1 Timoteo 1:19 - Manobo Western Bukidnon

¹⁹ Iyan gumaan nu is kedtuu nu te tutuu he tuluuwen wey is kedtumana nu te langun he netuenan nu he hustu. Duen menge etew he wazè dan tumana is netuenan dan he hustu ne tenged kayi nezeetan en is kedtuu zan te Megbevayà.

1 Timoteo 1:19 Кръстосани препратки

Mateo 6:27

Ne minsan sengemenu is kegkenug̵uni te etew te untung din, wazà minsan hengkey he paag̵i he egkesumpatan din te minsan deisey zà.

1 Kurintu 11:19

Kinahanglan buwa he iyan heini egkehitavù keniyu ziyan su wey metueni ke hentei keniyu is egkeserig̵an te Megbevayà.

Gelasya 5:4

Is minsan hentei keniyu he kunaan din ke pinaag̵i te kedtumana te kesug̵uan is kebpeketezenga kandin te Megbevayà, nekesuwey en sikandin ki Kristu. Neewaan din en is gag̵ew te Megbevayà kandin.

1 Timoteo 1:5

Ne kinahanglan he iyan ketezengan ke maan is idsug̵ù nu kandan heini su wey zan mahala is menge zuma zan diyà te g̵ehinawa zan. Ne kenà egkehimu he hustu is kebmahala ta te menge zuma ta emun wazè ki melumpiyuwi te Megbevayà duen te menge salè ta. Kinahanglan he iyan dà ed-ul-ulahan ta is netuenan ta he hustu ne kinahanglan daan he tutuu is kedtuu ta te tutuu he tuluuwen ne zutun human hustu is kebmahala ta te menge zuma ta.

1 Timoteo 3:9

Kinahanglan he edhemenan dan te edtuu he kenà duwazuwa is menge tuluuwen he imbugnà kenitew te Megbevayà.

1 Timoteo 6:12

Penigudu ka he meupiya is kedlumbè nu, he ke và egkeg̵iya, is kedtumana nu te langun he ebpeveelan kenikew tenged te neketuu ka. Hemeni nu is untung he wazè din pidtemanan su umba midhimu ka te Megbevayà he tumutuu kandin su wey nu heini maangken. Nekepenudtul ka ziyà te mezakel he menge etew he neketuu ka te tutuu he tuluuwen.

1 Timoteo 6:21

Duen duma he menge etew he nekekuwa en kun kayi te ketau, iyan, pinaag̵i kayi neengkezan dan en is tutuu he tuluuwen he midtuuwan tew. Berakat he ikeg̵ag̵ew kew is langun te Megbevayà.

1 Timoteo 6:9

Is menge etew he egkesuat he medsepian, melemu sikandan egkepenulayi wey egkeseleizi. Mezakel is menge suat dan he wazà pulus ne ebpekezezaat heini. Ebpekezezaat heini kandan wey egkehimu zaan he ibpatey zan heini.

2 Timoteo 2:18

Midsuwayan dan en is kebpenurù te tutuu he tuluuwen ne pinaag̵i zutun nehugkà is kedtuu te zuma he menge tumutuu. Egkeg̵iyen dan he nepasad en is kebenhawa kenita.

2 Timoteo 4:4

Kenè dan ebpemineg̵en is tutuu, kekenà, iyan dan edtuuwan is menge tarù he g̵ug̵ud.

Tito 1:9

Kinahanglan he zutun te kebpenurù din, kenè din suwayi is tutuu he tuluuwen he iyan impenurù ta. Su emun iyan ibpenurù din is tutuu he tuluuwen, egkeheg̵et is kedtuu te ebpememineg kandin ne igkepesavut din he utew nengesayep is edsumpalit te penurù din.

Hibriyuhanen 3:14

Su sikitew, emun edhemenan tew is daan he kedsarig tew ki Kristu, duen tew pudu upakat kandin.

1 Juan 2:19

Ne heini is menge kuntada ni Kristu, kenè tew sikandan tutuu he menge zuma su umba mid-ewaan kiw zan. Angin ke tutuu zan he zuma tew su wazè kiw zan geina ewai. Tenged te ked-awè dan egketuenan ta he kenè dan tutuu he menge zuma tew.

Impezayag 3:10

Ne tenged te metinumanen kew te sug̵ù ku he med-antus kew, ebentayan ku sikiyu wey kew kenè en ebpekesag̵ad te limas he egkeantus te tivuuk he menusiyà he ibpenggezam kandan.

Impezayag 3:3

Kenè niw lipati is impenurù keniyu he midawat niw zengan, kekenà, hemeni niw ne ewaa niw ziyà te g̵ehinawa niw is kenè niw kedtuu. Su emun kenè niw ed-iniyug̵an is menge ulaula niw he mezaat, ebeyaan ku sikiyu zutun te timpu he kenà a keniyu ebpeebuten su iring te tekawen is kebpekeuma ku.

Impezayag 3:8

Netuenan ku is menge ulaula niw. Ne minsan pa te pirapira kew zà he leg̵as, metinumanen kew te menge lalag ku ne wazè niw engkezi is kedtuu niw kediey. Umba, is gemawan he ibayè niw, mibpuwasan ku en ne kenè en egkelekevan te minsan hentei, he ke và dà egkeg̵iya, wazè en ebpekesanggen keniyu te ibpeulaula ku keniyu.