1 Pedro 5:8 - Manobo Western Bukidnon

⁸ Med-andam kew, mebantey kew su is kuntada tew he si Setanas, edrig̵urig̵u en he iring te erimaung he edhinig̵er su ebpen-ahà te edewiyen din.

1 Pedro 5:8 Кръстосани препратки

Mateo 13:39

Ne sikan is kuntada te etew, ne iyan en si Setanas. Ne is tirag̵un, iyan is ketepusan he timpu; ne sikan is ebpemenlegtey, iyan is menge velinsug̵uen te Megbevayà.

Mateo 24:42

Purungpurung kew su kenè niw egketuenan ke keenu he andew is kedlikù ku te Nengazen niw.

Mateo 25:41

Ne zutun ekeg̵iyan ku is menge etew he ziyà te zapit te egkeg̵ivang ku te, ‘Sikiyu is midrewakan te Amey ku he Megbevayà, awè kew kayi! Su zutun kew te regreg he wazè din pidtemanan he integ̵ana he zaan ki Setanas he iyan idsilut kandin duma te menge velinsug̵uen din!

Mateo 4:1

Ne zutun mid-ag̵ak si Jesus te Wag̵as he Mulin-ulin pehendiyà te tanà he wazà duen ed-ubpà he etew wey sikandin meg̵ezami ni Setanas.

Mateo 4:11

Ne zutun mid-awà si Setanas ne nekeuma is menge velinsug̵uen te Megbevayà ne imbeg̵ey zan ki Jesus is egkinehenglanen din.

Marcos 4:15

Ne is benì, ne iyan is Lalag te Megbevayà he zuen nemekezineg duen, iyan, midlepew si Setanas ne midhimu zin he melipati zuen te nekezineg sikan is lalag he nezineg dan.

Lucas 21:34

Ne ke si Jesus te, “Uram kew wey kew kenà kayi zà egketaman te kegkebibu wey kebpemenginum wey te kedlag̵ud niw te menge kelibutanen he menge kinahanglan niw. Su emun kenè kew ed-uram ne egketik-awan kew egkesaut te andew te kedlimasa te Megbevayà te menusiyà. Ne egkeiring kew te egketelebpì he rumat.

Lucas 21:36

Umba, mebpekevantey kew, ne layun kew ampù, su pinaag̵i zà te ked-ampù ne edlig-enan kew te Megbevayà ne kenè kew egkekeizan kayi te langun he egkengeseg̵azan niw, ne human kenè kew zutun egkeeled ke ebpekeetuvang kew kedì,” ke si Jesus.

Lucas 22:31

Ne migkag̵i si Jesus diyà te ki Simon Pedro te, “He Simon, duen egkeg̵iyen ku kenikew. Midtug̵utan si Setanas te Megbevayà he ebpenggezam keniyu te langun. Is kebpenggezam din ne iring te ked-ukap te parey su kela ke iring te ukap is kedtuu niw.

Juan 8:44

Iyan amey niw si Setanas, ne is egkesuatan te amey niw, iyan daan egkesuatan niw he meveeli niw. Puun pa te puunà ne memumunù en si Setanas. Ne wazè din kelavet te tutuu he tuluuwen su wazà diyà te kandin is minsan hengkey he tutuu. Emun egkag̵i sikandin, ne tarù is lalag din su tarù dà is egkeisip din. Teruen man sikandin wey ziyà te kandin ebpuun is minsan hengkey he tarù.

2 Kurintu 2:11

Ne umba ed-ul-ulahan ku heini su wey kenè kiw meekali ni Setanas. Netuenan tew ke hengkey is mezaat he edhimuwen din pezem dini te kenitew.

Ipisu 4:27

Kenè niw itug̵ut he pinaag̵i te pauk niw, ne mevintahai kew ni Setanas.

Ipisu 6:11

Gemita niw is langun he menge himan te kebpekidtebek he ibeg̵ey te Megbevayà su wey kew mekesukul ki Setanas emun egemiten din is ketau zin te kegkeiza zin keniyu.

1 Timoteo 2:15

Ne minsan pa te iyan haazà, egkelibri g̵ihapun is menge vahi te silut pinaag̵i te ked-anak te vatà ke kenè dan edlekaan is kedtuu zan, wey is kebmahala zan te menge zuma zan wey is menge ulaula zan he igkesuat te Megbevayà wey is ked-erengana zan te langun he ed-ul-ulahan dan.

1 Timoteo 2:9

Ne is menge vahi zaan, kinahanglan he hustu is kegemita zan te ugelingen dan. Kenè dan ipezalig, kekenà, kinahanglan he metau sikandan he egkeeled. Kenà utew subra is kebmekempeta zan te ulu zan pinaag̵i te vulvul zan. Kenè dan megamit te menge mahal iring te vulawan wey menge velieg he pirlas wey menge mahal he ugelingen,

1 Timoteo 3:11

Iring din ded daan is bahi he esawa te diyekunu su kinahanglan he telehuzen sikandin. Kenà menge vereituk, kekenà, egketengkaan is ked-isipa zin te langun wey egkengeserig̵an te minsan hengkey he meupiya he ulaula.

1 Timoteo 3:2

Iyan, is ed-uwit te menge tumutuu, kinahanglan he wazà igkesewayi kandin. Sevaha zà is esawa zin ne kenè din selselai. Kinahanglan he egketengkaan layun is ed-ul-ulahan din; metau sikandin he ed-isip te hustu wey telehuzen sikandin. Kinahanglan he meelima sikandin te menge meg̵eliyug din. Kinahanglan daan he metau he ebpenurù.

2 Timoteo 4:17

Minsan pa zutun midtevangan a te Nengazen ne midlig-enan e zin ne tenged dutun nepurungan ku te edsangyew is Meupiya he Tudtulanen diyà te langun he menge etew zutun he kenà menge Hudiyu. Ne tenged dutun nelibri a ne wazà a mehimetayi.

Tito 1:8

Kinahanglan he meelima sikandin te menge meg̵eliyug din ne kinahanglan daan he iyan utew zin egkesuati is kedtevangi zin te menge etew. Metau sikandin he ed-isip te hustu. Metazeng sikandin he etew wey igkesuat te Megbevayà is menge ulaula zin. Metau zaan sikandin he ed-eg̵en te menge suat te lawa zin.

Tito 2:12

Ne pinaag̵i zutun te g̵ag̵ew egkesavut ta he kinahanglan he meengkezi ta is menge ulaula he kenà igkesuat te Megbevayà wey is kedtumana ta te menge suat te lawa ta zini te kelibutan. Kinahanglan he ed-eg̵enen ta is menge kebayà ta he mezaat. Kinahanglan daan he metazeng wey igkesuat te Megbevayà is menge ulaula ta te zini ki pa ed-ubpà te kelibutan.

Tito 2:2

Is menge meg̵urang en he maama, ne iyan ipenurù nu kandan is: kinahanglan he metau sikandan he ed-eg̵en te menge suat te lawa zan; kinahanglan he zait sikandan he edtehuzen tenged te menge ulaula zan he meupiya; kinahanglan he metau zan he ed-isip te hustu. Meheg̵et is kedtuu zan te Megbevayà, ebmahalen dan diyà te g̵ehinawa zan is menge zuma zan, wey meinentusen sikandan.

Tito 2:4

su wey zan ikepenurù diyà te menge menguhed he vahi is kebmahala zan te menge esawa zan wey menge anak dan,

Tito 2:6

Ne iring din daan dutun is penurù nu ziyà te menge menguhed he maama. Kinahanglan he ipenurù nu kandan he purungi zan tengkai is menge ulaula zan.

Santiago 4:7

Ne tenged dutun, pesakup kew te Megbevayà. Sukuli niw si Setanas ne ebpelag̵uy keniyu.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.

1 Pedro 4:7

Kenè en utew egkeug̵et is ketepusan te kelibutan. Ne tenged dutun, kinahanglan he hustu is ked-isip-isip niw. Kinahanglan daan he purungi niw is menge ulaula niw su wey mehustu is ked-ampù niw ziyà te Megbevayà.

Impezayag 12:10

Ne zutun, nezineg ku is utew mezag̵ing he egkag̵i ziyà te langit he edhenduen te, “Guntaan egketuman en is kedlibriya te Megbevayà te menusiyà. Impeehè en te Megbevayà is keg̵ehem din te kedhadì. Is hadì he mibpilì te Megbevayà, impeehè din en is ketenged din te kedhadì. Su midsegseg en pehendiyà te tanà si Setanas, is edsumbung te menge suled tew. Iyan sikandin midsumbung kandan diyà te Megbevayà tew te maandew wey te mezukilem.

Impezayag 12:12

Sikiyu is menge meg̵inged diyà te langit, medlipey kew. Iyan, sikiyu is diyan te tanà wey ziyan te zag̵at, kehizu niw! Su kes mezaat he mulin-ulin he si Setanas, mibpenaug en diyan te keniyu. Ne utew sikandin nererengiti su netuenan din he mevavè dà utew is nesamè din he timpu te kedlalunglalung.”

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

Impezayag 20:10

Ne zutun, is mid-akal kandan he si Setanas, intimbag sikandin diyà te ranew he egkeregreg te esupri he zutun itimbag sikan is langgam wey kes ebpeneuven ni Setanas ne zutun edresayen sikandan te maandew wey mezukilem te wazà pidtemanan.

Impezayag 20:2

Ne midakep din sikan is dekelà he uled he deragun he iyan ded sikan is uled dengan he iyan daan kes mezaat he mulin-ulin he si Setanas ne mibpusasan din. Ne kenà ibpaawà haazà seled te nengkelibu he tuig.