1 Timoteo 1:6 - Manobo Western Bukidnon

⁶ Duen diyan menge etew he wazè dan meseg̵ipà heini. Iyan dan impelavi is kebpekidlewanà mehitenged te wazè din pulus.

1 Timoteo 1:6 Кръстосани препратки

Mateo 18:12

Ke zuen etew he nenggatus is menge ayam din he kerehidu ne egketazin is sevaha zutun, hengkey is ed-ul-ulahan din? Iyan ed-ul-ulahan din is ed-ewaan din haazà is kesiyawan wey siyew he wazà metazin he ebpemenabtab diyà te kelendig̵an, ne ebpen-ahaan din haazà is sevaha he netazin.

1 Timoteo 5:15

Umba egkeg̵iyen ku heini su zuen menge valu he vahi he mid-engkezan dan is kedsunud dan ki Kristu ne ebpezumdumahan dan si Setanas.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

2 Timoteo 4:10

su mid-ewaan a ni Dimas tenged te iyan egkenug̵unan din is untung din dini te kelibutan. Midhendiyà sikandin te Tiselunika. Ne si Krisinti, midhendiyà te Gelasya, ne si Tito zaan, midhendiyà te Delmasya.

Tito 1:10

Umba egkeg̵iyen ku heini su zuen mezakel he menge zuma niyu ziyan he edsumpalit te hustu he penurù. Iyan is menge Hudiyu he tumutuu en ki Kristu. Wazà pulus te egkeg̵iyen dan wey tarù is ibpenurù dan.

Tito 3:9

Iyan, likayi nu is winalì he kebpekidlewanà te menge etew. Likayi nu zaan is ked-istudyu te menge g̵ug̵ud te menge ngazan te menge kepuun te etew he iyan baal zan. Ne elin nu zaan likayi is kebpekid-eg̵et dan mehitenged te kedtumana te kesug̵uan he imbilinbilin ni Moises. Wazà pulus te langun kayi su ebpekezezaat.