1 Pedro 5:12 - Manobo Western Bukidnon

¹² Mid-ug̵upan a ni Silvanu te edsurat kayi. Suled tew sikandin he utew egkeserig̵i. Iyan insurati ku keniyu kayi su wey ku meheg̵et is kedtuu niw. Ibpesavut ku keniyu he impenurù ku en keniyu he tutuu is gag̵ew te Megbevayà keniyu. Ne kenè niw heini lipati.

1 Pedro 5:12 Кръстосани препратки

Juan 21:21

Ne hein naahà ni Pedro haazà he sumusundan, migkag̵i ziyà te ki Jesus te, “Haazà is duma ta, hengkey is egkeulaula kandin keuzemà?”

Nengeulaula 11:23

Ne hein nekeuma si Bernabe, neehè din he utew zekelà is tuvad te Megbevayà te menge etew, ne heini, utew zin ingkelipey. Inhangyù din kandan he hemeni zan wey heg̵eta zan is kedtuu zan te Nengazen.

Nengeulaula 15:22

Ne zutun, is menge epustul wey ebmeg̵urangen wey is langun he menge tumutuu he Hudiyu, neisip dan he ebpilì dan te menge zuma zan he ibpezuma zan ki Pablo wey ki Bernabe ziyà te Entiyukya. Ne iyan nepilì dan si Silas wey si Hudas he sevaha he ngazan din si Bersabas. Ne haazà is dezuwa, telehuzen sikandan te menge tumutuu zutun.

Nengeulaula 20:24

Iyan, kenè ku en egkenug̵unan heini is untung ku zini te kelibutan su wey ku mepasad is ebpeveelan kedì te Nengazen tew he si Jesus he iyan is kedsengyawa te Meupiya he Tudtulanen te g̵ag̵ew kenitew te Megbevayà.

Ruma 5:2

Tenged te kedtuu tew ki Jesus midhimu zin en he meg̵eg̵awi kenitew is Megbevayà. Umba zekelà is kelipey ta su egkeperateng ta he keuzemà ebpekeambit ki te utew kegkelavew te Megbevayà.

1 Kurintu 15:1

Ne g̵untaan, menge suled ku te kedtuu, ed-umanan ku sikiyu te ebpenurù mehitenged te Meupiya he Tudtulanen he impesavut ku zengan keniyu, ne midtuuwan niw ne midhemenan niw.

2 Kurintu 1:19

Sikami engki Silas wey si Timoteo, impenudtul zey ziyan te keniyu kes Anak te Megbevayà he iyan si Jesu Kristu. Ne netuenan niw he metinumanen sikandin te lalag din ne kenà egkehimu he kenè din edtumanen is penaad din.

2 Kurintu 1:24

Kenè dey egkesuatan he ebayàbayè key ke hengkey is edtuuwan niw su netuenan dey he meheg̵et en is kedtuu niw. Egkesuatan dey zà he mehimu key he timbang niw te ebpeveelan kenitew te Megbevayà su wey kew melipey.

Ipisu 3:3

In-eles dengan heini, iyan, impesavut din kediey. Mehitenged kayi, duen ingkepesavut ku en keniyu pinaag̵i te surat.

Ipisu 6:21

Si Tikiku is minahal tew he suled wey metinumanen he sulug̵uen te Nengazen tew, iyan ebpeketudtul keniyu mehitenged te kebpekesavuk ku wey ke hengkey is egkeulaula ku kayi.

Kulusas 1:7

Impenurù keniyu heini ni Ipapras he minahal he zuma zey he sulug̵uen ni Kristu. Metinumanen sikandin te menge sug̵ù ni Kristu pinaag̵i te kedtavang din kenami.

Kulusas 4:7

Is langun he nengehitavù kedì dini, ne egketuenan niw ziyà te ki Tikiku te sevaha he suled tew he utew minahal. Duma zey sikandin he sulug̵uen te Nengazen he utew metinumanen te ebpeveelan kandin te Megbevayà.

Kulusas 4:9

Iyan duma ni Tikiku, si Unisimu, is sevaha zaan he suled tew he metinumanen daan te menge sug̵ù te Nengazen. Minahal zey zaan sikandin. Duma niw si Unisimu he tigKulusas. Edtudtulan kew zan te langun he neulaula zini.

1 Tiselunika 1:1

Sikami si Pablo, si Silas, wey si Timoteo, ebpesuratan dey sikiyu is menge tumutuu he menge tigTiselunika he g̵aked te Amey tew he Megbevayà wey g̵aked te Nengazen tew he si Jesu Kristu. Berakat he ikeg̵ag̵ew kew te Megbevayà ne veg̵ayi kew zin te melinawen he kebpekesavuk.

2 Tiselunika 1:1

Sikami, si Pablo, si Silas, wey si Timoteo, ebpesuratan dey sikiyu is menge tigTiselunika he g̵aked te Amey tew he Megbevayà wey g̵aked te Nengazen tew he si Jesu Kristu.

Hibriyuhanen 13:22

Menge suled, edhengyuan ku sikiyu he entusa niw is kebpemineg kayi te langun he menge lalag ku keniyu su kenà utew melug̵ayad heini is insurat ku.

1 Pedro 1:13

Ne g̵eina te iyan haazà, kinahanglan he ed-andam ki wey ki mekepurung mekeisip-isip su wey ta layun mepurungi is kedsunud ta te Nengazen. Kinahanglan he iyan dekelà diyà te g̵ehinawa ta is kebperateng ta te utew meupiya he ibeg̵ey te Megbevayà kenita keuzemà dutun te andew te kebpeg̵awag̵awa ni Jesu Kristu.

1 Pedro 4:10

Is minsan hengkey he ketau he imbeg̵ey te Megbevayà diyà te kada sevaha keniyu, kinahanglan he g̵emita zin wey metevangi is menge zuma zin he tumutuu su wey hustu is kegemita niw te minsan hengkey he intavang keniyu te Megbevayà.

2 Pedro 1:12

Minsan pa te nesavut niw en heini is langun wey meheg̵et en is kedtuu niw te tutuu he tuluuwen, kinahanglan he layun ku heini ibpezineg keniyu.

2 Pedro 2:15

Nengetazin en is isip dan su midsuwey zan en te tutuu he ibayà. Iyan ibayà he ed-ikulen dan is mezaat he paag̵i zengan ni Belaam he anak ni Busur. Iyan dekelà diyà te g̵ehinawa ni Belaam is selapì he idsuhul kandin ke mezaat is ed-ul-ulahan din.

3 Juan 1:12

Nezelig̵an si Dimitriyu te langun he menge etew. Egkeehè dan pinaag̵i te menge ulaula zin he edtumanen din is tutuu he tuluuwen. Edelig̵en dey zaan sikandin ne netuenan nu he tutuu is egkeg̵iyen dey.

Hudas 1:3

Minahal ku he menge suled, minsan pa te iyan aney he egkesuatan ku is ebaal a te surat he ibpeuwit ku ziyan wey ku ikeseysey ziyan te keniyu is kedlibriya kenitew te Megbevayà, iyan, utew en guntaan epiki he ebpesuratan ku sikiyu wey ku sikiyu mesembag̵i. Kinahanglan, menge suled, he pekezesen kew sukul te menge etew he edhelinen dan pezem is tutuu he tuluuwen he imbeg̵ey te Megbevayà. Haazà is tuluuwen, imbeg̵ey zin kenitew te menge g̵aked din ne kinahanglan he kenè en ed-umanan te minsan hentei.