Umba egkeg̵iyen ku heini su zuen mezakel he menge zuma niyu ziyan he edsumpalit te hustu he penurù. Iyan is menge Hudiyu he tumutuu en ki Kristu. Wazà pulus te egkeg̵iyen dan wey tarù is ibpenurù dan.

Tito 1:16

Duen menge etew he egkeg̵iyen dan he emig̵u sikandan te Megbevayà, iyan, pinaag̵i te menge ulaula zan egketuusan ta he kuntada sikandan te Megbevayà. Utew zin sikandan egkeepesi su kenè dan ebpememineg te tutuu he tuluuwen. Ne tenged dutun kenè dan dait he ibpeulaula zin te minsan hengkey he meupiya.

Tito 1:6

Is ebmeg̵urangen, kinahanglan he wazà supak din, sevaha zà is esawa zin, ne kenè din selselai. Kinahanglan he menge tumutuu is menge anak din, ne kenà sikandan ed-isipen te menge etew he iyan dan dà ebpen-ahaan is kelibutanen he kelipey. Kinahanglan he metinumanen sikandan te menge idsug̵ù kandan.

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.

Hibriyuhanen 11:31

Duen dutun te inged he Hiriku bahi he meremerik is ulaula zin he egngezanan ki Rahab. Ne minsan pa zutun, hein nekeuma is ed-eles-eles he menge sug̵ù ni Moises he edsusi te kelig-en dutun te inged, midtuu si Rahab te Megbevayà ne midtevangan din haazà is menge etew. Ne neug̵et pa zutun hein migerà is menge zuma zin he wazà medtuu te Megbevayà, wazà sikandin iragkes tenged te kedtuu zin te Megbevayà.

Hibriyuhanen 12:16

Bantey kew su wey wazà minsan sevaha keniyu he meremerik is ulaula zin wey ke ed-iniyug̵an din be is Megbevayà su iring kayi si Esau zengan. Is ketenged din te kegkekakey he anak, inliwè din te keenen he sengepegkaan dà.

1 Pedro 2:7

Ne heini is hadì he iring te vatu, mahal utew sikandin dini te kenita te nekesarig en kandin, iyan, is langun he kenà edtuu, netuman pinaag̵i kandan is insurat he tagnà he edhenduen te, “Sikan is batu he himan te valey, mid-engkezan te menge pandey. Ne heini, nehimu en guntaan he vatu he iyan dà ebpekepurung te valey.”

1 Pedro 3:20

Iyan heini menge etew zengan he wazà mebpemineg te Megbevayà dutun te timpu zengan hein ebpelevayen din dà is memezaat he ulaula zan taman te nepasad ni Noe is kebeeli zin te arka. Walu zà he etew is nekeseled dutun te arka wey zan melibri te wahig.

1 Pedro 4:18

Su zuen insurat he Lalag te Megbevayà he edhenduen te, “Emun mereg̵en he edlibriyen te silut is menge metazeng he etew, iyan pe be melibri sikan is menge etew he edsukul te Megbevayà wey memezaat is ulaula!”

Hudas 1:15

su edsusiyen din is nengeulaula te minsan hentei he etew. Edsilutan din is minsan hentei he lalung he wazè dan kedtahud te Megbevayà tenged te menge kelelalung he mid-ulaula zan wey tenged te kedsumpelita zan te Megbevayà.”

Impezayag 21:8

Iyan, sikan is egkehandek he edsundan kedì wey is menge kenà metinumanen, is menge etew he memahawag is ulaula, is menge memumunù, wey is menge meremerik is betasan, is menge keteuwan he etew, wey menge ed-azap te kenà tutuu he Megbevayà wey is langun he teruen he menge etew, iyan egketemanan dan is id-agbur sikandan diyà te ranew he nepenù te egkeregreg he esupri he iyan ikezuwa he kemetayen,” ke sikandin.

Impezayag 22:15

Iyan, diyè dà te meziyù is mekeeled-eled is baal zin, wey is menge keteuwan, is memeremerik is ulaula, is menge memumunù, is ebpemenimba te menge ledawan wey is langun he menge etew he ebpenurù te tarù wey is etew he limbung is ulaula zin.