1 Pedro 5:6 - Manobo Western Bukidnon

⁶ Ne tenged dutun kinahanglan he kenè kew mepelevawen, kekenà, pevayàbayè kew te Megbevayà he mekeg̵eg̵ehem ne edhimuwen kew zin he utew lavew keuzemà te hustu he timpu.

1 Pedro 5:6 Кръстосани препратки

Mateo 23:12

Sikan is ebpelavew, edhimuwen te Megbevayà he egkelevawan sikandin te langun. Ne sikan is ed-isipen din he lavew kandin is minsan hentei keniyu, edhimuwen sikandin te Megbevayà he lavew te minsan hentei keniyu.

Lucas 1:52

Duen menge lavew he hadì he mibpekevavè din is pid-etawan ne zuen daan menge etew he minus is pid-etawan he mibpeketikang din is pid-etawan.

Lucas 14:11

Sikan is etew he ed-isipen din he lavew is pid-etawan din ne ebminusen heini te Megbevayà. Iyan, sikan is etew he ed-isipen din he minus is pid-etawan din ne ebpeketikangen te Megbevayà is pid-etawan din.”

Lucas 18:14

Ne ke si Jesus dutun te, “Benar is egkeg̵iyen ku he haazà is menunukut te vuhis, hein mid-ulì diyà te valey zin ne wazè en isipa te Megbevayà is salè din su nepesaylu en. Iyan, kenà iring dutun haazà is gelbuwen he Perisiyu su is etew he kunaan din ke utew lavew sikandin diyà te etuvangan te Megbevayà, ne ebminusen sikandin te Megbevayà, iyan, is etew he netuenan din he utew sikandin mekesesalà, ne ibpelavew sikandin te Megbevayà.”

Ruma 5:6

Isipa nu is gag̵ew kenita te Megbevayà. Su zutun te timpu he intelaan te Megbevayà, hein wazà minsan hengkey he egkeulaula ta he ebpekehimu he melibri ki te silut, mibpehimatey si Kristu he elili kenita te mesinupaken.

1 Kurintu 10:22

Ne kenà meupiya he mepauk kenitew is Nengazen. Kunaan niw vuwa ke ebpekesukul kew kandin.

1 Timoteo 2:6

Imbelavag din is untung din ne mibpehimatey su wey zin mevelukasi is langun he menge etew. Ne pinaag̵i kayi, dutun te hustu he timpu, impeehè din he egkesuatan te Megbevayà he melibri te silut is tivuuk he menusiyà.

Santiago 4:10

Pesakup kew te Megbevayà, ne ibpelavew kew zin.

Santiago 4:7

Ne tenged dutun, pesakup kew te Megbevayà. Sukuli niw si Setanas ne ebpelag̵uy keniyu.

Santiago 5:10

Menge suled, ed-iringan ta is kebmeinentusen te menge ebpeneuven dengan te Megbevayà su zutun te kebpesevuta zan te Lalag te Nengazen nekeantus dan te kemeresayan.