1 Pedro 5:14 - Manobo Western Bukidnon

¹⁴ Mebpelimlimuey kew. Mebmelinawen is gehinawa te uman sevaha keniyu he nekidsevaha ki Kristu.

1 Pedro 5:14 Кръстосани препратки

Mateo 5:47

Ne emun iyan niw zà idtetepian is menge emig̵u niw, hengkey is igkezelig̵i keniyu? Wazà, su minsan is menge etew he wazà med-azap te Megbevayà, ed-ul-ulahan dan is iring kayi.

Juan 14:27

Edteg̵akan ku is isip niw te kelinew. Is kelinew he zini te isip ku, iyan idtag̵ak ku keniyu. Is menge etew zini te kelibutan he kenà edtuu, kenè dan ebpekeveg̵ey keniyu te kelinew he iring kayi. Ne kinhanglan he kenà mebmesakit is gehinawa niw ne kenè kew zaan mahandek.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Juan 20:19

Ne hein mezukilem dutun te andew he Duminggu, netig̵um haazà is menge sumusundan diyà te sevaha he valey he midlekevan dan su nahandek dan te menge punuan he menge Hudiyu. Ne netekewtekew zan te ziyà si Jesus te teliwazè dan ne ke sikandin te, “Berakat he mebmelinawen kew.”

Juan 20:26

Nekewalu pa zutun, nengetig̵um en maan haazà is menge sumusundan ni Jesus duen te netig̵uman dan ded he valey, ne zutun daan si Tomas. Midlekevan dan ded haazà is baley ne minsan pa zutun netekewtekew si Jesus mekehitindeg dutun te teliwazè dan. Ke sikandin te, “Berakat he mebmelinawen kew.”

Ruma 1:7

Ne tenged kayi, ebpesuratan ku sikiyu is langun diyan te inged he Ruma he mahal ziyà te g̵ehinawa te Megbevayà he midhimu zin he menge sakup din. Is Amey tew he Megbevayà wey is Nengazen tew he si Jesu Kristu, berakat he ikeg̵ag̵ew kew zan wey iveg̵ey keniyu is melinawen he kebpekesavuk.

Ruma 16:16

Ne sikiyu is langun diyan, emun edtig̵um kew pelimlimuey kew te uman sevaha keniyu. Ebpengemusta keniyu is menge tumutuu te langun he menge inged dini.

Ruma 8:1

Ne sikita is nekidsevaha ki Jesu Kristu, kenè ki en egkehukuman te silut.

1 Kurintu 1:30

Ne minsan pa zutun, midhimu te Megbevayà he mesevaha si Jesu Kristu wey sikitew ne midhimu zin daan he zuen ketau tew he ebpuun te ki Kristu. Ne pinaag̵i ki Kristu mid-isip kiw en he metazeng te Megbevayà ne nehimu kiw en daan he menge g̵aked te Megbevayà, ne nevelukasan kiw zin te kegkeuripen tew te mezaat he ulaula.

1 Kurintu 16:20

Is langun he menge tumutuu he menge zuma ku kayi, ne ebpengemusta zan daan keniyu. Ne sikiyu zaan diyan, ne mebpelimlimuey kew.

2 Kurintu 13:12

Mebpelimlimuey kew he iyan tuus he teltelesuled kew tenged te kedtuu niw.

2 Kurintu 5:17

Ne sikan is etew he nekidsevaha en ki Kristu, beg̵u en sikandin he linimbag. Nahanew en diyà te kandin is daan he netag̵ù te isip din ne mid-ilisan en heini te veg̵u.

Ipisu 6:23

Is Amey tew he Megbevayà wey is Nengazen tew he si Jesus, berakat he sikiyu is menge suled dey, tuvazi kew zan te melinawen he kebpekesavuk, wey ipeehè dan keniyu is kebmahala zan keniyu ziyà te g̵ehinawa zan wey heg̵eta zan is kedtuu niw kandan.

1 Tiselunika 5:26

Pengemustaha niw te limù is langun he menge suled tew ziyan.

1 Pedro 1:2

Nengaaram kew te Megbevayà he Amey tew sumalà is kebayè din dengan he iyan is: edhimuwen kew zin he metazeng pinaag̵i te Wag̵as he Mulin-ulin wey kew mehimu he menge sakup ni Jesu Kristu ne wey kew zaan mepesaylu tenged te kebpelisi keniyu te lengesa ni Jesus. Berakat he ikeg̵ag̵ew kew zin wey mebmelinawen kew utew.

3 Juan 1:14

Egkesuatan ku he kenè en utew egkeug̵et edhendiyan a ne human ki ebpekedlalag.